Бидний тухай
Багш ажилтан
Энэ хичээлээр хууль гэж юу болох, хуультай байхын хэрэгцээ, шаардлага, үр дагавар, ёс суртахуун, шударга ёсны ойлголтуудтай хэрхэн хамааралтай болох, дэлхийн болон дотоодын эрх зүйн түүхэн хөгжил, хүний эрхэм чанар, эрх, эрх чөлөө хамгаалах, хуулийн засаглал, ардчилсан ёс, захиргааны байгууллага ба иргэдийн хоорондын харилцаа, хөдөлмөр, гэр бүл, өмч, гэрээний эрх зүйн ойлголт, гэмт хэрэг, ял шийтгэлийн тухай зэрэг эрх зүйн гол ойлголтуудыг практик тохиолдол дээр тулгуурлан судална. ХИЧЭЭЛЭЭР ЭЗЭМШИХ МЭДЛЭГ, ЧАДВАР Эрх зүйн үндэс хичээлийг судласнаас оюутан дараах мэдлэгийг эзэмшинэ: Хууль гэж юу болох, хуулийг дагаж мөрдөх шаардлага Ёс суртахуун, шударга ёс болон хууль зэрэг ойлголтуудн уялдаа холбоо Дэлхийн болон дотоодын эрх зүйн түүхэн хөгжил Хүний эрхэм чанар, хүний эрх, эрх чөлөө талаар ойлголт авах, Хуулийн засаглал буюу эрх зүйт төрийн зарчмуудын талаар ойлголттой болох Шударга шүүхээр шүүлгэх эрх, шүүхийн ач холбогдлын талаар мэдлэг эзэмших Ардчиллын үндсэн зарчмуудыг ойлгох Төрийн захиргааны байгууллагаас иргэдтэй хэрхэн харилцах талаар ойлголттой болох Иргэний эрх зүйн салбар болох гэр бүл, гэм хор, гэрээ, хөдөлмөр, өмчийн эрх зүйн үндсэн ойлголтууд Гэмт хэрэг, ял шийтгэлийн талаар мэдлэгтэй болно.
Энэ хичээлийн зорилго нь оюутанд хууль, эрх зүйн тухай суурь ойлголт өгөхөөс гадна эрх зүйн салбарууд, тэдгээрийн онцлог, бодит амьдралд тулгарч болох эрх зүйн маргааныг тодорхойлох, өөрийн эрхээ хамгаалахад шаардлагатай эрх зүйн суурь мэдлэг эзэмшүүлэхэд оршино. Оюутан иргэний нийгэмд хүн бүрийн зайлшгүй мэдвэл зохих хууль, эрх зүйн ерөнхий ойлголт, тогтолцооны талаар мэдлэгтэй болох нь хуулийн засаглалыг тогтоох, нийгмийн дэг журам, ардчилсан тогтолцоог төлөвшүүлэхэд чухал ач холбогдолтой юм.
- Хууль зүйн сэтгэл зүйн судлалын судлагдахуун, арга зүй - Сэтгэцийн үйл явцын зүй тогтол ба хуульчийн мэргэжлийн үйл ажиллагаа - Сэрэл, хүртэхүй, анхаарал, ой тогтоолт, зохион бодох, сэтгэхүй, хэлэхүйн үйл ба эрх зүйн харилцаа, хуульчийн мэргэжлийн үйл ажиллагаанд нөлөөлөх байдал - Сэтгэлийн хөдөлгөөн, сэтгэцийн байдал. - Хуульчийн мэргэжлийн үйл ажиллагаа ба сэтгэлийн хөдөлгөөнийг хянан зохицуулах чадвар - Хууль зүйн үр дагавар бүхий сэтгэцийн байдал - Бие хүний сэтгэл зүй - Бие хүний сэтгэл зүйн шинж ба ангилал - Бие хүний сэтгэл зүйн хөрөг, хууль сахиулах үйл ажиллагаанд сэтгэл зүйн хөргийг ашиглах нь - Хуульчийн мэргэжлийн үйл ажиллагааны сэтгэл зүй - Үйл ажиллагаа ба хуульч мэргэжилтэний үйл ажиллагааны онцлог - Хууль зүйн мэргэжлийн чадвар, шалгуур - Хуульчийн зохион байгуулалт удирдлагын сэтгэл зүй - Эрх зүйн харилцааны удирдлагын сэтгэл зүйн онцлог - Эрх зүйн туслалцаа, хууль сахиулах үйл ажиллагаа дахь удирдлагын харилцаа - Шүүх эрх мэдлийн байгууллага дахь удирдлагын сэтгэл зүйн онцлог - Хуульчийн мэргэжлийн харилцааны сэтгэл зүй - Хуульчийн мэргэжлийн харилцааны сэтгэл зүйн онцлог, харилцаа ба доминант, - Мэргэжлийн харилцааны хэлбэрүүд: Мэтгэлцээн, Байцаалт, Хууль зүйн зөвлөгөө - Харилцааны сэтгэл зүйн техник, хуульчийн мэргэжлийн үйл ажиллагааны харилцааны техник ашиглах байдал - Гэмт хэргийн сэтгэл зүй - Гэмт хэрэг ба гэмт хэрэгтэн - Гэмт хэрэгтэний сэтгэл зүйн хэв шинжийн ангилал - Зохион байгуулалттай гэмт хэргийн сэтгэл зүй
Хуульчийн мэргэжлийн харилцааны сэтгэл зүйн онцлог, хуульч мэргэжилтэнд тавигдах сэтгэл зүйн шаардлага, эрх зүйн харилцаанд оролцогчдын сэтгэл зүйн онцлог, хууль зүйн мэргэжлийн үйл ажиллагаанд сэтгэл зүйн хүчин зүйлийн үзүүлэх нөлөөг судалж, хуульчийн мэргэжлийн үйл ажиллагаанд сэтгэл зүйн арга хэрэгсэлийг ашиглах чадвар эзэмшинэ.
