Бидний тухай
Багш ажилтан
Хөрөнгө, санхүүгийн эрх, бизнесийн үнэ цэнийг бодитойгоор тодорхойлох хэрэгцээ, шаардлага, үнэлгээнд баримтлах үндсэн зарчмууд, үнэлгээнд нөлөөлөх нийтлэг болон тусгайлсан хүчин зүйлүүд. Үнэлгээний урьдчилсан шинжилгээ дүгнэлт таамаглал, үнэлгээний онол, арга зүйн үндэс, цаг хугацааны болон эрсдэлийн хүчин зүйл, үнэлгээнд хэрэглэгддэг өртгийн, ирээдүйн хүлээгдэж буй орлогын болон зах зээлийн жишиг үнийн хандлагууд, тэдгээртэй холбоотой өвөрмөц арга аргачлалуудыг судална.
Хөрөнгийн үнэлгээ, үнэлэх зүйлийн талаар болон үнэлгээний зарим, эрх зүйн зохицуулалтын асуудлаар суурь мэдлэгийг эзэмшин, хөрөнгийн үнэлгээний онол, арга зүйг судална. Хөрөнгийн үнэ цэнийг ҮОУС болон үндэсний мөрдөгдөж буй аргачлал журмын дагуу бодитойгоор үнэлэх дадлага чадварыг эзэмшинэ.
Олонлог, түүн дээр хийх үйлдлүүд, функц, тоон дараалал ба дарааллын хязгаар, функцийн хязгаар ба тасралтгүй чанар, функцийн уламжлал ба дифференциал,тэдгээрийн хэрэглээ, дифференциал тооллын үндсэн теоремууд, функцийн экстремум,функцийн асимптот, функцийг шинжилж графикийг байгуулах, эх функц, тодорхой биш интеграл ба түүний чанарууд, төрөл бүрийн тодорхой биш интегралыг бодох аргууд, тодорхой интегралын тодорхойлолт, тодорхой интегралыг бодох Ньютон-Лейбницийн томъёо, тодорхой интегралын хэрэглээ, тодорхой интегралыг ойролцоогоор бодох, тоон цуваа, математикийн бусад салбар дахь хэрэглээ
Энэхүү хичээл нь инженер, эдийн засаг болон хэрэглээний шинжлэх ухааны салбарт суралцаж амжилт гаргахад шаардагдах математикийн суурь мэдлэгийн үндсийг тавих, математик сэтгэлгээг хөгжүүлэх зорилготой. Хичээлээр ерөнхий боловсролын сургуульд товч, томъёогоор голдуу үздэг нэг хувьсагчийн функцийн дифференциал болон интеграл тооллын элемент, ойлголтуудыг илүү дэлгэрүүлж өргөтгөн, хоорондын уялдаа холбоог илүү тодруулж, онолын тодорхой түвшинд нарийвчилсан байдлаар, практикийн хэрэглээний олон жишээний хамтаар үзэх болно.
Менежментийн үндэс хичээлийн “Байгууллага ба менежмент” бүлэгт байгууллага, түүний шинжүүд, орчин, соёл, тэдгээрийн менежерийн үйл ажиллагаанд үзүүлэх нөлөө, менежментийн үндсэн чиг үүргүүд, менежментийн түвшингүүд, менежерийн үүрэг, менежерийн ур чадвар, тэдгээрийн уялдаа холбоо, менежментийн шинжлэх ухааны үүсэл хөгжлийг судална. Менежментийн үндсэн чиг үүргүүдийн нэг болох төлөвлөлтийн хүрээнд зорилго стратегийг тодорхойлох, төлөвлөх, шийдвэр гаргах үйл явц, үе шат, арга хэрэгслүүд, төлөвлөлтөнд нөлөөлж буй орчин үеийн тулгамдсан асуудлуудыг судална. Зохион байгуулах гэсэн чиг үүргийн хүрээнд байгууллагын зохион байгуулалтын бүтцийн үндсэн элементүүд, хэлбэрүүд, баг бүлгийг удирдах арга зүй, хүний нөөцийг удирдах үйл явц, хэрэгцээ шаардлага, ач холбогдол зэргийг судална. Манлайллыг хангах хүрээнд манлайллын онол загварууд, манлайллын тор, манлайлагчийн шинжүүд, менежер баманлайлагчийн ялгаа ба нэгдэл; хүний нөөцийг идэвхжүүлэх онол, арга хэрэгсүүд; менежментийн харилцаа, харилцааны үйл явц дахь оролцогчид, харилцааны төрлүүд, аргууд, харилцааны саад, түүнийг даван туулах хэрэгслүүд зэргийг судална. Хяналтын чиг үүргийн хүрээнд хяналтийн үйл явц, үе шатууд; хяналтын төрлүүд; хяналтанд ашиглагдах мэдээлэл, тэдгээрийн эх үүсвэр, менежментийн мэдээллийн системийн хэрэгцээ шаардлагыг судална.
Тодорхой зорилгыг биелүүлэхийн тулд хамтран ажиллаж байгаа хүмүүсийн үйл ажиллагааг төлөвлөх, зохион байгуулах, манлайлах, хянах хэрэгцээ шаардлага, онол, арга зүйг ойлгох, эзэмшүүлэхэд чиглэнэ.
Орчин үе ба маркетингийн үзэл баримтлал. Маркетингийн хүрээ тэлэн өргөжиж буй бодит үйл явц. Хэрэглэгчид төвлөрсөн маркетингийн концепц. Хэрэглэгчид төвлөрсөн бизнесийг зайлшгүй бий болгох нийгмийн шаардлага. Маркетингийн стратегиуд. Компаниудын ялгаатай стратеги хэрэгжүүлэх шаардлага. Маркетингийн судалгаа, түүний хэрэгцээ шаардлага. Байгууллагын гурван түвшний маркетингийн төлөвлөлтийн арга зүй, ялгаа. Зах зээлийн таамаглал хийх арга зүй. Өрсөлдөөний судалгааны аргууд. Хэрэглэгчийн болон байгууллагын зах зээлийнхэсэгчлэл, зорилтот зах зээлийн сонголт,бүтээгдэхүүний хоногшилтын стратегиуд. Бүтээгдэхүүн, үйлчилгээний концепц, брэндийн бодлого. Бүтээгдэхүүний үнийн шийдвэр гаргалт. Хуваарилалтын сувгийн орчин үеийн хандлагууд. Нэгдмэл маркетингийн харилцаа холбоо. Идэвхижүүлэлтийн үр дүнг хэмжих арга зүй. Маркетингийн албанысонголт ба зах зээл баримжаалсан компани бий болгох стратегиуд. Маркетингийн удирдлагын хэрэгжилт, үнэлэлт ба хяналт.
Байгууллагын бүх түвшинд маркетингийн орчин нөхцөлд тохирсон бодлого дэвшүүлж хэрэгжүүлэх стратегийг оновчтой тодорхойлоход тухайн хичээлийн зорилго оршино. Энэхүү зорилгыг хангахын тулд дараах конпетенц буюу чадамжийг магистрт эзэмшүүлнэ. Академик компетенц: • Маркетингийн онолын шилдэг бүтээлүүдийн орчин үеийн ялгаатай үзэл баримтлал, зарчмуудад харьцуулалт хийх, үнэлэх чадвар • Маркетингийн удирдлагын дээд, дунд түвшний нөхцөл байдалд тохирсон бодлогуудыг судалгаанд үндэслэн тодорхойлох, хэрэгжүүлэх оновчтой стратегиудыг сонгох чадвар • Байгууллагын ерөнхий стратегийг хангахуйц зорилтот зах зээлийг оновчтой сонгох, үнэлэх чадвар • Бизнесийн нарийн төвөгтэй, мэдээллээр хомс өнөөгийн бодит орчинд зорилтот зах зээлд тохирсон маркетингийн хольцын шийдвэр гаргах чадвар г.м. Судалгааны компетенц: • Зах зээлийн судалгааны асуудал боловсруулах, таамаглал дэвшүүлэх, харьцуулсансудалгааанализхийх чадвар • Байгууллагын нөхцөл байдлын болон тоон, чанарын судалгааг нарийн дэс дараатай хийж, дүгнэн боловсруулах чадвар • Өрсөлдөгчийн судалгааны арга зүй эзэмшин ашиглах чадвар Ерөнхий компетенц: • Мэргэжлийн болон судлаачийн ёс зүйтэй, хариуцлагатай байх чадвар • Багаар ажиллах, гадаад хэлний мэдлэгтэй байх болон харилцааны чадвар эзэмших • Маркетингийн аливаа асуудлыг шийдвэрлэх гарцыг олох
Манлайлал хичээлээр манлайллын хэлбэрүүд, үр дүнтэй харилцаанд нөлөөлдөг хүчин зүйлс; Шийдвэр гаргах, баг бүрдүүлэх болон коачинг хийхэд манлайлагчийн үүрэг; Манлайлагчийн эрх мэдэл, менежер болон манлайлагчийн ялгаа; Сэдэлжүүлэлтийн онолын практик хэрэглээ, өөрчлөлтийн удирдлага, манлайлагчийн зан төлөв болон ёс зүй зэргийг судална.
Манлайлал нь олон хэсгээс бүрдсэн амаргүй үйл явц байдаг бөгөөд байгууллагын ажилчдын ажлын гүйцэтгэл, үр дүнд нөлөөлж байдаг. Аливаа хүний итгэл үнэмшил, ёсзүй, мэдлэг, ур чадвар зэрэгт нөлөөлөх, өөрчлөх замаар тэдний манлайлах ур чадварыг хөгжүүлэх боломжтой байдаг. Манлайлал хичээлийн үндсэн зорилго нь манлайллын талаарх үндсэн ойлголтуудыг өгөх, амжилттай манлайлагч байхын тулд ямар ямар ур чадваруудыг эзэмших болон манлайлал нь байгууллагын үйл ажиллагааны үр ашигт хэрхэн нөлөөлж болохыг судлахад оршино.
Биеийн ерөнхий хөгжилт олгох хичээл Оюутнуудыг бие бялдрын боловсрол олгох онол арга зүйн үндэстэй танилцуулах, б/т-ын дасгал хөдөлгөөн, спортын төрлүүдээр тогтмол хичээллэхэд татан оролцуулах, ажлын болон ахуйн нөхцөлд дасгал хөдөлгөөнийг ашиглах чадвар, дадал олгох, уралдаан тэмцээн зохион байгуулах дүрмийн талаар мэдлэгтэй болгох, бие бялдрын түвшинг тогтоож, тодорхой хэмжээгээр түвшинг нь ахиулахад чиглэгдсэн агуулгатай хичээл юм Волейбол (Volleyball) Волейболын спортын түүх, техникийн үндэсүүдийг судлах, тоног төхөөрөмж, хэрэглэл материал, шүүгчийн дохио заалтын талаар үндсэн мэдлэг эзэмшүүлэх, бие бялдрын ерөнхий ба тусгай бэлтгэлжилт олгох, волейболын техник элементийг задлан шинжилж техник задаргаа хийх, сонгомол болон дуураймал дөхүүлэх дасгалуудыг зөв гүйцэтгэх улмаар бие бялдрын хөгжилтийн түвшинг сайжруулна. Сагсан бөмбөг (Basketball) Сагсан бөмбөгийн спортын үүсэл хөгжил, дасгалуудын мөн чанар, ач холбогдол, техник тактикийн хувилбарууд, уралдаан тэмцээн зохион байгуулах, шүүх үйл ажиллагааг ашиглах чадвартай болох онолын мэдэгдэхүүн олгох, сагсан бөмбөгийн техник элементийг эзэмшүүлэх, тэдний бие бялдрын чанаруудыг ерөнхий болон тусгай дасгалуудаар хөгжүүлэх, тодорхой төвшинд тохирсон цагаар мэдлэг чадвар олгох түүнийг үнэлэх үнэлгээг тодорхойлсон агуулгатай хичээл юм. ХИЧЭЭЛЭЭР ЭЗЭМШИХ МЭДЛЭГ, ЧАДВАР, ДАДАЛ: Биеийн ерөнхий хөгжил олгох хичээл Зайлшгүй эзэмшвэл зохих мэдлэг: • Спортын тодорхой төрлүүдийн /гимнастик, хөнгөн атлетик, спорт тоглоом/ тухай онол арга зүйн мэдлэг олгох • Бие бялдраа хөгжүүлэх, эрүүл амьдрах ухаанд суралцах, гэмтэл бэртлээс урьдчилан сэргийлэх тухай онолын мэдлэг олгох • Дасгал хөдөлгөөний ач холбогдлын тухай онолын мэдлэг эзэмшүүлэх Зайлшгүй эзэмшвэл зохих чадвар: • Оюутнуудын биеийн ерөнхий болон тусгай ажиллах чадварыг дээшлүүлэх • Гүйлтийн сонгомол дасгалуудыг зөв хийж гүйцэтгэх чадвар эзэмшүүлэх • Оюутнуудын бие бялдрын түвшинг тогтоон судалж түвшинг нь дээшлүүлэх • Спорт тоглоомын төрлүүдийн /сагсан бөмбөг, волейбол, ширээний теннис/ үндсэн техник элементүүдийг зааж сургах Волейбол Зайлшгүй эзэмшвэл зохих мэдлэг: • Волейболын түүх, техник үндэсүүдийг судлах, тоног төхөөрөмж хэрэглэл материал • Шүүгчийн дохио заалт талбайн хэмжээн талаар мэдлэг эзэмшүүлэх • Үндсэн техникийн талаар онолын мэдлэг олгох • Спортын гэмтэл бэртлээс урьдчилан сэргийлэх арга зам Зайлшгүй эзэмшвэл зохих чадвар: • Үндсэн техник элементийг задлан, техник задаргаа хийх • Сонгомол, дуураймал, дөхүүлэх дасгалуудыг биеэр зөв гүйцэтгэх чадвартай болгох • Бие бялдрын тусгай бэлтгэл олгох • Бие бялдрын түвшинг сайжруулах Сагсан бөмбөг Зайлшгүй эзэмшвэл зохих мэдлэг: • Сагсан бөмбөгийн спортын түүх, техник үндэсүүдийг судлан онолын мэдлэг олгох • Шүүлт дүрмийн талаар мэдлэг олгох • Тоглолтын техникийн талаар мэдлэг эзэмшүүлэх • Спортын гэмтэл бэртлээс урьдчилан сэргийлэх арга зам Зайлшгүй эзэмшвэл зохих чадвар: • Үндсэн техник элементүүдийг зөв хийж гүйцэтгэх чадвар эзэмшүүлэх • Бие бялдрын чанаруудыг ерөнхий болон тусгай дасгалуудаар хөгжүүлэх • Тоглолтын техник эзэмшүүлэх Явган аялал Зайлшгүй эзэмшвэл зохих мэдлэг: • Явган аялал гэж юу вэ? Түүний тухай ойлголт өгөх • Явган аялалын төрөл • Явган аялах соёл • Явган аялах бэлтгэлийн тухай \аяны хэрэгсэл\ • Монгол орноор аялахад хамгийн тохиромжтой газруудын тухай онолын мэдэгдэхүүн олгоно. Зайлшгүй эзэмшвэл зохих чадвар: • Аялал гэж юу болох ямар үр дүнтэй болох талаар ойлголттой болгох • Маршрутын дагуу газрын зураг, луужин дээр ажиллах чадвар олгох • Монгол орны байгалийн үзэсгэлэнт газруудын тухай танин мэдэхүйн ойлголт өгөх • Явган аялахад зайлшгүй хэрэгтэй аяны хайрцгыг бэлтгэх чадвартай болгох • Аялах хэв маяг, тэдгээрт тохирсон уралдаан тэмцээн зохион байгуулах талаар анхан шатны суурь мэдлэгтэй болж түүнийгээ цаашид улам баяжуулан суралцах чадвар эзэмшүүлнэ.
Оюутнуудад спорт, олимпизмын онолын мэдэгдэхүүн олгож, амьдралд зайлшгүй шаардлагатай хөдөлгөөний чадвар, дадал, эрүүл аж төрөх ёсны хэв маягыг төлөвшүүлэн, тэдний биеийн чанаруудыг хөгжүүлж улмаар спортын тодорхой төрлүүдээр уралдаан тэмцээнд оролцох, зохион байгуулах чадвар олгоно. Ач холбогдол: • Спорт олимпизмийн талаархи онолын мэдэгдэхүүнтэй болох • Амьдралд зайлшгүй шаардлагатай хөдөлгөөний чадвар дадлыг эзэмших • Хурд, хүч, тэсвэр, авхаалж самбаа, уян чанараа хөгжүүлэх • Спортын тодорхой төрлүүдээр тэмцээн уралдаанд оролцох • Бие хүний хөгжил төлөвшилд онцгой нөлөө бүхий багаар ажиллах, бусдыг сонсох, амжилтын төлөө өөрийгөө дайчлах, бусдад урам хайрлах, манлайлах, гаргасан алдаандаа дүгнэлт хийх зэрэг чухал чадваруудыг эзэмших хэрэгцээ шаардлагын үүднээс суралцагчид сонгох болно.
