Бидний тухай
Багш ажилтан
Телехолбооны Үүсэл, Түүх, Хөгжил, Телехолбооны Сүлжээний Ерөнхий Бүтэц, Энгийн Телефон Аппаратын Бүтэц, Ажиллагаа, Харилцан Ярианы Хэлхээ, Хэрэглэгчийн Шугамын Дохиолол, Электрон Харилцан Ярианы Хэлхээ, Шугаман бус Квантчлал, Пульс Кодын Модуляц (PCM – Pulse Code Modulation), Тоон Холбох Байгууламжийн Бүтэц, Архитектур, Хэрэглэгчийн Шугамын Интерфейс, Хугацааны ба Орон зайн Холболт, Олон Шаттай Холболт, Бодит Холбох Байгууламжууд, Систем, Дамжуулах Орчин ба Шугам, Үүрэн Холбооны Зарчим, Сүлжээний Ачаалал.
Энэхүү хичээлийн зорилго нь телехолбооны үүсэл түүх, телехолбооны сүлжээний бүтэц архитектур, хэрэглэгчийн терминалууд болон холбох байгууламжийн бүтэц, зохион байгуулалт, ажиллах зарчмын тухай үндсэн ойлголттой болж харилцаа холбооны технологын талаар суурь мэдлэгтэй болоход оршино. Мөн түүнчлэн телехолбооны дохио дамжуулах орчин, шугамуудын талаар суралцана.
Видео кодлолын үндэс, видео форматууд, видео дохионуудын фурье анализ, видео самплинг, дискрет Вэйвлет хувиргалт, Вэйвлет цуваа, predictive кодлол, дифференциал пуль код модулятор, adaptive пульс код модулятор, JPEG, JPEG2000 стандарт, Вэйвлет домэйн дээрх шахалт, DWT энкодрын дизайн, видео шахалтын үндэс, MPEG-1 кодлолын үндэс, энкодер болон декодерын загвар, MPEG-2, видео дамжуулалт, MPEG-4 стандарт, дүрсийн сегментчлэл, H.263, H.264 стандарт, түүний хэрэглээ, аудио кодлолын үндэс, speech production model буюу яриа үүсгэх процесс, яриа кодлол.
Мультимедиагийн бүрэлдэхүүн хэсгүүд болох яриа, дуу, зураг, видео форматууд, стандартуудын талаарх мэдлэг олгох зорилготой. Мультимедиа шахалт болон холбооны алгоритмуудын ололтууд өндөр чанартай мультимедиаг төрөл бүрийн сүлжээгээр дамжих боломжийг олгож байна. Энэ хичээлээр мультимедиа холбоо, кодлол, боловсруулалтын орчин үеийн ололт амжилтуудыг танилцуулж, мультимедиа өгөгдлийг хэрхэн тохиромжтой байдлаар дүрсэлж, олон төрлийн сүлжээгээр дамжуулах талаар үзэж судална. Кодлолын хувьд, орчин үеийн өргөн хэрэглэгдэж байгаа олон төрлийн шахалтуудыг судална. Энэ хичээлээр мультимедиа кодлолуудыг нарийвчилж судлахаас илүүгээр кодлолын гол зарчмууд тэдгээр нь шахалтыг хэрхэн сайжруулж байгаа талаар тайлбарлана.
Дохио. Дохионы ангилал. Дохионы энерги ба чадал. Үл хамаарах хувьсагчийн хувиргалт. Үндсэн дохионууд. Тасралтгүй-хугацаат ба тасралттай-хугацаат систем. Системийн үндсэн шинж чанарууд. Шугаман хугацаа-инвариант (ШХИ) систем. ШХИ Системийн импульсийн тодорхойлогч. Конволюц нийлбэр ба интеграл. ШХИ системийн шинж чанарууд. ШХИ системийн ялгаврын ба дифференциал тэгшитгэл. Тасралтгүй-хугацаат Фурье цуваа. Тасралттай-хугацаат Фурье цуваа. Тасралтгүй-хугацаат Фурье хувиргалт. Тасралтгүй-хугацаат Фурье хувиргалтын шинж чанарууд. Тасралттай-хугацаат Фурье хувиргалт. ШХИ системийн давтамжийн тодорхойлогч. Идеал ба бодит шүүлтүүр. Нэг ба хоёрдугаар эрэмбийн систем. Түүвэрлэлт. Лаплас хувиргалт. z-Хувиргалт.
Энэ хичээл нь дохио ба системийн анализын үндсийг тасралтгүй ба тасралттай-хугацаат дохиог дүрслэх (онцгой функцүүд, комплекс экпоненциаль, Фурье хувиргалт, Лаплас хувиргалт, z хувиргалтын) болон шугаман хугацаа-инвариант системийг илэрхийлэх (дифференциал ба ялгаврын тэгшитгэл, блок диаграмм, системийн функц, конволюц, импульсийн ба шилжилтийн тодорхойлолт, давтамжийн тодорхойлолтуудын) аргуудад тулгуурлан үзэж судална. Эдгээрийн хэрэглээ нь дохио боловсруулалт, автомат удирдлага, холбоо, электроник зэрэг инженерчлэлийн салбаруудад өргөн тохиолддог.
Оюутан уг хичээлийг судалснаар дижитал ур чадварын суурь ойлголтууд, дижитал технологийн хөгжил, мэдээлэл хайх, үнэлэх, удирдах арга зүй, дижитал харилцаа ба хамтын ажиллагаа, цахим орчин дахь хувийн нууц ба аюулгүй байдал, зохиогчийн эрх ба ёс зүй, өгөгдлийн суурь ойлголт, шинээр гарч буй технологиуд (хиймэл оюун, их өгөгдөл гэх мэт)-ын талаарх суурь мэдлэгийг олгоно. Мөн дижитал орчинд сэтгэл зүйн эрүүл мэндээ хамгаалах, дижитал ул мөрөө нягтлах, дижитал мэдээлэлтэй зохистой ажиллаж сурах зэрэг практик ур чадварыг олгоно.
Энэхүү хичээлийн үндсэн зорилго нь оюутнуудыг орчин үеийн дижитал нийгэмд үр дүнтэй, ёс зүйтэй, аюулгүй оролцох, суралцах, ажиллах, харилцахад шаардлагатай суурь мэдлэг, ур чадвар, хандлагыг эзэмшүүлэхэд оршино. Оюутнууд дижитал технологийг ухамсартайгаар ашиглах, аливаа мэдээлэлд шүүмжлэлтэй хандах, цахим орчинд хувийн нууц, аюулгүй байдлаа хангах, бусадтай үр дүнтэй хамтран ажиллах зэрэг чадваруудыг хөгжүүлэхэд чиглэнэ. Энэхүү хичээл нь оюутнуудыг: • Академик орчинд амжилттай суралцах, судалгаа шинжилгээ хийхэд дижитал хэрэгслүүдийг үр дүнтэй ашиглах; • Ирээдүйн ажлын байранд шаардагдах дижитал ур чадваруудыг эзэмшиж, өрсөлдөх чадвараа нэмэгдүүлэх; • Мэдээллийн үнэн зөвийг ялгаж, цахим залилан, хуурамч мэдээллээс сэргийлэх; • Дижитал иргэний хувьд ёс зүйтэй, хариуцлагатай байж, нийгэмд эерэгээр нөлөөлөх; • Аливаа цахим донтолтоос өөрийгөө хамгаалах; • Насан туршдаа суралцах, өөрчлөлтөд дасан зохицох чадварыг хөгжүүлэхэд чухал ач холбогдолтой байна.
