Бидний тухай
Багш ажилтан
Олонлог, түүн дээрх үйлдлүүд, математик логик, логик хэллэгүүд, сэлгэмэл, хэсэглэл зэрэг комбинаторикийн үндсэн ойлголтууд, баталгааны техникүүд, математик индукцийн арга, рекурсив функц, түүнийг бодох аргууд, алгоритмийн шинжилгээ, тооны онолын үндэс, графийн тухай ойлголт, логик алгебрийн функц, төгсгөлөг төлөвт автоматыг бодох арга алгоритмтэй танилцана.
Кибернитекийн үндсэн ойлголтууд болох олонлогийн тухай ойлголт, логик хэллэгүүд, тэдгээр дээрх үйлдлүүд, комбинаторик, дискрет үзэгдлүүдийн талаарх ойлголт, тооны онолын хялбар ойлголтууд, граф түүний хэрэглээ, алгоритмийн шинжилгээний талаар үндсэн ойлголтуудтай танилцана. Логик сэтгэлгээг хөгжүүлж, зөв цэгцтэй сэтгэн бодож сурахад энэхүү хичээлийн гол зорилго оршино.
(Магадлал, түүний тодорхойлолт чанарууд, бусад үндсэн ойлголтуудийг эзэмшүүлэх, хэрэглэх чадварыг суулгах Математик статистикийн тухай суурь ойлголтууд, түүвэр, параметрийн үнэлэлт, шинжүүр, регрессийн шинжилгээ ба түүний хэрэглээг таниулах, практикт хэрэглэх дадал чадварыг суулгах Статистик загварчлалын үндсэн аргуудыг эзэмшүүлэх, санамсаргүй үзэгдэл, хэмжигдэхүүн ба туршилтыг загварчлах чадварыг эзэмшүүлэх)
(Санамсаргүй үзэгдэл, түүн дээрх үйлдлүүд, Магадлал, түүний тодорхойлолтууд, чанарууд, Комбинаторикийн элементүүд, Нөхцөлт магадлал, Үл хамаарах чанар, Гүйцэд магадлалын томъёо, Байесын томъёо ба түүний өргөтгөл, Бернуллийн схем, Полином схем, Дискрет ба тасралтгүй санамсаргүй хэмжигдэхүүн, Тархалтын хууль, Санамсаргүй хэмжигдэхүүний нягт, Санамсаргүй хэмжигдэхүүний тоон үзүүлэлтүүд, Их тооны хууль, хязгаарын гол теорем, Бернуллийн схем дэх хязгаарын теоремууд: Пуассоны томъёо, Муавр-Лапласын локал ба интеграл томъёо, Түүврийн вариацын цуваа ба эрэмбийн статистик, Туршилтын тархалтын функц, Түүврийн тоон үзүүлэлтүүд, Санамсаргүй хэмжигдэхүүнийг загварчлах шууд, урвуу хувиргалтын, зайлуулах аргууд ба зарим тусгай арга, Статистик үнэлэлт, Цэгэн ба интервалан үнэлэлт буюу итгэх завсар, Статистик таамаглал, Шинжүүр, Хи-квадрат шинжүүр, Колмогоров-Смирновын шинжүүр, Нэгэн төрлийн байх тухай таамаглал шалгах Хи-квадрат шинжүүр, Бүлгийн шинжүүр, Манн-Витнейн шинжүүр, Тэмдгийн шинжүүр, Рангийн тэмдгийн шинжүүр, Үл хамаарах тухай таамаглал шалгах Хи-квадрат шинжүүр, Үл хамаарах тухай таамаглал ба корреляцийн шинжилгээ: Пирсоны, Спирмэний рангийн, Гамма, Кендаллын корреляцийн коэффициентүүд, Түүврийн инверсийн тоог ашиглан санамсаргүй байх тухай таамаглал шалгах шинжүүр, Санамсаргүй байх тухай таамаглалыг шалгах бүлгийн шинжүүр, Регресс, шугаман регрессийн загвар, үл мэдэгдэх параметрүүдийн үнэлэлт, үлдэгдлийн дисперсийн үнэлгээ, Дисперсийн шинжилгээ.)
Энэ хичээлийн агуулга нь I) I эрэмбийн ердийн дифференциал тэгшитгэл (ЕДТ) II) ЕДТ-ээр илэрхийлэгддэг загварууд ба хэрэглээ III) II эрэмбийн ЕДТ IV) Лапласын хувиргалт V) Тогтмол коэффициенттэй ЕДТ-ийн систем VI) Шугаман бус ЕДТ-ийн систем VII) ЕДТ-ийг цуваагаар бодох гэсэн 7 үндсэн сэдвүүдээс бүрдэх ба сэдэв тус бүр дэд хэсгүүдэд задарна. Тухайлбал, эхний үндсэн сэдэв нь дотроо ЕДТ, түүний шийд (цор ганц) оршин байх, хувьсагч нь ялгагддаг тэгшитгэлүүд; II сэдэв нь ЕДТ-ээр загварчлагддаг төрөл бүрийн, хялбар математик хэрэглээнүүд; III сэдэв нь тогтмол коэффициенттэй II эрэмбийн ЕДТ ба систем, тэдгээрийг бодох аргууд; IV сэдэв нь Лапласын хувиргалт, түүний урвуу хувиргалт, ЕДТ-ийг бодоход Лапласын хувиргалтыг ашиглах; V сэдэв нь тогтмол коэффициенттэй ЕДТ-ийн системийг шинжлэх, бодох; VI сэдэв нь шугаман бус ЕДТ-ийн системийг шинжлэх, бодох; VII сэдэв нь Лежандр, Эйлер, Бесселийн тэгшитгэлүүд болон цувааг ашиглан ЕДТ-ийг сингуляр цэгийнх нь орчинд бодох гэсэн дэд хэсгүүдийг агуулна. Эдгээр сэдвүүдийг оюутнуудад аль болох ойлгомжтой байлгах үүднээс олон төрлийн жишээ, зураг, диаграммаар баяжуулан судална.
Энэ хичээл нь байгалийн шинжлэх ухаан түүн дотор цаашдаа физик, математик болон компьютер, инженерчлэлийн чиглэлийн хичээлийг сонгон судлах оюутнуудад зайлшгүй шаардлагатай математикийн суурь хичээлүүдийн нэг юм. Энэхүү хичээлээр оюутнуудад заавал эзэмших ёстой (ердийн) дифференциал тэгшитгэлийн талаарх суурь мэдлэгийг олгохоос гадна дифференциал тэгшитгэлээр илэрхийлэгддэг төрөл бүрийн, хялбар математик загваруудтай танилцана.
Алгоритмын шинжилгээ. Өгөгдлийн хийсвэрлэл. Суурь өгөгдлийн бүтцүүд:массив, дан жагсаалт, давхар холбоост жагсаалт, стек, дараалал. Мод. Хайлт ба эрэмбэлэлт. Граф. Алгоритмын зохиомж
Энэ хичээлээр өгөгдлийн үндсэн ойлголтууд, стандарт өгөгдлийн бүтцүүдийг судалж тэднийг объект хандлагат програмчлалын үндсэн ойлголтууд ашиглан өгөгдлийн хийсвэр төрөл болгож зохиох талаар судална. Мөн програм зохиох үедээөгөгдлийн бүтцээоновчтой сонгон хэрэглэж чаддаг зөв програмчилах чадвар дадлыг төлөвшүүлэхэд энэ хичээлийн зорилго оршино
