Бидний тухай
Багш ажилтан
Нэг хэмжээст хугацаан цуваанд үндэслэсэн эдийн засгийн трендийн загварууд, статик болон динамик тавилтай балансын загварууд, эдийн засгийн динамик систем, удирдлагын математик загварын тавил зэрэг орно
Энэхүү хичээл нь хэрэглээний шинжлэх ухааны салбарт суралцаж амжилт гаргахад шаардагдах эдийн засгийн онолын үндсэн хууль, зарчмыг математик арга хэрэгслийн тусламжтайгаар томьёолох, баталгаа гаргалгаа хийх, задлан шинжлэх, зохицуулалтын механизмыг танилцуулах, дүн шинжилгээ хийх зорилготой. Хичээлээр эдийн засгийн системийн математик загваруудын суурь ойлголт, зарим бодит амьдралын загварууд, тэдгээрийг бодох аналитик болон тооцон бодох аргуудыг онолын тодорхой түвшинд нарийвчилсан байдлаар, хэрэглэх боломжтой олон жишээний хамтаар үзэх болно
:Алдааг шинжлэх, алгоритм ба түүний нийлэлт, нэг хувьсагчийн тэгшитгэлийн язгуур олох, хагаслан хуваах арга, Ньютоны арга болон түүний өргөтгөл, алгебрийн шугаман системийн тоон шийдийг олох шууд арга, шууд бус (итерацийн) арга, Якоб болон Зейдэлийн арга, урвуу матриц олох аргууд, интерполярчлах, интерполяцын олон гишүүнт, Лагранжийн олон гишүүнт, Ньютоны (Эрмитийн) олон гишүүнт, Интерполяцын куб сплайн, тоон дифференциалчлал болон интегралчлал
Аналитик шийд нь олдоогүй болон олоход хүндрэлтэй математикийн бодлогуудын хувьд тоон шийдийг ойролцоогоор олж амьдралд хэрэглэх нь нэн чухал. Энэхүү хичээл нь амьдрал практикт тавигддаг математикийн чухал асуудлуудын өндөр нарийвчлалтай тоон шийдийг олох арга, алгоритмыг боловсруулан компьютерт програмчилж, зүгшрүүлж сургах; тооцооны алгоритмыг онолын түвшинд нарийвчлан шинжилж, тухайн алгоритмын илүү үр ашигтай ажиллах боломжийг судлах үндсэн зорилготой юм.
Олонлог, түүн дээр хийх үйлдлүүд, функц, тоон дараалал ба дарааллын хязгаар, функцийн хязгаар ба тасралтгүй чанар, функцийн уламжлал ба дифференциал,тэдгээрийн хэрэглээ, дифференциал тооллын үндсэн теоремууд, функцийн экстремум,функцийн асимптот, функцийг шинжилж графикийг байгуулах, эх функц, тодорхой биш интеграл ба түүний чанарууд, төрөл бүрийн тодорхой биш интегралыг бодох аргууд, тодорхой интегралын тодорхойлолт, тодорхой интегралыг бодох Ньютон-Лейбницийн томъёо, тодорхой интегралын хэрэглээ, тодорхой интегралыг ойролцоогоор бодох, тоон цуваа, математикийн бусад салбар дахь хэрэглээ
Энэхүү хичээл нь инженер, эдийн засаг болон хэрэглээний шинжлэх ухааны салбарт суралцаж амжилт гаргахад шаардагдах математикийн суурь мэдлэгийн үндсийг тавих, математик сэтгэлгээг хөгжүүлэх зорилготой. Хичээлээр ерөнхий боловсролын сургуульд товч, томъёогоор голдуу үздэг нэг хувьсагчийн функцийн дифференциал болон интеграл тооллын элемент, ойлголтуудыг илүү дэлгэрүүлж өргөтгөн, хоорондын уялдаа холбоог илүү тодруулж, онолын тодорхой түвшинд нарийвчилсан байдлаар, практикийн хэрэглээний олон жишээний хамтаар үзэх болно.
