Бидний тухай
Багш ажилтан
Цахилгаан цэнэг, цахилгаан дохио, цахилгаан хэлхээ, Омын хууль ба Кирхгофын хууль. Шугаман RC хэлхээ болон шүүлтүүр. Үйлдлийн өсгөгч ба түүн дээр хийсэн зарим схемүүд. p ба n-төрлийн хагас дамжуулагчид. Диод түүнийг хэрэглэх, төрөл. Биполяр транзистор, түүний хэрэглээ. Оронгийн транзистор ба хэрэглээ. Дохионы генератор. Тоон техникийн үндэс: Булийн алгебрын товч, логик функц ба түүнийг илэрхийлэх болон хэрэгжүүлэх аргууд. Үндсэн логик элементүүд. Комбинацын логик схемүүд: нэмэгч, дешифратор ба шифратор, мультиплексор ба демультиплексор. Дэс дарааллын логик схемүүд: триггер, тоолуур, регистр
Электроникийг гүнзгийрүүлэн судлахад шаардлагатай аналог болон тоон электрон хэлхээний онолын үндсийг ойлгож мэднэ. Үндсэн хялбар электрон хэлхээг лабораторид туршлагаар болон компьютер ашиглан угсарч шинж чанар үзүүлэлтүүдийг нь бие даан тодорхойлох арга барилд суралцана.
Дүрсийг тоон хэлбэрт хувиргах, өнгө, цэгэн үйлдлүүд, сегментчлэл, дүрсийн бүтэц зүйн боловсруулалт, шугаман дүрс шүүх болон засах, дүрс хувиргалтууд, хувийн дүрс, шуугиан дарах болон сэргээх, онцлог цэгийг тодорхойлох болон таних даалгавар, дүрс бүртгэх зэрэг ойлголтыг мэддэг болно. Оюутан дүрс боловсруулалтын алгоритм, төслөө С, С++ болон "Python" программ ашиглан хэрэгжүүлж сурна. Мөн түгээмэл хэрэглэгддэг компьютер харааны болон хиймэл оюуны түүлүүд болох OpenCV, TensorFlow зэргийг ашиглах үндсэн мэдлэг эзэмшиж үүнийгээ ашиглан төсөл хэрэгжүүлнэ.
Энэ хичээлийн зорилго нь тоон дүрс боловсруулах болон шинжлэх аргачлалын суурь мэдлэгийг олгож, даалгаврын дагуу дүрс боловсруулах алгоритм боловсруулах, хэрэгжүүлэх, хэрэглээнд нэвтрүүлэх чадварыг эзэмжшүүлэхэд оршино.
Тус хичээлийн агуулга бүхэлдээ гурван хэсгээс бүрдэнэ: Эхний хэсэгт бид олон үе бүхий робот системийн кинематик, динамик, эргэлтийн талаарх суурь ойлголтыг сэргээж бататгана. Ингэснээр өөр өөр төрлийн робот системийн ижил төстэй чанар болон хоорондын ялгаа ангилалын тухай үндсэн ойлголттой болно. Хоёр дах хэсэгт бид робот системийн сонгодог хэлбэр болох “робот гар”, “хоёр болон дөрвөн хөлт робот”-д өмнө хэсэгт үзсэн ойлголтуудаа хэрхэн ашиглаж , кинематик хязгаарлалт, хүчний харилцан үйлчлэлийн талаарх ойлголтыг авч үзэх болно. Гуравдугаар хэсэгт далавчит онгоцыг загварчлахад шаардлагатай загварчлал болон удирдлагын онолыг судлах болно. Мөн робот системд хамааралтай аэродинамик болон нислэх механизмуудтай тодорхой хэмжээнд танилцаж суурь мэдлэг эзэмшинэ. Хичээлийн төгсгөл хэсэгт нисгэгчгүй нисэх төхөөрөмжүүд буюу UAV-д түгээмэл ашиглагдаж байгаа дөрвөн сэнстэй болон давхар сэнстэй ничэх төхөөрөмжүүдийн тухай үзэх болно. Тус хичээлийн хүрээнд бодит кейсүүдэд тулгуурлан робот системүүдэд ашиглагдаж буй дэвшилтэт технологийн тухай бүрэн ойлголттой болно.
Энэхүү хичээлийн гол зорилго нь хамгийн түгээмэл робот системийг хэрхэн загварчлах, тэдгээрийг удирдахын тулд эдгээр загварыг хэрхэн ашиглах талаарх хэрэглээний ойлголтыг гүнзгийрүүлэх явдал юм. Олон үет системийн (multi-body system) кинематик, динамик, эргэлтийн талаар ерөнхий мэдлэгийг оюутанд олгоно. Мөн хамгийн сүүлийн үеийн аргачлал, алгоритм дээр суурилан робот системийг зохион бүтээх эсвэл удирдах чиглэлээр ажиллахад шаардлагатай техникүүдийг сурах болно.
Инженерчлэлийн мэргэжил, сайн инженерийн шийдлүүд, инженерчлэлийн салбарууд, зохион бүтээх үйл ажиллагаа, инженерийн шийдэл, асуудал шийдвэрлэх аргууд
Энэ хичээлийн зорилго нь суралцагсдад инженерийн суурь мэдлэг, чадвар, хандлагыг төлөвшүүлнэ. Аливаа асуудалд инженерийн шийдэл дэвшүүлж, зохион бүтээх, хэрэгжүүлэх чадвар эзэмшүүлж, цаашид инженерийн мэргэжлээр суралцах эрмэлзлийг төрүүлж, чиглүүлнэ.
Автомат удирдлагын системийн удиртгал, удирдлагын системийг загварчлах, Системийн төлөвийн хувьсагчийн загвар, Гэдрэг холбоот системийн тодорхойломж, үзүүлэлт болон тогтворжилтын нөхцөл, Шийдийн мөрийн арга, Давтамжийн тодорхойлогчийн арга, ПИД удирдлага, Удирдлагын параметрийг хөглөх аргууд, Үйдвэрлэлийн автоматжуулалтын удиртгал, Үйлдвэрлэлийн контроллёрыг програмчлах
Энэхүү хичээлийн зорилго нь автомат удирдлагын системийг загварчлах, системийг үнэлэх ба хөглөхөд шаардлагатай суурь мэдлэгийг олгож, чадварыг эзэмшүүлэхэд оршино
