Бидний тухай
Багш ажилтан
Монголын аялал жуулчлалын түүхэн хөгжил түүний онцлог, уламжлал, түүний төрлүүд, Монгол орны байгалийн болон нийгэм-соёлын нөөцүүд аялал жуулчлалын бүтээгдэхүүн болох талаар судална. Мөн Монголын аялал жуулчлалын төрийн болон олон нийтийн байгууллагуудын бодлого, бүтэц зохион байгуулалт, үйл ажиллагаа хоорондын хамаарал болон аялал жуулчлалын салбарын хүний нөөцийн бодлогын талаар судална.
Монголын аялал жуулчлалын нөхцөл нөөц, тэдгээрийг аялал жуулчлалын үйл ажиллагаанд татан оролцуулах, улмаар Монголын аялал жуулчлалын салбарын тулгамдсан асуудлуудын талаар үндсэн ойлголттой болж, Монголын аялал жуулчлалын байгууллагуудын хоорондын уялдаа, аялал жуулчлалын бүсүүдийн талаар ойлголттой болно.
Дэлхийн аялал жуулчлалын үндсэн ойлголт, олон улсын аялал жуулчлалын байгууллагууд, тэдгээрийн үүрэг, зохион байгуулалт, аялал жуулчлалын төлбөрийн баланс, худалдааны татварууд, олон улсын мөнгөний систем, даатгалын систем, валютын ханшны аялал жуулчлалд үзүүлэх нөлөөлөл, дэлхийн аялал жуулчлалын статистик төрлүүд, аялал жуулчлалын дагавар бүртгэлийн арга, дэлхийн аялал жуулчлалын бүс нутгуудын голлох орнууд, урсгал, чиглэлүүдийн талаар цогц ойлголттой болно.
Дэлхийн аялал жуулчлал нь даяарчлалын болон гадаад худалдааны үндсэн хэлбэр болох, олон улсын аялал жуулчлалын үндсэн зарчмууд, дэлхийн улсын аялал жуулчлалын хөгжлийн түүхэн тойм, нөхцөл нөөцийг болон эрэлтийн чиг хандлагыг аялал жуулчлалын тодорхой бүс нутгуудаар ялган авч үзэхэд оршино.
Аялал рекреацийн судалгааны үндсэн зарчмууд, судлагдахууны хүн-байгаль-нийгэм хоорондын харилцан хамаарал, аялал жуулчлалын салбарт түгээмэл хэрэглэгддэг тоон болон чанарын судалгааны төрлүүд, аялал жуулчлалын судалгааны шинжлэх ухааны болон практик ач холбогдол, судалгаа хийх аргачлал, судлаач хийгээд судлагдахууны харьцаа, судалгааг боловсруулах, үр дүнг мэдээлэх, тайлагнах зэргийг онол арга зүйн түвшинд судална.
Аялал рекреацийн судалгааны аргазүй болох тоон болон чанарын судалгааны үндсэн ойлголт, судалгааны төрлүүд, судалгаа явуулах үндэслэл, шаардлага зарчмуудтай танилцаж, аялал жуулчлалын салбартай холбогддог бусад шинжлэх ухааны судалгааны онол арга зүйг хэрхэн аялал жуулчлалын судалгаанд ашиглах талаар үндсэн ойлголттой болно.
Аялал жуулчлалын инновацитай холбогдох онол, түүнийг хэрхэн аялал жуулчлалд нэвтрүүлэх арга замыг судална. Хичээлийн голлох агуулга үр ашигтай инновацийн үйл явц, туршлагад анхаарал хандуулна. Инновацийн талаархи үндсэн ойлголтыг судалсны дараа инновацийн үйл явц хэрхэн аялал жуулчлалын байгууллагын үр ашигтай ажиллагаанд тусгалаа олдог, шинэ бүтээгдэхүүн үйлчилгээг хэрхэн буй болгох, түүнд гүйцэтгэх цахим талбарын үүрэг зэргийг судална. Мөн аялал жуулчлалын салбарын цахим захиалгын систем болоод бусад технологийн дэвшлүүдийг аялал жуулчлалын салбарын онцлогт нийцүүлэн судална.
Аялал жуулчлалын инноваци, аялал жуулчлалын гарааны бизнес эрхлэх, бизнесийн төлөвлөгөө боловсруулахтай холбогдох онол, дадлагыг эзэмшинэ. Аялал жуулчлалын салбарын бизнест харьцангуй давуу байдлыг инновациар дамжуулан хэрхэн буй болгох, тулгарч болох бэрхшээлүүдийг судална. Үүний зэрэгцээ аялал жуулчлалд инновацийн гүйцэтгэх үүрэг, хэрэгжүүлэх шат дараалал, шилдэг туршлагуудыг судлах болно.
Хурал зөвлөгөөн, бизнесийн уулзалт, үзэсгэлэн яармаг, урамшууллын аяллын тухай үндсэн ойлголт, түүний төрөл хэлбэрүүд, орон нутгийн ба олон улсын чанартай хурал зөвлөгөөний орчин үеийн чиг хандлага, хурал зөвлөгөөн, бизнес уулзалтын байгууламжийн төлөвлөлт, байршлын менежмент, олон улсын хурал зөвлөгөөн зохион байгуулах дүрэм журам, протокол, ёс зүй, маркетинг, борлуулалт, урамшууллын тухай судлаж зохион байгуулахад шаардлагатай санхүүгийн эх үүсвэрийг бий болгох, идэвхжүүлэх үйл явдлыг эрсдэл багатайгаар зохион байгуулах, үйл ажиллагааг үнэлэх тайлагнах арга зүйд суралцна
Өнөөдөр дэлхийн гол зорих газруудын үндсэн бүтээгдэхүүн болсон олон сая долларын бизнес болох хурал зөвлөгөөн бизнесийн уулзалт, үзэсгэлэн яармаг, урамшууллын аяллын тухай үндсэн ойлголттой болж аялал жуулчлалын зорих газрын брэндинг, дүр төрх бий болгох, аялал жуулчлалаас орон нутгийн нийгэм, соёл, эдийн засаг, улс төрийн орчинд оруулах хувь нэмрийг нэмэгдүүлэх, үндэстэн хоорондын соёлын солилцоог бэхжүүлэн сурталчлах, олон улсын болон бүс нутгийн чанартай хурал зөвлөгөөн, уулзалтыг зохион байгуудах арга зүйд суралцна.
