Бидний тухай
Багш ажилтан
Монголоор: Барагцаалан авч үзвэл ХХ зууны сүүлээс хойших антропологийн онолыг орчин үеийн гэдэг үечлэлд багтааж байгаа юм. Энэ үеэс хойш гарч өргөн тархсан гол гол онолуудыг нарийвчлан нэг бүрчлэн задалж үзнэ. Энэ хичээл Антропологийн цаг үеийн сэдвүүдийн тойм семинар хэмээх хичээлтэй төстэй боловч зохион байуулалтын хувьд ялгагдана. Багш гол үүрэгтэй оролцож оюутнуудад шинээр гарч байгаа онолын мэдлэгийг цаг тухайд нь хүргэж байх явдал юм. Өөрөөр хэлбэл, агуулгын хувьдаа антропологи, этнологийн салбарын хөгжлийн хурдацыг дагаж хувирч байх юм. Тухайлбал, Хенриетта Моорын антропологийн чухал тулгамдсан асуудлуудын нэг болох антропологийн мэдлэгийн ирээдүйн чиг хандлага, өнөөгийн учир дутагдал, нийгэмд гүйцэтгэх үүрэг ач холбогдол, ХХI зуунд антропологийн мэдлэгийг хэрхэн нийгэмд ашигтайгаар өрнүүлж болох талаарх судалгааг дурдаж болно. Түүнчлэн орчин үеийн антропологт нэлээд дэлгэрч байгаа Аржун Аппадурайгийн даяарчлалд нийгэм соёлууд хэрхэн адилсахын (homogenization) хажуугаар бас бие бинээсээ ондоошиж (heterogenization) байдаг, хэрхэн нэгдэж байгаа юм шиг хэрнээ бие биенээсээ салж хуучин хэрэглэж байсан төв болон зах гэдэг тогтолоцоогоор авч үзэж боломжгүй болсон бөгөөд энэ байдалд төр засаг ямар үүрэг байр суурьтай оролцдог талаарх судалгаа байдаг. Бразилийн антропологич ДеКастрогийн перспективизм гэхчилэнгийн өдгөө нэрд гарч байгаа онолыг танилцуулна. Сүүлийн үеийн шинэ онолыг танилцуулахаас гадна онолын хамт шинээр нэрд гарч байгаа орчин үеийн нэртэй антропологчдын намтар, судалгааны чиг баримжаа, бүтээлүүдийн агуулгыг танилцуулах болно.
Зорилго нь оюутнуудад шинээр гарч байгаа онолын мэдлэгийг цаг тухайд нь хүргэж байх явдал юм. Өөрөөр хэлбэл, агуулгын хувьд антропологи, этнологийн салбарын хөгжлийн хурдацыг дагаж хувирч байх юм. Антропологийн судалгааны чиглэл, дэг сургуулиуд, онолын задлан шинжилгээнд байнга шүүмж, маргаан, чиг хандлагад нь өөрчлөлт гарч байдаг бөгөөд энэ бүхний цаана учир шалтгаан задлан шинжилгээ, арга зүй онолын маргаан агуулга заавал байдаг бөгөөд энэ хичээлийн зорилго бол тус агуулгыг цаг тухайд нь оюутнуудад олгож байх явдал юм. Тухайлбал, сүүлийн үед онтологийн антропологи, антропологийн төгсгөл гэх мэт тус шинжлэх ухааны одоо болоод ирээдүйд шууд хамаатай асуудлууд судлаачдын дунд эрдэм шинжилгээний түвшний маргаан гарсантай танилцах жишээтэй.
Хүн төрлөхтөний төрхтнийн тухай ойлголт, төрхөтний гарал үүслийн онолын сэтгэлгээний түүх, өнөөгийн гол онолууд, тэдгээрийн гол төлөөлөгчдийн үзэл баримтлал, төрхтнийн зүйлийн нэгдэл, арьстны үзлийн эсрэг антропологийн баталгаа, үндэстэн, угсаатан, төрхтнийн тухай орчин үеийн антропологийн шинжлэх ухааны ойлголт, тодорхойлолтууд, төрхтнийн ангилал зүйн онолын сэтгэлгээний түүх, төрхтний ангилал зүйн орчин үеийн онолын үзэл баримтлал, хүн төрлөхтний төрхтний орчин үеийн ангилал зүй, Умарт Ази, Төв Ази, Баруун Ази, Өмнөд Ази болон Зүүн Азийн орчин үеийн хүн амын угсаатан бүрдэл, эрхлэх аж ахуйн хэлбэрүүд, хэлний ангилал, эдгээр бүс нутгийн археологи, палеоантропологийн судалгааны тойм, соёлын гол гол бүс нутаг, эртний миграци, эртний хүн амын гарал үүсэл, угсаа гарвалын талаархи гол үзэл баримтлалууд, тухайн бүс нутгийн орчин үеийн хүн амын биоантропологи, хэл шинжлэл, соёлын антропологийн судалгааны тойм, тус бүсийн эртний болон орчин үеийн хүн амын угсаа гарвал, гарал үүслийн холбооны талаар онолын баримтлал, судалгааны үр дүн зэргийг хамрана.
Ази тивийн нэн эртний үе-чулуун зэвсгийн үеэс хөгжингүй үе хүртэлх түүхэн үеийн хүн амын суурьшил, соёл иргэншил, антропологийн бүтэц, нүүдэл суудал, демограф, экологи, аж ахуйн онцлог, орчин үеийн хүн амын антропологи бүтэц, гарал үүсэл, удам угсааны холбоо, угсаатны бүтэц, хэл, аж ахуйн соёлын болон түүхэн угсаа гарвалын тухай асуудлыг хамран судална.
