Бидний тухай
Багш ажилтан
Си хэлний тухай удиртгал, Өгөгдлийн төрөл, хувьсагч, илэрхийлэл; Удирдлагын командууд, давталт; Массив; Тэмдэгт мөр; Хэрэглэгчийн функц; Хувьсагчийн хамрах хүрээ; Нийлмэл өгөгдлийн төрөл, бүтэц; Санах ойн хаяг ба заагч; Битийн үйлдлүүд; Стандарт сангууд; Файлтай ажиллах; Програмыг зүгшрүүлэх
Програмчлалын Си хэл нь “дээд түвшний хэл” боловч харьцангуй доод түвшинд компьютертэй ажиллах боломжийг олгодог. Си хэлийг йлдлийн систем бичих зорилгоор бүтээсэн хэдий ч, түүний энгийн, уян хатан байдал өөр олон төрлийн програмчлалын хэл бүтээхэд ашиглагдаж эхэлсэн. Тухайлбал, сүүлийн үеийн шинэ хэлнүүд Жава, С++ нь Си хэл дээр суурилсан. Энэ хичээлээр бид програмчлалын хэлний гол төлөөлөл болсон Си хэлний талаарх үндсэн ойлголтуудтай танилцаж, тэдгээрийг програм хөгжүүлэхэд хэрхэн хэрэглэхэд суралцана. Ингэснээр програмчлалын хэлний үндсэн зарчмуудыг эзэмшиж, цаашид бусад хэлийг бие даан сурах арга барилыг эзэмшинэ
Энэ хичээлээр Компьютерийн графикын үүсэл хөгжил, түүний хэрэглээ; Графикын стандартууд, OpenGL, GLUT сангийн функцүүд; Програмын ерөнхий бүтэц; Растер ба вектор график; Ray tracing; Шугаман алгебр, түүний график дахь хэрэглээ; Хувиргалтын матрицууд, нэгэн төрлийн ба нийлмэл хувиргалтууд; Харагдах байдал (viewing) ба буулгалтын (projection) тухай; Графикын хоолой; Огторгуй дахь биетийн загварчлал; Гэрэл, өнгө, материал; Texture, texture mapping; График дахь өгөгдлийн бүтэц; Bezier муруй ба гадаргуу; Компьютерын анимейшн, GPU програмчлал зэрэг агуулгыг үзэж судална.
Компьютерын шинжлэх ухааны нэг чухал бөгөөд эрчимтэй хөгжиж байгаа салбарын нэг нь компьютерын график юм. Энэхүү салбар нь урлаг, анагаах ухаан, энтертайнмент, аж үйлдвэр, дэд бүтэц зэрэг олон салбарт өргөнөөр ашиглагдаж байна. Иймд компьютер графикын онол түүний хэрэглээтэй танилцаж, програмчлах арга техникийг эзэмшихэд энэхүү хичээлийн үндсэн зорилго оршино.
Энэхүү хичээлээр 3 хэмжээст загварчлалын үндсэн арга техникийг эзэмших, өөрсдөө бие даан график загвар байгуулахаас эхлэн 3D хэвлэгч рүү хэвлэх гэх мэт дэвшилтэт арга техникт шилжих суурь мэдлэгийг өгнө. Онолын зохих мэдлэг эзэмшүүлэх ба практик даалгавраар бататгах гэсэн үндсэн хоёр зорилгыг хангахад чиглэгдэнэ. Үүнд: 1) Гурван хэмжээст орон зай дахь загварчлалын ерөнхий суурь ойлголт; 2) 3ds Max, Unreal engine зэрэг програмууд дээр 3D загварчлал, анимейшний зохих ур чадварыг хөгжүүлэх.
Гурван хэмжээст огторгуй дахь загварчлалтай холбоотой онолын мэдлэгийг эзэмшүүлж улмаар виртуал орчин, интерактив 3 хэмжээст график, анимейшн, тоглоомын хөгжүүлэлтэнд хэрхэн ашиглах ур чадварт суралцах
