Бидний тухай
Багш ажилтан
Компьютерийн сүлжээний төхөөрөмж хичээлийг үзсэнээр оюутан: Салаалагч төхөөрөмжийн ажиллагааны зарчим, үндсэн тохиргоо, чиглүүлэгч төхөөрөмжийн ажиллагааны зарчим, үндсэн тохиргоо, статик, динамик чиглүүлэлтийн протоколууд тэдгээрийн ажиллагааны зарчим, тохиргоо, чиглүүлэлтийн хүснэгтийн нууцлаг функцууд, хуурмаг дотоод сүлжээ үүсгэх, хуурмаг дотоод сүлжээний дамжуулалтын протоколын тохиргоо, хоёрдугаар түвшний асуудлаас сэргийлэхийн тулд spanning tree protocol ашиглаж сурах, хуурмаг сүлжээ хооронд чиглүүлэлт хийх аргачлалуудыг сурах мөн дунд буюу томоохон сүлжээний хувьд дизайн гаргах чадвартай болно. Мөн шинээр гарч ирж буй технологийн талаар болон тэдгээрийн тохиргоог хийх ур чадвар, мэдлэгтэй болно.
Энэхүү хичээлийн зорилго нь оюутнуудад Кибер аюулгүй байдал, тухайлбал Үйл ажиллагааны технологи гэж нэрлэгддэг аж үйлдвэрийн системд хэрэглэгдэх кибер аюулгүй байдлын талаар ерөнхий ойлголт өгөх юм. Үндсэн арга зүй, стандарт, хууль тогтоомж, аюул занал, эмзэг байдлыг судална. Цаашид кибер аюулгүй байдлын зөрчлөөс урьдчилан сэргийлэх, илрүүлэх, хариу арга хэмжээ авахад туслах технологид болно.
Мэдээллийн аюулгүй байдлын үндсэн ойлголтууд, нууцлал, бүрэн бүтэн байдал, хүртээмж г.м. аюулгүй байдлын түлхүүр шаардлагууд, OSI загварын X.800 аюулгүй байдлын архитектур, криптологийн хоёр салбар болох криптографийн алгоритмууд ба криптанализийн аргуудын талаарх ойлголтууд, криптографийн симметрик түлхүүрт классик алгоритмууд, DES, AES алгоритмууд болон ассиметрик түлхүүрт RSA, ElGamal, Elliptic Curve алгоритмууд, тэдгээрийн зохион байгуулалт, кодлох ба кодыг тайлах процесс, тэдгээрийн аюулгүй байдалтай холбоотой асуудлууд, мэдээллийн бүрэн бүтэн байдал ба баталгааг хангахад хэрэглэгддэг хэш функц, мэдээлэл бататгах код, тоон гарын үсэг ба тоон гарын үсгийн стандартын талаар, мөн TCP/IP-ийн аюулгүй байдлын протоколууд, хөнөөлтэй програм, халдлага дайралт, илрүүлэх үндсэн техникүүд.
Энэ хичээлээр мэдээллийн аюулгүй байдлын үндсэн гурван зорилго болох мэдээллийн нууцлал, бүрэн бүтэн байдал, хүртээмжтэй байдлын талаарх үндсэн ойлголтуудыг авахаас гадна тэдгээрийг хангах аюулгүй байдлын үйлчилгээ, түүний механизмуудын талаарх онолын болон практик асуудлуудыг судлах зорилготой.
