Бидний тухай
Багш ажилтан
Нягтлан бодох бүртгэлийн тухай ойлголт, түүхэн хөгжлийн үе шат, өнөөгийн хандлага, нягтлан бодох бүртгэлийн төрөл, тэдгээрийн судлах зүйлс, хамрах хүрээ,баримтлах үндсэн зарчмуудын талаарх ерөнхий мэдлэгийг олгоно. Мөн ажил гүйлгээний баримтжуулалт, хөрөнгийн тооллого, дансны давхар бичилт зэрэг нягтлан бодох бүртгэлийн аргыг ашиглан аж ахуйн нэгж, байгууллагын ажил гүйлгээг бүртгэлд тусгаж (баримтжуулах, ерөнхий ба туслах журнал хөтлөх, ерөнхий болон туслах дэвтэр хөтлөх, тохируулах бичилт хийх, хаалтын бичилтийн өмнөх ба дараах шалгах баланс бэлтгэх, ажлын хүснэгт бэлтгэх), санхүүгийн тайлан бэлтгэн гаргахарга зүйг судална
Энэхүү хичээл нь аж ахуйн нэгж, байгууллагын эдийн засгийн үйл явцыг илэрхийлсэн олон тооны ажил гүйлгээг үнэлэн ангилж, нэгтгэн дүгнэх, үр дүнг нь тодорхойлох, улмаар санхүүгийн тайлан бэлтгэх ерөнхий зарчим, арга зүйг оюутанд эзэмшүүлэх зорилготой. Мөн бизнесийн байгууллагын санхүүгийн тайланг унших, үнэлэлт дүгнэлт өгөх анхан шатны чадварыг эзэмшүүлэх, бусад хичээлийн онолын суурь мэдлэг олгох зорилготой.
Бүртгэлийн програм хичээл нь Санхүүгийн бүртгэл 1, Бүртгэлийн мэдээллийн систем хичээлүүдийн залгамж хичээл бөгөөд нягтлан бодох бүртгэлийн мэргэжлээр мэргэшин суралцаж байгаа оюутнуудын заавал судлах хичээл юм. Санхүүгийн бүртгэл хичээлээр тооцоолж, бүртгэлийн мэдээллийн систем хичээлээр боловсруулсан баримт мэдээнд үндэслэн компьютерээр болон нягтлан бодох бүртгэлийн програм ашиглан ажил гүйлгээг боловсруулах арга зүйг уг хичээлээр судална.
Нягтлан бодох бүртгэлийн мэргэжлээр суралцаж буй оюутанд компьютер ашиглан баримт боловсруулах, журналын бичилт хийх, санхүүгийн болон бусад тайлан гарцуудыг бэлтгэх үйл ажиллагааны талаар онолын мэдлэг олгохын зэрэгцээ бүртгэлийн програмашиглан санхүүгийн болон бусад тайлангуудыг гаргах арга зүйг эзэмшүүлэхэд энэхүү хичээлийн зорилго оршино.
Бүртгэлийн мэдээллийн систем хичээл нь Санхүүгийн бүртгэл 1 хичээлийн залгамж хичээл бөгөөд НББ-н мэргэжлээр мэргэшин суралцаж байгаа оюутнуудын заавал судлах хичээл юм. Санхүүгийн бүртгэл 1 хичээлийн хүрээнд санхүүгийн тайланд тусгагдах тоо мэдээллийг хэрхэн тооцоолж бүртгэхийг судалдаг бол Бүртгэлийн мэдээллийн систем хичээлээр уг тооцоолсон тоо мэдээлэл ямар баримтанд үндэслэгдэж, хэдэн хувь үйлдэгдэж, хэнээр баталгаажиж, ямар журнал дэвтэрт бичигдэн хэнд хэрэгтэй тайлан гарц болж гарахыг судална.
Санхүүгийн болон удирдлагын бүртгэлээр мэргэшсэн мэргэжилтэн бэлтгэх эрхэм зорилгоо биелүүлэхийн тулд НББ-ийн мэргэжлийн ангийн оюутнуудад бүх төрлийн аж ахуйн нэгж байгууллагын нягтлан бодох бүртгэлийн ажил гүйлгээг алдаагүй боловсруулж, баримтжуулан гадаад мэдээлэл хэрэглэгчид, байгууллагын удирдлагыг оновчтой шийдвэр гаргахад нь үнэн зөв тайлан мэдээллээр хангах чадварыг эзэмшүүлэхэд оршино.
Монгол улсын даатгалын тогтолцооны үүсэл хөгжлийн түүх, даатгалын мөн чанар, төрөл, хэлбэр, арилжааны даатгалын компани болон нийгмийн даатгалын байгууллагын үйл ажиллагааны зарчмууд, нягтлан бодох бүртгэлийн онцлог, арилжааны даатгалын компанийн хөрөнгийн эх үүсвэрийг бүрдүүлэлт, хураамжийн орлогыг хуваарилах зарчим, нөөцийн санг байгуулах, нөхөн олговрын зардлыг бүртгэх журам, санхүүгийн болон нэмэлт тайлангуудыг бэлтгэх, нийгмийн даатгалын сангийн төрөл, тэдгээрийн орлогын бүрдүүлэлт, зарцуулалтын бүртгэлийг хөтлөх, нийгмийн даатгалын шимтгэл төлөлт, тэтгэвэр тэтгэмжийн тооцоололт хийх, ажил олгогчийн гаргах тайлан мэдээг боловсруулах, түүнд дүн шинжилгээ хийх арга зүйг судлана.
Нягтлан бодох бүртгэлээр мэргэшсэн даяарших мэдлэг чадвартай мэргэжилтэн, судлаачийг бэлтгэх эрхэм зорилгоо биелүүлэхийн тулд “Даатгалын нягтлан бодох бүртгэл” хичээлийг оюутнаар судлуулах зорилго нь арилжааны даатгалын болон нийгмийн даатгалын байгууллагын үйл ажиллагааны онцлогтой танилцаж, нягтлан бодох бүртгэл хөтлөх, арилжааны даатгалын компанийн хөрөнгө, хөрөнгийн эх үүсвэрийг бүрдүүлэх, нөөцийн сан байгуулах, нөхөн олговрын зардлыг тооцоолох, хураамжийн орлого эдийн засгийн үр өгөөжийн талаар мэдээллийг боловсруулах, санхүүгийн тайлан бэлтгэх, нийгмийн даатгалын байгууллагын даатгалын сангийн бүрдүүлэлт, зарцуулалтын бүртгэл тооцоог хөтөлж сурах, нийгмийн даатгалын шимтгэл төлөгчөөр бүртгүүлэх, ажил олгогчийн гаргах тайлан мэдээний талаар мэдлэг олгох, улмаар даатгалын байгууллагад мэргэжлээрээ ажиллах чадварыг эзэмшүүлэхэд оршино.
