Бидний тухай
Багш ажилтан
Энэхүү хичээл нь орон зайн зохион байгуулалт, хүмүүний газарзүйн судлагдахуун, түүний бүтцийн зүй тогтол, үйл явцыг ойлгох, тайлбарлах зорилготой бөгөөд хүмүүний газарзүйн холбогдох тусгайлсан салбаруудын хоорондын уялдаа холбоо, тэдгээрийн үндсэн шинж чанаруудыг судлах болно. Агуулгын хувьд соёлын, эдийн засгийн, нийгмийн болон улс төрийн үзэгдлүүд гадаргын орон зайд хэрхэн бүрэлддэг, үйл явц нь ямар зүй тогтлын дагуу явагддаг зэрэг ойлголтыг багтаасан болно.
Тус хичээлийн гол зорилго нь оюутнуудад орон зай, газар нутаг, нутаг дэвсгэр, байршил, хүн байгалийн хоорондын харилцаа зэрэг хүмүүний газарзүйн үндсэн суурь ойлголтуудыг өгөхөд чиглэнэ. Энэхүү хичээлийг судалснаар нийгэм, улс төр, эдийн засаг, соёлын янз бүрийн үзэгдэл, түүний үйл явцууд хэрхэн дээр дурдсан үндсэн ойлголтуудын хүрээнд явагдаж буйг ойлгож мэдэх болно.
Байгаль ба нийгмийн асуудлыг янз бүрийн түвшинд авч үздэг, Байгалийн болон нийгмийн ухааны гүүр болохын хувьд Газарзүйн сургалтын стандарт, хөтөлбөрийн зорилго зорилтыг тодорхойлсон байдалтай танилцаж, илүү бүтээлч эрэлхийлэлт хийх, бусдын сайн жишээнээс суралцан хамтарч анализ хийх, судалгаа явуулах, үр дүнгээ тооцох зэргээр хөтөлбөрийн зорилгыг үргэлжлүүлэх, өөрчлөх, баяжуулах, хөгжүүлэхэд агуулгыг чиглүүлнэ.
Сэтгэл судлалын шинжлэх ухааны судлагдахуун, судлах асуудлыг гүнзгийрүүлэн судалж, сэтгэл судлаач эрдэмтдийн онол, үзэл баримтлалтай танилцан, эх зохиол бүтээлүүдийг судалснаар сэтгэл судлалын мэдлэгээ улам гүнзгийрүүлнэ.
Үнэлгээ, явцын болон эцсийн үнэлгээ, өөрийн үнэлгээ, Газарзүйн боловсролын үнэлгээ, item response theory, сургалтын хөтөлбөрийн үнэлгээ, нэгжийн үнэлгээ, ээлжит хичээлийн үнэлгээ, үнэлгээний шалгуур, үнэлгээний стандарт, Элсэлтийн ерөнхий шалгалт, Чанарын үнэлгээ, Улсын шалгалт, даалгавар, олон сонголтот даалгавар, задгай даалгавар, блюпринт зэрэг ойлголтуудыг олгоно.
Энэ хичээлийн зорилго нь газарзүйн сургалтын хөтөлбөрийн хүрээнд үнэлгээний онол, практикт суралцаж, багшийн үйл ажиллагаандаа тусгахад оршино. Газарзүйн боловсролын үнэлгээний онолын мэдлэг ба дадлага ажлуудад үндэслэн сургалтын ерөнхий хөтөлбөрөөс ээлжит хичээлийн үнэлгээ хүртэл зохиох, эксперт хийх, шалгах, үнэлэх чадвартай болно. Лекц нь сургалтын хөтөлбөрийн чиг хандлага ба боловсролын орчин үеийн бодлогын өөрчлөлтийн дагуу оюутны үйл ажиллагааг дэмжиж, оролцоог эрхэмлэнэ.
- Газарзүйн сургалтын хэрэглээний чиглэлийг нэмэгдүүлэн МХТ болон (цахим сургалт)-ыг ашиглах аргазүйг нэвтрүүлснээр суралцагчдын мэдлэг, чадварт ахиц гарч улмаар байгальд ээлтэй, баялгийг зохистой ашиглах арга барилд суралцсан иргэн төлөвшүүлэх нийгмийн хэрэгцээнд нийцэх тул энэхүү хичээлийг сонгосноор мэдээллийн эрин үеийн иргэдийн суралцах арга барилыг ойлгож таньж мэдэх боломжтой. Үүний тулд газарзүйн шинжлэх ухааны судалгааны аргуудтай танилцсан байна. - The research results are expected to improve students’ knowledge that implicate positive attitudes through simplified integration in the geography curriculum, increased application of acquired knowledge and better use of ICT.
- Газарзүйн шинжлэх ухааны суурь мэдлэг болох хүн, байгаль нийгмийн хоорондын харилцан үйлчлэлийг ерөнхий онолын хүрээнд таньж суралцсан гэж үзээд мэдлэгээ мэрэгшүүлэх үүднээс багшийн мэргэжлийн онцлогоос хамаарч ЕБС-д хичээл заах зохион байгуулах, үүний тулд хөтөлбөр боловсруулахдаа мэдээллийн технологийг ашиглах чадварыг олгох зорилготой. Уг хичээлээр өнөө цагийн Мэдээллийн технологийн хөгжил дэвшил өсвөр үеийнхний хэрэгцээ болсныг харгалзан мэдээлэл авах боловсруулахад оновчтой ашиглах, тэдний сонирхолд нь тулгуурлан идэвхжүүлэхээс гадна эрүүл мэнд, цаг хугацаа, ажлын бүтээмжийг сургалтын хөтөлбөрт оновчтой анхаарна.
Газарзүйн боловсролын хөгжлийн чиг хандлагыг өнөө үеийн боловсролын онол арга зүйтэй уялдуулан дэвшилтэт технологи, сургалтын хэрэглэгдэхүүнд тулгуурлана. Байгалийн ухааны судалгааны арга барилд үндэслэсэн онолын болон практикийн ач холбогдол бүхий жишээ баримтыг сонгон авч боловсролын судлаач болоход дэмжлэг үзүүлсэн буюу онолын цаг уур хичээлээр агаар мандалд үйлчлдэг үндсэн хүчнүүд; статик агаар мандлын бүтэц; масс, термодинамикийн энерги, хөдөлгөөний хадгалагдах хуулиудын цаг уур дахь хэлбэрүүд, тэдгээрийг хувиргахад ашиглагдах хуваарийн анализ ба дифференциал анализын тухай; координатын системүүд; циркуляци ба хуйлрал; агаар мандлын хэлбэлзлүүд; орчил урсгал ба тоон загварчлалын үндсийг судална.
Энэ хичээлийн зорилго нь хүний танин мэдэх үйл ажиллагаа болох “суралцахуй”-г судалдаг ухааны онол аргазүйг газарзүйн сургалтад биежүүлж судална. Хичээлийн зорилго нь оюутнууд газарзүйн шинжлэх ухаан болон газарзүйн багш боловсролд суралцахын тулд суралцахуйн үндсэн процессуудыг тайлбарладаг сурган хүмүүжүүлэх ухаан, сэтгэл судлалыг судалсны үндсэн дээр газарзүйн боловсролыг бүх шатны сургуульд олгож ирсэн түүхэн онцлог онол арга зүйтэй танилцана
