Бидний тухай
Багш ажилтан
Энэ хичээлээр аж ахуйн нэгжийн үйл ажиллагаанд учирч болзошгүй эрсдэлийг тодорхойлох, ангилах, үнэлэх, урьдчилан сэргийлэх аргыг судлана. Мөн эрсдэлийн үнэлгээний түгээмэл загвар болон хөгжилтэй орны нөхцөлд зохиосон санхүүгийн эрсдэлийн үнэлгээний загварыг өөрийн орны нөхцөлд турших, загвар зохиох аргачлалыг судлана. Санхүүгийн эрсдэлийн үнэлгээний VAR, САРМ загвар, багц сонголтын онол, Rickmetrics зарим аргын онолын үндсийг судлаж өөрийн орны бодит тоон өгөгдөл ашиглан симплексарга, матрицаар тооцох аргачлалыг судлана. Түүнчлэн, эрсдэлийн удирдлагын бодлого, загвар, удирдлагын бүтэц, зохион байгуулалт, онол, арга зүйн үндсийг судлана. Байгууллагын болон үйлдвэрийн газрын эрсдэлийн ангилал, санхүүгийн байгууллагын эрсдэлийн ангилал, эрсдэлийн муж, болзошгүй алдагдал, эрсдэлийн загвар зохиох аргыг авч үзнэ.
Эрсдэлийн удирдлага хичээлийн зорилго нь эрсдэлийн удирдлагын онол арга зүйг судлах, аж ахуйн нэгжийн болзошгүй эрсдэлийг ангилах, үнэлэх, удирдах аргыг эзэмших, аж ахуйн нэгжийн тайлан тэнцэлд үндэслэн эрсдэлийн шинжилгээ хийх, эрсдэлээс сэргийлэх арга хэмжээ авах, эрсдэлийн загвар зохиох арга зүйг эзэмшихэд оршино.
“Стратегийн ХНМ-ийн үзэл баримтлалын хүрээ” хэсэгт хүний нөөцийн менежмент, стратеги болон стратегийн ХНМ-ийн үзэл баримтлалын талаар тодорхой мэдлэг олгох болно. Харин “Стратегийн ХНМ-ийн практик” гэсэн хэсгийн хүрээнд оюутнууд байгууллагын хүний нөөцийн стратегийн үүрэг роль, ХНМ-ийн үр нөлөө, үйл ажиллагаан дахь стратегийн ХНМ болон стратегийн олон улсын ХНМ-ийн талаар суралцана. “Хүний нөөцийн стратеги” гэсэн гурав дахь хэсэгт ХН-ийн стратеги, бизнесийн инновацийн загвар, өндөр гүйцэтгэлийн стратеги, хүнийн капиталын стратеги, корпорацийн нийгмийн хариуцлагын стратеги, байгууллагын хөгжлийн стратеги, тогтоон барих стратеги, мэдлэгийн менежментийн стратеги, нөөцүүдийн стратеги, талант менежментийн стратеги, суралцах ба хөгжих стратеги, шагнал урамшууллын стратеги болон ажиллагчдын харилцааны стратегиудын талаар мэдлэг олгоно.
Байгууллагын хүний нөөцийг стратегийн байр сууринаас үнэлж бизнесийн стратегитэй холбон удирдах, ингэснээр байгууллага урт удаан хугацаанд амжилттай оршин тогтнох, өрсөлдөөний давуу талаа бэхжүүлэхэд хүний нөөцийн стратегийн онол, арга хандлагуудыг эзэмших.
:Байгууллага дахь стратегийн менежментийн үйл явц, үндсэн алхамууд, стратегийн менежмент дэх уламжлалт болон шинэлэг хандлагууд, глобалчилал ба инновиацийн нөлөө;өрсөлдөөний буюу салбарын орчны шинжилгээ хийх арга зүй; байгууллагын нөөц, нөөцийг ашиглах чадвар, өвөрмөгц бүтээх чадвар, өрсөлдөөний үндсэн элементүүд, өрсөлдөөний давуу тал; өрсөлдөх чадвар ба стратеги, бизнесийн түвшний буюу өрсөлдөөний ерөнхий стратегийн хувилбаруудыг боловсруулах, сонгох, стратегийн төлөвлөгөө боловсруулах арга техникүүд; стратегийн хэрэгжилтийг хангах механизмууд: зохион байгуулалтын бүтцийн дизайн, компанийн засаглалын үүрэг нөлөө, стратегийн манлайлал, байгууллагын соёл, хүний нөөцийн удирдлага;стратегийн хяналт, өөрчлөлт, өөрчлөлтийн хүчин зүйлүүд, байгууллагын инерц, байгууллага дахь улс төржилт, зөрчил, түүнийг шийдвэрлэх болон өөрчлөлт хийх арга замууд зэргийг судлана.
Байгууллагын хөгжлийн стратегийг боловсруулах, түүний хэрэгжилтийг зохион байгуулах, хянах онол арга зүйн мэдлэг эзэмшин, стратегийн шинжилгээ хийх, стратегийн төлөвлөгөө боловсруулах, хэрэгжилтийг зохион байгуулах, хянах үйл явцад өөрийн байгууллага дахь үүрэг хариуцлагын хүрээнд бусад оролцогч талуудтай үр дүнтэй хамтран ажиллах чадвар эзэмшинэ
Энэхүү хичээлээр онол, практикийн өргөн хүрээний асуудлуудыг хамарч судлах бөгөөд хичээлийн эхний хэсэгт оюутнуудад онолыг олон улсын худалдааны сонгодог болон альтернатив онолуудад тулгуурлан заана. Хичээлийн хоёр дахь хэсэгт либераль болон хамгаалах бодлогуудыг оролцуулан худалдааны бодлогыг судалж, тэдгээрийн эдийн засгийн өсөлт, орлогын хуваарилалт, эдийн засгийн хөгжилд үзүүлэх нөлөөлөлтэй танилцана. Хичээлийн гурав дахь хэсэг даяаршин буй дэлхий ертөнц дэх тодорхой пүүсийн олон улсын худалдааны үйл ажиллагааг хамарна. Харин дөрөв дэх хэсэгт ХТЕХ/ДХБ-ын гэрээ хэлэлцээрүүдийг оролцуулан орчин үеийн олон улсын худалдааг зохицуулж буй худалдааны олон талт зохицуулалт, түүний арга хэрэгслүүдийг судална.
Даяаршин буй ертөнцөд бизнесийн гараагаа эхлэх гэж буй ирээдүйн мэргэжилтнүүдэд олон улсын худалдааны талаарх онол, практикийн мэдлэгийг олгож, олон улсын худалдаа, гадаад зах зээлийн орчинд явагдаж буй аливаа үйл ажиллагаа, өөрчлөлтийг шинжлэх ухааны үндэслэлтэйгээр ойлгож мэдрэх, гарч буй өөрчлөлтийг өөрийн эрхэлж ажил хэрэгт тусган ашиглах чадварыг эзэмшүүлэхэд энэхүү хичээлийн гол зорилго оршино.
Тухайн хичээлээр нийгмийн хамгааллын тогтолцооны чиг үүрэг, төрөл, нийгмийн хамгааллын олон улсын хэм нэмжээ, нийгмийн даатгалын эдийн засгийн агуулга, нийгмийн даатгалын хэлбэр, хамрах хүрээ, түүний хүчин зүйлүүд, нийгмийн даатгалын шимтгэл ба санхгийн бүрдүүлэлт, хуваарилалт, менежментийн асуудлууд, тэтгэврийн даатгалын тогтолцооны загварууд, тэтгэврийн даатгалын хуваарилалтын ба хуримтлалын аргууд, тэтгэврийн даатгалын өнөөгийн байдал, тулгамдсан асуудлууд, тэтгэвэр тооцох аргууд, тэтгэврийн шинэчлэлийн асуудал, тэтгэмжийн даатгалын төрлүүд, тэтгэмж тооцох аргууд, үйлдвэрлэлийн осол, мэргэжлээс шалтгаалах өвчний даатгал, ажилгүйдлийн даатгалын арга зүйн асуудлууд болон эрүүл мэндийн даатгал ба өвчлөлийн эрсдлийн хамгаалал, эрүүл мэндийн даатгалын өнөөгийн байдал, тулгамдсан асуудлууд, эрүүл мэндийн даатгалын шинэчлэлийн асуудлууд, эрүүл мэндийн даатгалын олон улсын туршлагыг судална.
Даатгалын мэргэжлээр суралцаж буй оюутнууд сонгон суралцах ба нийгмийн даатгалын тогтолцоо, нийгмийн даатгалын сангуудын бүрдэлт, хуваарилалт, менежментийн асуудлыг онол, арга зүйн түвшинд судалж, нийгмийн даатгалын үйл ажиллагааг удирдах, зохион байгуулах, хэрэгжүүлэх арга барилыг эзэмшүүлэхэд оршино.
Маркетингийн үндэс хичээлийн агуулга нь бизнесийн удирдлагаар суралцагч оюутнуудын заавал үзэх суурь хичээл учраас маркетингийн үндсэн ойлголт, ухагдахуунууд болон маркетингийн орчин,маркетингийн судалгаа, төлөвлөгөөг боловсруулах арга аргачлал, зорилтот зах зээлийн сегментчилэл, хэрэглэгчийн болон байгууллагын зан төлөв, маркетингийниж бүрдэл, (бүтээгдэхүүн, үнэ, хуваарилалтын суваг, сурталчилгаа, урамшуулал) зэрэг бүлэг сэдвүүдийн хүрээнд багтаана
Маркетингийн үндэс хичээл нь оюутанд хувь хэрэглэгч /Business to Consumer/, байгууллага /Business to Вusiness/ аль алиных нь хувьд олон янзын бараа, үйлчилгээний маркетинг, борлуулалтын асуудлын талаар гүнзгий ойлголт өгөхөд оршино. Байгууллагад маркетингийн соёлыг төлөвшүүлэх арга барилыг эзэмших нь хичээлийн нэг том зорилго байх болно Маркетингийн холбогдох онол болон ойлголтуудыг судлах нь онол, практикийн хоорондын уялдааг хангаж, онолын загвар, аргачлалуудыг практикт хэрэгжүүлэх боломжийг эрж хайх чадварыг суралцагчдад олгох ач холбогдолтой.
Даатгалын агуулга, зорилго, үүсэл хөгжил, үндсэн элементүүд, даатгалын зах зээл, түүний бүтэц, оролцогч субъектууд, арилжааны даатгалын тогтолцоо, үйл ажиллагааны зарчмууд, амьдралын ба амьдралын бус даатгалын агуулга, зорилго,гэрээний хэлбэрүүд, даатгалын хураамж болон нөхөн төлбөр тооцох аргууд, давхар даатгалын үйл ажиллагааны онцлог, гэрээний хэлбэрүүд, гэрээ байгуулах аргууд, нийгмийн даатгалын тогтолцоо, нийгмийн даатгалын сангуудын бүрдэлт, хуваарилалтын асуудлуудыг судална.
Санхүү, банкны мэргэжил эзэмшиж байгаа оюутнуудад даатгалын суурь мэдлэг олгох Арилжааны болон нийгмийн даатгалын үйл ажиллагаа, тэдгээрийн удирдлага, зохион байгуулалттай танилцах Даатгалын зах зээлийн асуудлыг олон улсын болон өөрийн орны түвшинд судлах
Бизнесийн харилцаа ба ур чадвар хичээл нь суралцагчийн харилцааны асуудалд стратеги сэтгэлгээгээр хандахад чиглэж менежерийг бэлтгэх үүднээс суралцагчийн бичих, илтгэх, хүмүүс хоорондын харилцааны ур чадварыг дээшлүүлэхэд чиглэсэн болно. Хичээлээр судалгаа, бодит амьдралын жишээн дээр тулгуурлаж суралцагч харилцааны ур чадвараа хөгжүүлэх, дээшлүүлэх, өөрийгөө үнэлэх, сайжруулах боломжийг олгоно. Хичээл онолын хэсэг, семинарын хичээлээс бүрдэх ба ихэнхдээ ярилцлага, хэлэлцүүлэг, янз бүрийн дасгалд суурилсан байна.
Тус хичээлийг судласнаар төгсөгч харилцааны асуудалд стратеги сэтгэлгээгээр хандаж менежер хүний заавал эзэмшвэл зохих бичих, илтгэх, хүмүүс хоорондын харилцааны онол, практикийн асуудлыг судалж үйл ажиллагаандаа шууд хэрэгжүүлэх ур чадварыг эзэмшинэ.
Энэ хичээлээр бизнесийн мэдээллийн системийн үндсэн ойлголттой танилцана. Бизнесийн мэдээллийн системийг тодорхойлж түүний ач холбогдлыг тайлбарлана. Бизнесийн мэдээллийн системийн байгууллагад гүйцэтгэх үүргийг авч үзнэ.Мөн бизнесийн мэдээллийн системийн зохион байгуулалтын үндсийг авч үзэхдээ түүний үндсэн ажилбарууд, нөөцүүд болон архитектурыг судлахаас гадна OLTP, OLAP технологиудтай танилцана. Бизнесийн мэдээллийн системийн технологийн үндсийг судлах хүрээнд түүний техник хангамж, програм хангамж, мэдээллийн бааз ба хуваарилагдсан мэдээллийн баазын систем, өгөгдлийн агуулах (data warehouse), өгөгдлийн олборлолт (data mining) интернет технологи, мобайл технологи, үүлэн(cloud) технологиудыг авч үзнэ.Байгууллагын мэдээллийн системийн хүрээнд бизнесийн мэдээллийн системийн төрлүүд, үүндMIS, TPS, HRIS,CRMS, SCHMS болон OLAP системүүд, Экспертын систем (ES), Мэдлэг удирдах систем (KMIS), Шийдвэр дэмжих системүүд (DSS)-ийн үндсийг судална. Бизнес интеллиженс (BI), интеграл системүүд болох Байгууллагын нөөц төлөвлөлтийн систем (ERP)болон хамтын ажиллагааны системийн үндсэн ойлголтыг судлана.Мэдээллийн системийг хөгжүүлэх арга зүйг авч үзэхдээ мэдээллийн системийг хөгжүүлэх хэрэгцээ шаардлага, арга хандлагууд, систем хөгжүүлэх амьдралын цикл, мэдээллийн системийг шинжлэх, загварчлах арга хэрэгслүүд, БМС-ийн төсөл боловсруулах арга зүй, БМС-ийн төлөвлөлт ба нэвтрүүлэлт, нээлттэй технологи, системүүд (Open source)-ийн үндёсэн ойлолтуудыг судална.Эцэст нь бизнесийн мэдээллийн системийг удирдах арга зүйг судлахдаа мета мэдээллийн систем, мэдээллийн системийн стандартчлал, кодчилол болон бизнесийн мэдээллийн систем ба ёс зүй, аюулгүй байдал, мэдээлэл хамгаалах стандартуудыг тайлбарлан үзнэ.
Энэ хичээлээр оюутнуудад бизнесийн мэдээллийн системийн талаар суурь мэдлэг олгож, орчин үеийн бизнесийн мэдээллийн системийн хөгжил, ёс зүй, мэдээллийн аюулгүй байдал, бизнесийн мэдээллийн системийг хөгжүүлэх шинэ технологиудыг танилцуулна.
Ердийн болон урт хугацааны даатгалын гэрээний эрх зүйн онцлогууд, даатгалын андеррайтингийн хүчин зүйлс,амьдралын болон амьдралын бус даатгалын үндсэн төрлүүд, стандарт амьдралын даатгалын гэрээний заалтууд, бичил болон банкны даатгалын онцлог, загваруудыг судална.
Арилжааны даатгалын тулгуур зарчмууд, тэдгээрээс урган гарах эрх зүйн үндэс болон ердийн болон амьдралын даатгалын үндсэн бүтээгдэхүүнүүдийн онцлогийг судлахад оршино.
