Бидний тухай
Багш ажилтан
Энэхүү өгүүлэлд манай улсад байгалийн хийн нөөц тогтоогдоогүй, эрчим хүчний анхдагч эх үүсвэрийн ихэнх нь хүрэн нүүрс, уран тул цөмийн эрчим хүчний өндөр температурын реактор ба өндөр температурын цахилгаан химийн төхөөрөмжийг хослон ашигласнаар цахилгааны ачааллыг тохируулах, ус, нүүрснээс устөрөгч үйлдвэрлэж экологийн үнэмлэхүй цэвэр цөм-устөрөгчийн эрчим хүчний үзэл баримтлалыг ойрын ирээдүйд хөгжүүлэх асуудлыг дэвшүүлж тавив.
Энэ ажилд 100 МВт чадалтай хар тугалган хөргүүртэй хурдан нейтроны реакторын голомтын чадлын түгэлтийг жигдлэх, анхны илүүдэл реактивитиг дарах судалгааг хийсэн. Голомтын чадлын түгэлтийг жигдлэхийн тулд түлшний савааны радиусыг өөрчлөн, голомтыг гурван бүс болгон загварчилсан. Түүнчлэн голомтод нейтрон шингээх хөндлөн огтлол ихтэй шатан шингээгч материал (ШШМ) болох NpN савааг нэмж голомтын нейтроник үзүүлэлтэд нөлөөлж байгаа нөлөөг судалсан. Уг судалгааны ажилд тасралтгүй энергитэй нейтроны харилцан үйлчлэлийг Монте Карло аргаар тооцоолдог SERPENT-2.1.30 компьютерийн кодыг цөмийн өгөгдлийн сан JEFF-3.1.1-ийн хамт ашиглав. Судалгааны үр дүнгэс харахад 3 бүс дэх түлшний савааны радиусын зөрүү 0.05 см байхад голомтын нейтроник шинж чанар муудахгүйгээр чадлын пикийн факторын өөрчлөлт жигд хэвээрээ байсан. Цаашлаад NpN савааг голомт даяар жигд ачаалахад чадлын пикийн фактор багасч, нейтроник үзүүлэлтүүд сайжирч байгааг олов.
