Бидний тухай
Багш ажилтан
1. Шашны тухай философи ба шашны философи 2. Шашны тухай философийн гол гол ойлголт, үндэслэл 3. Неотомизм 4. Үнэн алдрын шашны философи 5. Неопротестантизм ба философи 6. Персонализм
Шашны тухай философи, шашны философи хоёрын тус тусын онцлогийг заасны үндсэн дээр христос шашны орчин үе дэхь философи чиглэлүүдийг суралцагчдаар судлуулна. Христос шашны XX зуун дахь философи чиглэлүүдтэй танилцах нь шашны философи бол шашныг жирийн хамгаалдаг үзэл суртал биш, харин шашны холбогдох зарим үзэлд засвар, шинэчлэл оруулдаг үр дүн болж байдгийг суралцагчдад мэдүүлнэ. Мөн энэ хичээл янз бүрийн шашин дахь үнэлэмжид олон чухал нийтлэг санаа байдгийг ойлгох боломжийг суралцагчдад олгоно.
Философийн түүх судлал ба философийн рефлекс. Философийн түүх судлалын тухай үзэл баримтлалын үндсэн чиглэлүүд. Философийн түүх судлал ба соёлын түүх. Философийн түүхийн судалгааны зорилго, хэв маягууд. Философийн түүхийн баримт, түүнийг тодорхойлох арга, зарчмууд. Философийн үзэл санааг сэргээн загварчлах, утга тайлал хийх, тайлбарлах асуудлууд. Философийн түүхийн үечлэлийн асуудал. Философи сэтгэлгээний хэв маягууд. Философийн түүхийн судалгаанд ангилан судлах, харьцуулан шинжлэх аргууд, тэдгээрийг хэрэглэх асуудал.
Философийн мэдлэгийн системд философийн түүх судлалын эзлэх байр суурь, гүйцэтгэх үүрэг, ач холбогдол, философийн түүх судлалын судлагдахуун, философийн хөгжлийн түүхэн үйл явцын ерөнхий чиг хандлага, зүй тогтол, философийн түүх судлалын онол-арга зүйн зонхилох үзэл баримтлалуудын тухай мэдлэг эзэмших Арга зүйн семинарын болон бие даах ажлын сэдвүүд: 1. Философи ба философийн түүх судлал 2. Философийн түүх судлалын хөгжлийн түүхэн үе шатууд 3. Философийн түүхэн хөгжлийн зүй тогтлууд 4. Философи ба шинжлэх ухааны хөгжлийн харилцан хамаарал 5. Философийн үүслийн тухай үзэл баримтлалууд 6. Философийн түүх ба философийн түүх бичлэг 7. Философийн түүх бичлэгийн Грек, Ромын үеийн онцлог 8. Философийн түүх бичлэгийн дундад зууны үеийн онцлог 9. Шинэ үеийн философийн түүх бичлэгийн онцлог 10. Философийн түүх судлалын тухай Гегелийн үзэл баримтлал 11. Философийн түүх судлалын тухай марксист баримтлал 12. Философийн түүх судлалын тухай орчин үеийн баримтлалууд 13. Философийн түүх судлалын ерөнхий зарчмууд ба судалгааны аргууд 14. Философийн түүхийг үечлэх арга зүйн асуудал 15. Философийн сургаалуудыг ангилах арга зүйн асуудал 16. Философийн түүхийн судалгааны эх сурвалжуудыг тайлбарлах , утга тайлал хийх арга зүйн асуудал 17. Философийн түүхийн судалгаанд герменевтикийн арга зүйг хэрэглэх асуудал 18. Философийн түүх судлал ба структурализм 19. Философийн түүх судлал ба хэл шинжлэл 20. Философийн түүх ба соёл судлал 21. Философийн түүх ба шашин судлал 22. Философийн болон шинжлэх ухааны түүх судлалын харилцан холбоо 23. Философийн түүхийн судалгаанд реконструкцийн аргыг хэрэглэх асуудал
Философийн салбарын магистрантурын сургалтанд үздэг нийгмийн тухай онолын тогтолцоонд нийгмийн тухай философи ямар ач холбогдолтойг тодруулж, нийгмийн үйлдэл ба нийгмийн өөрчлөлтийн хэрэгжих арга замыг онцлон авч үзэж, нийгмийг танин мэдэхүйн ба нийгмийг урьдчилан харахуйн асуудлуудыг философи судалгааны чухал сэдвүүд мөний нь хувьд тайлбарласан болно. Бас нийгмийг танин мэдэх ба үнэлэн цэгнэх үйл ажиллагаанд өргөн ашиглаж ирсэн философи арга ба аргазүйн зарчмуудыг энэ хичээлд үзэх болно.
Нийгмийн тухай философийн орчин үед сургалт, судалгааны онцгой сэдэв болж буй зарим асуудлуудыг Монголын өнөөгийн бодит байдалтай хэрхэн холбогдож буй талаас онцлон авч үзнэ.
Энэ хичээлээр нийгмийн тухай онол бол нийгмийн шинжлэх ухаан, хүмүүнлэгийн онол гэсэн үндсэн хоёр салбарт хуваагдаж, улмаар хүмүүнлэгийн онолын нэг чухал дэд салбар нь философи мөнийг тайлбарлана. Эндээс философи бол шинжлэх ухааны ололтонд тулгуурладаг боловч шинжлэх ухаан биш гэдгийг магистрант нарт ойлгуулна. Хүмүүнлэгийн мэдлэгийн философи ямар онцлогтойг авч үзэх нь энэ хичээлийн бас нэг чухал хэсэг байх юм. Энэ нь хүмүүнлэгийн философи, нийгмийн тухай философи хоёр нэг талаар чухал нэгдэлтэйг, нөгөөтэйгүүр тодорхой ялгаатайг авч үзэхэд хүргэнэ. Ингэж авч үзэх нь философи мэдлэгийн агуулга, аргазүй аль алинд холбогдоно. Бас сонгодог, сонгодог биш, сонгодог бишийн дараах аль аль философийг энэ нь хамарч буй болно.
Нийгмийн тухай философийн гол гол бүрэлдэхүүний суурь асуудлуудыг Монголын өнөөгийн бодит байдалтай хэрхэн холбогдож буй талаас онцлон авч үзнэ.
