Бидний тухай
Багш ажилтан
Үйлдвэрийн үндсэн процессууд (механик процесс, гидродинамик процесс, дулаан солилцооны процесс, масс солилцооны процесс, химийн процесс) тэдгээрт хэрэглэгдэх тоног төхөөрөмжүүдийн ангилал, бүтэц, ажиллах зарчим, тэдгээрийг сонгох үндсэн хэмжээсийн тооцоололууд зэргийг судална.
Химийн үйлдвэрлэлийн тоног төхөөрөмж хичээл нь химийн үйлдвэрт хэрэглэгддэг төрөл бүрийн тоног төхөөрөмжтэй үр дүнтэй, аюулгүй ажиллахад шаардлагатай мэдлэг, ур чадварыг эзэмшүүлэхэд чиглэгдэнэ. Химийн үйлдвэрт явагдах үндсэн процессууд, тэдгээрт хэрэглэгдэх тоног төхөөрөмжийн ажиллах зарчим, тэдгээрийн үндсэн техник үзүүлэлтүүдийг тооцох чадвартай болгох зорилготой.
Энэхүү хичээлийг судалснаар лабораторид химийн бодистой аюулгүй ажиллах дүрэмтэй танилцаж, төрөл бүрийн органик ба органик материалуудыг синтезлэн гарган авах, тэдгээрийн шинж чанарыг тодорхойлох, бүтээгдэхүүний гарцыг тооцоолох, үр дүнг боловсруулан харьцуулах, дүгнэлт хийх зэрэг чадварт суралцана.
Түгээмэл хэрэглэгддэг органик болон оргаинк бус гаралтай бүтээгдэхүүнүүд болох эрдэс будаг, саван, шүдэнз зэргийг гарган авах лабораторийн туршилтыг хийж гүйцэтгэх, тухайн туршилтуудын онолын үндсийг ойлгон түүхий эд бодисуудын материалын баланс, уусмалын тооцоо гэх мэт шаардлагатай тооцоонуудыг хийж сурна. Мөн химийн туршилтыг хийж гүйцэтгэхэд зайлшгүй шаардлагатай лабораторийн дэвтэр хөтлөх, туршилтын үр дүнг ажиглан, анализ хийх, дүгнэлт гаргах зэрэг судлаач хүнээс шаарддаг анхны чадвар, дадал хэвшилд суралцана.
Хөдөлмөрийн нөхцөл ба үйлдвэрлэлийн аюултай, хортой хүчин зүйлс, тэдгээртэй холбоотой хууль эрх зүйн зохицуулалт, үйлдвэр, аж ахуйн газрын аюулгүй ажиллагааны болон эрүүл ахуйн үндсэн шаардлагууд, химийн бодисын хоруу чанар, ангилал, бүтэц, физик шинж чанараас хамаарах зүй тогтол, дэлхий нийтээр химийн бодисын ашиглалт, тээвэрлэлт, хадгалалтын үеийн аюулгүй ажиллагааг хангахад мөрдөгдөж буй нэгдсэн нэг системийн тухай үндсэн ойлголтууд, химийн лабораторитой холбоотой зайлшгүй мэдэх шаардлагатай аюулгүй ажиллагааны дүрэм, ажлын байрны эрсдлийг тодорхойлох, үйлдвэрлэлийн үйл ажиллагаанаас үүдэлтэйгээр хүрээлэн буй орчинд үзүүлж болох сөрөг үр дагавар тэдгээрээс хэрхэн хамгаалах талаар судлах болно.
Суралцагчдад үйлдвэрлэлийн орчин болон тэдгээрийг бүрдүүлэгч хүчин зүйлсийн тухай ерөнхий мэдлэг олгох, үйлдвэрлэлээс хүрээлэн буй орчин ба тухайн үйлдвэрлэлийн ажилчдад үзүүлэх сөрөг үр дагавар, гарч болох эрсдлийг үнэлэх болон урьдчилан сэргийлэх, хамгаалах арга хэмжээг хэрхэн боловсруулах талаарх мэдлэгийг олж авах, үйлдвэрлэлийн нөхцөлд аюулгүй байдлыг хангах чадварыг эзэмшүүлэх зорилготой.
Органик нэгдлийн ангилал ба нэршил (олон улсын; түүхэн ба зохистой нэршил - халагч ба функциональ бүлгийн байршлаас), Изомер; Нэгдлийн бүтцийн томъёоны хэлбэрүүд; Функциональ бүлгээр органик нэгдлийг ангилах; 13С спектр; Органик молекулд химийн холбоо үүсэх нь, түүний төрөл; Химийн холбоо ба Pезонанс (индукцийн ба мезомер); Льюисийн бүтэц ба илрэх цэнэг; Холбооны төрөл, шинж чанар; Ковалент холбоо (диполийн момент); Валент холбооны онол, Эрлийзжилэлт (sp3, sp2, sp); Молекул орбиталийн онол; Органик нэгдлийн конформац (алкан, циклоалкан); Конфигурацийн үзэгдэл – Задгай (анти, гош г.м.) ба Цагираг нэгдэлд (сандал, завь, твист); Органик нэгдлийн стереохимимийн үзэгдэл – Геометрийн изомер (алкен ба цагираг нэгдэлд), Ахлахын дүрэм; Oрганик урвалын механизм, түүнийг бичих – Халалцах (SN1, SN2) ба Ялгаруулах (E1, E2), Нэгдэх урвалын төрөл (алкен ба диенд), механизм.
Органик бодисын өвөрмөц онцлог шинж, бүтэц байгуулалт, физик химийн шинж, органик молекул үүсэх үндсэн зарчим, органик нэгдлүүдийн байгалийн эх булаг, органик бодисыг гаргах, судлах арга, органик урвалын механизмын тухай онолын мэдлэг олгож сорил туршилтын арга барилыг эзэмшүүлэх
Боловсролыг нийгмийн үзэгдэл болохын хувьд судлан, түүний үүсэл, хөгжлийн түүх, хөгжлийн хандлагын талаар мэдлэг эзэмшин боловсролын тогтолцоо, түүний шинэчлэл, боловсролын бодлого, үйл ажиллагааны чанарын талаар дүн шинжилгээ хийж сурахад чиглэнэ.
Боловсрол судлалын үүсэл, хөгжил, хандлага. Боловсрол судлалын судлах зүйл. Зорилт, үндсэн категори. Боловсрол судлал. Шинжлэх ухааны салбарууд. Боловсрол түүний мөн чанар. Зорилго, агуулга. Боловсролын тогтолцоо. Түүний уламжлал, шинэчлэл. Боловсролын хүртээмж чанар.
