Энэхүү сургалтаар Юникс болон Линукс үйлдлийн системийн суурь ойлголт, файл, процесс, хэрэглэгч болон файл системийн түвшиний удирдлага, анхан шатны тохиргооны талаар мэдлэг олгоно. Мөн бүлэг бүрийн лабораторийн гүйцэтгэлээр дамжуулан Линукс үйлдлийн системийн үйл ажиллагаанд шинжилгээ хийх, асуудлыг тодорхойлох, шийдвэрлэх, хяналт удирдлага зэрэг сэдвүүдийг үзнэ.
Юникс болон Линукс үйлдлийн системийн ойлголт олгож, анхан шатны үйлдлийн систем удирдах ур чадварыг эзэмшүүлэх, түгээмэл командын ашиглалтын талаар системтэй мэдлэг олгох зорилготой болно.
Уг хичээлийг судалснаар цахим аюулгүй байдлын талаарх ойлголтыг дэлгэрэнгүй судалж кибер халдлагаас хамгаалах, халдлагад өртсөн систем дээр дүн шинжилгээ хийх, халдлага илрүүлэх системийн ажиллах зарчим болон дүрэм боловсруулах чадвар эзэмшиж төгсөөд аюулгүй байдлын талаар цогц чадамжтай болно.
Мэдээллийн аюулгүй байдлын үндсэн ойлголтууд, нууцлал, бүрэн бүтэн байдал, хүртээмж г.м. аюулгүй байдлын түлхүүр шаардлагууд, OSI загварын X.800 аюулгүй байдлын архитектур, криптологийн хоёр салбар болох криптографийн алгоритмууд ба криптанализийн аргуудын талаарх ойлголтууд, криптографийн симметрик түлхүүрт классик алгоритмууд, DES, AES алгоритмууд болон ассиметрик түлхүүрт RSA, ElGamal, Elliptic Curve алгоритмууд, тэдгээрийн зохион байгуулалт, кодлох ба кодыг тайлах процесс, тэдгээрийн аюулгүй байдалтай холбоотой асуудлууд, мэдээллийн бүрэн бүтэн байдал ба баталгааг хангахад хэрэглэгддэг хэш функц, мэдээлэл бататгах код, тоон гарын үсэг ба тоон гарын үсгийн стандартын талаар, мөн TCP/IP-ийн аюулгүй байдлын протоколууд, хөнөөлтэй програм, халдлага дайралт, илрүүлэх үндсэн техникүүд.
Энэ хичээлээр мэдээллийн аюулгүй байдлын үндсэн гурван зорилго болох мэдээллийн нууцлал, бүрэн бүтэн байдал, хүртээмжтэй байдлын талаарх үндсэн ойлголтуудыг авахаас гадна тэдгээрийг хангах аюулгүй байдлын үйлчилгээ, түүний механизмуудын талаарх онолын болон практик асуудлуудыг судлах зорилготой.
Сүлжээний төлөвлөлт зохион байгуулалтын суурь аргатай танилцах ба тус аргачлалын хүрээнд томоохон хэмжээний сүлжээ байгуулах төсөл боловсруулж, байгуулсан сүлжээнийхээ менежментийн бодлого боловсруулан ажиллах ур чадварыг эзэмших болно. Сүлжээний менежмент нь тохиргооны менежмент, гамшгийн менежмент, аюулгүй байдлын менежмент, бүртгэлийн менежмент гэх зэрэг салбарласан төлөвлөлт зохион байгуулалтын бүтэцтэй байна.
Компьютерийн сүлжээний сервер систем, дамжуулалтын төхөөjөмжүүдийн үйл ажиллагаа тогтвортой найдвартай байхын тулд зөв зохистой зохион байгуулж, тэдгээрийн хянаж, гэмтэл тасалдал илэрвэл хэрхэн сайжруулах зэрэг үйлдлүүд хийгддэг. Өөрөөр хэлбэл сүлжээний төлөлвлөлт, зохион байгуулалт, суурилуулалт, тэдгээрийг сайжруулах арга хэмжээг цогцод нь сүлжээний менежментээр шийддэг. Энэхүү хичээлээр сүлжээний хяналт, хяналтын үр дүнг сайжруулах төлөвлөлт зохион байгуулалтыг хийх арга техниктэй танилцах болно.
Энэхүү хичээлээр дараах агуулгуудыг үзнэ. Үүнд: Интернэт сүлжээний архитектур, аюулгүй байдал, клиент-сервер ажиллагааны зарчим, TCP/IP архитектур, түүний түвшингүүд болон тэдгээрт ажиллах протоколуудын тухай үзнэ. Аппликейшн түвшин: Клиент-сервер протоколын стандарт ба HTTP, FTP, E-Mail, DNS. Тээвэрлэлтийн түвшин: UDP, TCP. Сүлжээний түвшин: packet switching, IPv4 болон IPv6 хаяглалт болон ICMP, mobile IP, чиглүүлэтийн алгоритм, чиглүүлэлтийн протоколууд. Төхөөрөмжүүд ба VLAN: switch, router, VLAN. Утасгүй сүлжээний хувьд Wi-Fi, 4G, 5G, хиймэл дагуулын холбоо.
Компьютерын сүлжээний суурь ухагдахуун, архитектур зохион байгуулалт, Интернэт холболтын технологийн талаар ойлголттой болж, сүлжээний протоколуудтай танилцан, сүлжээний энгийн функцүүдийн тохиргоог хийх чадвартай болох зорилготой.
OSI загвар болон TCP/IP протокол, тэдгээрийн давхаргуудын үүрэг, функцууд, Физик давхарга: өгөгдөл ба дохио, өгөгдлийг тоон ба аналог дохиогоор дамжуулах, зурвасын өргөн ашиглах техникүүд, дамжууллын орчин, Өгөгдөл сувгийн давхарга: үүргүүд, функцууд, MAC хаяглалт, АRP протокол, алдаа илрүүлэх болон засах, өгөгдлийн сувгийн хяналт протоколууд, дамжууллын орчны хандалтын хяналтын арууд, Утастай болон утасгүй дотоод сүлжээний технологиуд
Энэ хичээлээр өгөгдлийг компьютерийн сүлжээгээр дамжуулахтай холбоотой үндсэн ойлголтуудыг нээлттэй системүүдийн харилцан холболтын загвар (OSI model) болон TCP/IP протоколын физик, өгөгдлийн сувгийн давхаргуудын үүрэг, функцээр дамжуулан судална.
Энэхүү хичээлийг судласнаар Microsoft Windows сервер үйлдлийн системийн талаар дунд буюу түүнээс дээш түвшний мэдлэгтэй болно. Хичээлээр сервер үйлдлийн системийг ашиглан сүлжээний тохигоо хийж сурах мөн сервер системүүд болох вэб, домайн, файл, и-мэйл, гарцын болон урсгалын сервер, Active directory Domain service ашиглан хэрэглэгч, группүүдийг зохион байгуулах, төвлөрсөн удирдлага тохируулах засварлах чадвартай болно. Мөн Microsoft Windows сервер менежент, сервер хяналтын систем, update менежмент зэргийг дунд түвшний сүлжээний хувьд хийх чадвартай болно.
Microsoft Windows сервер үйлдлийн системийн үндсэн ажиллагааны зарчмуудтай танилцаж, сүлжээний болон серверийн тохиргоо хийж сурахаас гадна домэйн контроллер ашиглан дунд хэмжээний байгууллагын системийн зохион байгуулалтыг хийж сурах ач холбогдолтой. Мөн Microsoft Windows сервер үйлдлийн системийг ашиглан дунд хэмжээний сервер систем тохируулах, удирдах чадвартай болно.