Бидний тухай
Багш ажилтан
1. Шүүх эмнэлгийн тухай ойлголт, шүүх эмнэлгийн магадлан шинжилгээний төрөл, объект, ШЭМШ явуулах эрх зүйн үндэс, хүний биед учирсан гэмтлийн зэрэг тогтоох магадлан шинжилгээ, шүүх гэмтэл судлалын магадлагааны ерөнхий асуудал, механик хүчин зүйлээр үүсгэгдэх ШЭМШ; 2. Бэлгийн маргаантай асуудал, гэмт хэргиын үед хийх шүүх эмнэлгийн магадлан шинжилгээ, үхэл цогцост гарах эрт ба хожуу үеийн өөрчлөлт, тэдгээрийн шүүх эмнэлгийн ач холбогдол, хэргийн газрын үзлэг, түүнд оролцогч шинжээч эмчийн үүрэг зорилго. Эд мөрийн баримтын ШЭМШ; 3. Амьсгал бүтэлт, ангилал, ШЭМШ, Тээврийн осол гэмтлийн ШЭМШ, Авто ослын гэмтэл, төмөр замын гэмтэл, галт зэвсгийн буудалтаар үүсгэгдсэн гэмтэл түүний ШЭМШ; 4. Физик хүчин зүйлийн гэмтэл, осголт түлэгдэлт, цахилгаан гүйдлийн гэмтлийн ШЭМШ, шүүх хор судлалын ШЭМШ, шүүх эмнэлгийн шинжээчийн дүгнэлт нотлох баримт болох нь , түүнийг үнэлэх асуудал
Хэрэг бүртгэх мөрдөн байцаах, шүүх хуралдаанаар хянан шийдвэрлэх явц, шатанд анагаах ухаан биологийн холбогдолтой асуудлыг шинжээч томилож шинжилгээ хийлгэх, тогтоол үйлдэх, шижээчийн дүгнэлт тавих, нотлох баримтын эрх зүйн болон шүүх эмнэлгийн шинжлэх ухааны үндсэлэлийг зөв үнэлэх чадвар эзэмшүүлэх явдал юм.Тухайлбал, Шүүх эмнэлгийн онол, практикийн асуудлыг сургах, гэмтэл болон зарим хүчин зүйлийн үйлчлэлээр нас барсан тохиолдолд илрэх шинж тэмдэг, шүүх эмнэлгийн магадлагаа явуулах, эрх зүйн үндэс, мөрдөн байцаах зарим ажиллагаанд оролцогч шинжээч эмчийн үүрэг, зорилтын талаар мэдлэг дадал эзэмшүүлэх явдал юм.
Хичээлээр хүний эрхийн үндэс, түүхэн хөгжил, хүний эрхийн Европын болон олон улсын эрх зүйн эх сурвалж, хүний эрхийг хамгаалах Европын (бүс нутгийн) болон олон улсын эрх зүйн тогтолцоо, тэдгээрийн онцлог ба уялдаа холбоо, иргэний болон улс төрийн эрх, эдийн засаг, нийгэм, соёлын эрхийн талаарх Европын эрх зүйн болон олон улсын эрх зүйн зохицуулалт болон эдгээр эрхийн хэрэгжилтийг судлана.
Хичээл нь эрх зүйн бакалаврын түвшний суралцагчдад хүний эрхийн Европын эрх зүй, олон улсын эрх зүй гэсэн эрх зүйн хоёр том хүрээнд уялдаа холбоотойгоор хүний эрхийн асуудлыг авч үзэх, тодорхойлох, шийдвэрлэх цогц-нэгдмэл мэдлэг, чадвар олгох, хүний эрхийн талаар иж бүрэн хандлага төлөвшүүлэх зорилготой.
Хөдөлмөрийн эрх зүйн ойлголт үндсэн асуудлууд, Хөдөлмөрийн эрхзүйн харилцаа, Хамтын гэрээ хэлэлцээр, Хөдөлмөрийн гэрээ, Цалин хөлс, олговрын зохицуулалт, Ажил амралтын цаг, Хөдөлмөр хамгаалал, аюулгүй ажиллагаа, Ажилтанд ногдуулах хуульзүйн хариуцлага, Хөдөлмөрийн маргааны онол практикийн асуудлыг судална.
Хөдөлмөрийн гэрээний үндсэн дээр үүссэн хөдөлмөрийн харилцаа түүнээс уламжлан үүссэн бусад харилцааны мөн чанар, эрх зүйн зохицуулалтын талаар шинжлэх ухааны онолын мэдлэг олж, улмаар онолын мэдлэгтээ тулгуурлан хөдөлмөрийн эрх зүйн зохицуулалтын ач холбогдлыг танин мэдэх, тайлбарлах, амьдрал практикт хэрэглэх, байгууллага иргэдэд хөдөлмөрийн хууль тогтоомжийн хүрээнд эрх зүйн туслалцаа үзүүлэх, холбогдох хууль тогтоомжийг сонгож хэрэглэх, судалгаа шинжилгээний ажил хийх арга зүйг эзэмшин, хөдөлмөрийн эрх зүйн аливаа асуудлыг уламжлал, шинэчлэлийн хүрээнд авч үзэн, тухайн асуудлыг шийдвэрлэхдээ эрх зүйн үүднээс ханддаг болох.
Олон улсын нийтийн эрх зүйн үндсэн бүрэлдэхүүн хэсэг болох олон улсын нийтийн эрх зүйн түүхэн хөгжил, ойлголт, эх сурвалж, зарчим, субъект, хүн ам зүйн орчин, нутаг дэвсгэр, эрх зүйн хариуцлага, олон улсын маргааныг шийдвэрлэх арга зам, гэрээний эрх зүйн зохицуулалт, олон улсын байгууллага, гадаад харилцаа, хүний эрх, хүмүүнлэгийн болон эрүүгийн эрх зүй, олон улсын эдийн засгийн болон аюулгүй байдал, далайн буюу агаарын эрх зүй, сансрын болон хүрээлэн байгаа орчны эрх зүйн талаар ойлголт өгч, олон улсын үйл ажиллагаанд олон улсын хууль тогтоомжийн дагуу боловсруулалт хийж хэрэгцээтэй мэдээллээ олж авах.
Олон улсын нийтийн эрх зүйн харилцаанд оролцогчдын эрх тэгш байдалд үндэслэгдэн үүсэх харилцааны эрх зүйн зохицуулалт, онцлогийн талаар мэдлэг олж, улмаар эрх зүйн холбогдол бүхий асуудалд олон улсын нийтийн эрх зүйг үндэслэн хандах хандлага төлөвшиж, олон улсын харилцааны болон үндэсний хэмжээний хууль зүйн практикийн асуудалд зохих хэмжээнд олон улсын нийтийн эрх зүйг хэрэглэх, улмаар үнэлэлт, дүгнэлт өгөх чадвар эзэмшихэд хичээлийн зорилго оршино. Эрх зүйн ангийн оюутанд олон улсын эрх зүйн харилцаа, хэм хэмжээний талаар ойлголт өгөх, мэдлэг олгох ач холбогдолтой.
