Бидний тухай
Багш ажилтан
Хичээл нь зайлшгүй шаардлагатай лекц, илтгэл, хэлэлцүүлэг, суралцах жишээ, бие даах ажлын зохистой хослолоос бүрдэнэ. Хичээлийн лекцийн хүрээнд борлуулалт, хуваарилалтын сувгийн удирдлагын үндсэн ойлголтууд, сувгийн гишүүдийн гүйцэтгэх үүрэг, онцлог, хуваарилалтын үйл ажиллагаанд нөлөөлөх хүчин зүйлс, сувгийн дизайны удирдлага, хуваарилалтын сувгийн стратеги, зохицуулалт, сувгийн бүтцийг бүрдүүлэх, хуваарилалтын сувагт ложистик чухал болох нь, сувгийн удирдлага дахь хууль эрх зүйн эх үүсвэрүүд зэрэг асуудлыг судлана. Хичээлийн явцын оюутнуудын бэлтгэсэн сэдвээр хэлэлцүүлэг өрнүүлэх ба энэ нь тухайн хичээлийн чухал бүрэлдэхүүн хэсэг байх болно.
Орчин үед хуваарилалтын сувгийн үйл ажиллагааг интеграцчилсан ложистик сүлжээний хүрээнд удирдаж шийдвэрлэх болсны зэрэгцээ ажил олгогчдын зүгээсмаркетингийн сувгийн үйл ажиллагааг цогц байдлаар удирдаж зохион байгуулах чадварыг маркетинг, борлуулалтын менежер, судлаачдаас шаардах болсон. Ийм нөхцөлд бизнесийн удирдлагын чиглэлээр мэргэшин суралцаж байгаа магистрын оюутнуудад тухайн хичээлийг судлахшаардлага хэрэгцээ зайлшгүй гарч байна. Уг хичээлийн зорилго нь бараа, үйлчилгээний борлуулалтын үйл ажиллагааг оновчтой удирдах, маркетингийн хуваарилалтын сувгийн хүрээнд шийдвэр гаргахтай холбоотой дараах компетенциудыг оюутанд эзэмшүүлэхэд оршино.
Хөрөнгө, санхүүгийн эрх, бизнесийн үнэ цэнийг бодитойгоор тодорхойлох хэрэгцээ, шаардлага, үнэлгээнд баримтлах үндсэн зарчмууд, үнэлгээнд нөлөөлөх нийтлэг болон тусгайлсан хүчин зүйлүүд. Үнэлгээний урьдчилсан шинжилгээ дүгнэлт таамаглал, үнэлгээний онол, арга зүйн үндэс, цаг хугацааны болон эрсдэлийн хүчин зүйл, үнэлгээнд хэрэглэгддэг өртгийн, ирээдүйн хүлээгдэж буй орлогын болон зах зээлийн жишиг үнийн хандлагууд, тэдгээртэй холбоотой өвөрмөц арга аргачлалуудыг судална.
Хөрөнгийн үнэлгээ, үнэлэх зүйлийн талаар болон үнэлгээний зарим, эрх зүйн зохицуулалтын асуудлаар суурь мэдлэгийг эзэмшин, хөрөнгийн үнэлгээний онол, арга зүйг судална. Хөрөнгийн үнэ цэнийг ҮОУС болон үндэсний мөрдөгдөж буй аргачлал журмын дагуу бодитойгоор үнэлэх дадлага чадварыг эзэмшинэ.
“Стратегийн ХНМ-ийн үзэл баримтлалын хүрээ” хэсэгт хүний нөөцийн менежмент, стратеги болон стратегийн ХНМ-ийн үзэл баримтлалын талаар тодорхой мэдлэг олгох болно. Харин “Стратегийн ХНМ-ийн практик” гэсэн хэсгийн хүрээнд оюутнууд байгууллагын хүний нөөцийн стратегийн үүрэг роль, ХНМ-ийн үр нөлөө, үйл ажиллагаан дахь стратегийн ХНМ болон стратегийн олон улсын ХНМ-ийн талаар суралцана. “Хүний нөөцийн стратеги” гэсэн гурав дахь хэсэгт ХН-ийн стратеги, бизнесийн инновацийн загвар, өндөр гүйцэтгэлийн стратеги, хүнийн капиталын стратеги, корпорацийн нийгмийн хариуцлагын стратеги, байгууллагын хөгжлийн стратеги, тогтоон барих стратеги, мэдлэгийн менежментийн стратеги, нөөцүүдийн стратеги, талант менежментийн стратеги, суралцах ба хөгжих стратеги, шагнал урамшууллын стратеги болон ажиллагчдын харилцааны стратегиудын талаар мэдлэг олгоно.
Байгууллагын хүний нөөцийг стратегийн байр сууринаас үнэлж бизнесийн стратегитэй холбон удирдах, ингэснээр байгууллага урт удаан хугацаанд амжилттай оршин тогтнох, өрсөлдөөний давуу талаа бэхжүүлэхэд хүний нөөцийн стратегийн онол, арга хандлагуудыг эзэмших.
Уг хичээл нь олон улсын бизнесийн хөгжлийн төлөв байдал, хандлага, олон улсын бизнесийн орчин, Олон улсын маркетингийн удирдлагын асуудал гэсэн хэсгүүдээс бүрдэнэ. Олон улсын бизнесийн хөгжил: олон улсын бизнес, түүний хөгжлийн үе шатууд, үзэл баримтлал, глобалчилалын эрин үе дэх олон улсын бизнесийн хөгжил; Олон улсын бизнесийн орчин: соёлын, нийгмийн, хүн ам зүйн, шинжлэх ухаан технологийн, эдийн засаг санхүүгийн, улс төр эрх зүйн орчин, тэдгээрийн хувьсал өөрчлөлт олон улсын бизнест нөлөөлөх нь; Дээрхи орчны хүчин зүйлсээс хэрэглэгчдийн хэрэглээний ялгааг бий болгогч соёлын хүчин зүйлийг онцгойлон судлах: соёл гэж болох, түүний элементүүд, соёлын бэлэгдэл, институциудын онцлог, соёлын бүлэглэл, тэдгээрийн хэрэглэгчийн зан төлөв, худалдан авах шийдвэр гаргалтад нөлөөлөх нөлөөлөл, түүнээс шалтгаалж олон улсын маркетингийн бодлого стратегийн ялгаатай байдал зэргийг бодит жишээгээр тайлбарлах. Олон улсын маркетингийн удирдлагын асуудал: Олон улсын бизнесийг амжилтад хүргэх маркетингийн оновчтой стратеги, төлөвлөлт. Олон улсын зах зээлийн маркетингийн судалгаа, зах зээлийн сегментчилэл, зорилтот зах зээлд хоногшуулалт хийх онцлог. Олон улсын зах зээл дэх бүтээгдэхүүн үйлчилгээний бодлого, стратегиуд. Гадаад зах зээл дээрхи үнэ бүрдүүлэлт, үнийн ялгаатай стратегиуд. Гадаад зах зээлд гарах аргууд, тэдгээрийн онцлог шинжүүд, хуваарилалтыг сувгийн болон логистикийн үндсэн асуудлууд. Олон улсын зорилтот зах зээлийн идэвхижүүлэлтийн бодлого, стратеги зэргийг уг хичээлээр судална.
Олон улсын бизнес, маркетинг хичээлээр суралцагсдад олон улсын бизнес, маркетингийн хөгжлийн үе шатууд, глобалчилалын эрин үеийн олон улсын бизнесийн хөгжлийн өнөөгийн дүр төрх, цаашдын хандлага, гадаад зах зээл дэх бизнесийн ялгаатай өвөрмөц орчин нөхцлийн талаарх ойлголтыг бодит жишээгээр баяжуулан олгож, олон улсын маркетингийн удирдлагын цөм асуудлын талаархи мэдлэгийг олгонî.
Орчин үе ба маркетингийн үзэл баримтлал. Маркетингийн хүрээ тэлэн өргөжиж буй бодит үйл явц. Хэрэглэгчид төвлөрсөн маркетингийн концепц. Хэрэглэгчид төвлөрсөн бизнесийг зайлшгүй бий болгох нийгмийн шаардлага. Маркетингийн стратегиуд. Компаниудын ялгаатай стратеги хэрэгжүүлэх шаардлага. Маркетингийн судалгаа, түүний хэрэгцээ шаардлага. Байгууллагын гурван түвшний маркетингийн төлөвлөлтийн арга зүй, ялгаа. Зах зээлийн таамаглал хийх арга зүй. Өрсөлдөөний судалгааны аргууд. Хэрэглэгчийн болон байгууллагын зах зээлийнхэсэгчлэл, зорилтот зах зээлийн сонголт,бүтээгдэхүүний хоногшилтын стратегиуд. Бүтээгдэхүүн, үйлчилгээний концепц, брэндийн бодлого. Бүтээгдэхүүний үнийн шийдвэр гаргалт. Хуваарилалтын сувгийн орчин үеийн хандлагууд. Нэгдмэл маркетингийн харилцаа холбоо. Идэвхижүүлэлтийн үр дүнг хэмжих арга зүй. Маркетингийн албанысонголт ба зах зээл баримжаалсан компани бий болгох стратегиуд. Маркетингийн удирдлагын хэрэгжилт, үнэлэлт ба хяналт.
Байгууллагын бүх түвшинд маркетингийн орчин нөхцөлд тохирсон бодлого дэвшүүлж хэрэгжүүлэх стратегийг оновчтой тодорхойлоход тухайн хичээлийн зорилго оршино. Энэхүү зорилгыг хангахын тулд дараах конпетенц буюу чадамжийг магистрт эзэмшүүлнэ. Академик компетенц: • Маркетингийн онолын шилдэг бүтээлүүдийн орчин үеийн ялгаатай үзэл баримтлал, зарчмуудад харьцуулалт хийх, үнэлэх чадвар • Маркетингийн удирдлагын дээд, дунд түвшний нөхцөл байдалд тохирсон бодлогуудыг судалгаанд үндэслэн тодорхойлох, хэрэгжүүлэх оновчтой стратегиудыг сонгох чадвар • Байгууллагын ерөнхий стратегийг хангахуйц зорилтот зах зээлийг оновчтой сонгох, үнэлэх чадвар • Бизнесийн нарийн төвөгтэй, мэдээллээр хомс өнөөгийн бодит орчинд зорилтот зах зээлд тохирсон маркетингийн хольцын шийдвэр гаргах чадвар г.м. Судалгааны компетенц: • Зах зээлийн судалгааны асуудал боловсруулах, таамаглал дэвшүүлэх, харьцуулсансудалгааанализхийх чадвар • Байгууллагын нөхцөл байдлын болон тоон, чанарын судалгааг нарийн дэс дараатай хийж, дүгнэн боловсруулах чадвар • Өрсөлдөгчийн судалгааны арга зүй эзэмшин ашиглах чадвар Ерөнхий компетенц: • Мэргэжлийн болон судлаачийн ёс зүйтэй, хариуцлагатай байх чадвар • Багаар ажиллах, гадаад хэлний мэдлэгтэй байх болон харилцааны чадвар эзэмших • Маркетингийн аливаа асуудлыг шийдвэрлэх гарцыг олох
