Бидний тухай
Багш ажилтан
Хувь хүний худалдан авалт, хэрэглээ, хуримтлал, хөрөнгө оруулалт, санхүүжилт, эрсдлийн талаарх шийдвэрийг санхүүгийн шинжлэх ухааны үндэслэлтэй гаргахад шаардлагатай онол, арга зүйн асуудлыг авч үзнэ. Хувь хүний санхүүгийн төлөвлөлт(богино, дунд, урт хугацааны), мөнгөн хөрөнгийн удирдлага, татвар, даатгал, эрсдэл, өгөөж, хөрөнгө оруулалт, тэтгэвэрийн төлөвлөлт, өв залгамжлалын талаар судлана.
Хувь хүний санхүү нь улсын болон аж ахуйн нэгжийн санхүүтэй харьцуулахад анхдагч нь болдог. Учир нь: Нэгдүгээрт: Хувийн хөрөнгө оруулалтын шийдвэрүүд нь улсын болон аж ахуйн нэгжийн санхүүгийн үндэс суурийг бүрдүүлж, эдийн засгийн өсөлтийг дэмжих хэрэгсэл болдог. Хоёрдугаарт: Иргэдийн худалдан авах чадвар нь эдийн засаг дахь эрэлтийг тодорхойлж байдаг. Гуравдугаарт: Хувийн санхүүгийн харилцаа нь улсын болон аж ахуйн нэгжийн санхүүтэй харьцуулахад орлогын хувиарилалт, дахин хуваарилалтын бүх шатанд явагдаж байдаг. Дөрөвдүгээрт: Хувь хүний санхүү нь тухайн хүний, цаашилбал ард түмний аж амьдралын түвшинг тодорхойлох гол үзүүлэлт болдог. Иймээс хувь хүний санхүү хичээлийн зорилго нь хувийн санхүүгээ зөв төлөвлөж, удирдахад шаардлагатай онолын мэдлэг олгож, санхүүгийн оновчтой шийдвэр гаргах чадварыг эзэмшүүлсний үндсэн дээр хувь хүний хуримтлалыг нэмэгдүүлэх, тэдний сайн сайхан амьдралын нөхцөлийг бүрдүүлэх, улмаар улс орны эдийн засгийн өсөлтийг дэмжихэд оршино.
Энэ хичээлийн агуулга нь олон улсын валютын харилцааны үндэс болох дэлхийн мөнгө ба валют, валютын зах зээл, түүний оролцогчид, бүтэц, валютын бодлогын хэрэгслүүд, валютын ханш, арилжааны үндэс, валютын ханш таамаглах аргууд, олон улсын санхүүгийн харилцааны үндэс, капиталын гадагшлах урсгалын теоремууд, олон улсын санхүүгийн хөгжилт, үечлэл, онцлог, доллар, евро нэгдсэн валютын гүйцэтгэх үүрэг, байр суурь, үнэ ханш, тэдгээрийн олон улсын санхүүд нөлөөлөх нөлөөлөл, олон улсын хөгжлийн санхүүжилт, хөгжлийн санхүүжилтийн институтын тогтолцоо, олон улсын санхүүгийн байгууллагууд тэдгээрийн үйл ажиллагааны талаар дараах үндсэн бүрэлдэхүүн хэсгүүдээр авч үзнэ. Олон улсын санхүүгийн үндэс, капиталын гадагшлах урсгалын теоремууд, хөгжлийн үечлэл, олон улсын санхүү ба капиталын зах зээл бүрэлдэн тогтсон үйл явц, олон улсын санхүүгийн хөгжилт Олон улсын валют, тодорхойлолт, ангилал, валютын зохицуулалт, ханш, ханшны төрөл, валютын солилцоо болон арилжаа /арбитраж/, валютын зах зээл, түүнийоролцогчид бүтэц Валют, валютын ханш ба валютын эрэлт, экпортлогчийн валютын эрэлт ба экспортын үнэ, нэрлэсэн ба бодит ханш, форвард ханш, ханш тодорхойлох аргууд Валютын төлбөр тооцооны хэлбэрүүд, гэрээ хэлцлүүд, тэдгээрийн төрөл хэлбэр, олон улсын төлбөрийн механизм ба төлбөрийн тэнцэл Европын валютын систем, евро, еврогийн зах зээл Олон улсын хөгжлийн санхүүжилт, шилжилтийн эдийн засагтай хөгжиж буй орнуудын хөгжлийн санхүүжилт, хөгжлийн санхүүжилтийн институцын тогтолцоо, шилжилтийн эдийн засагтай хөгжиж буй орнуудын санхүүжилтэнд тавих хяналтын тогтолцоо Олон улсын санхүүгийн байгууллагууд, зорилго, бүтэц, зохион байгуулалт, санхүүгийн үйл ажиллагаа, олон улсын санхүүд гүйцэтгэх үүрэг, үзүүлэх нөлөөлөл, ач холбогдол /ОУВС, ДБ, Азийн хөгжлийн банк, бусад/.
Уг хичээлийн үндсэн зорилго нь оюутанд валютын үнэ ханшийн судалгаа дүгнэлт хийх, валютын ханш тодорхойлох аргуудыг судалж тооцон, ханшийг таамаглах чадвар эзэмшүүлж, олон улсын санхүүгийн харилцааны хөгжилт үечлэлийг судалж олон улсын валют, алтны уялдаа холбоо, үнэ ханш, өсөлт хөгжилт, европын холбоо, евро, тэдгээрийн олон улсын санхүүд үзүүлэх нөлөөлөл, олон улсын хөгжлийн санхүүжилт, институтын тогтолцоо, үйл ажиллагааны талаарх мэдлэг олгоход оршино.
Олон улсын санхүүгийн систем, олон улсын банкны үйл ажиллагаа, түүний хөгжил, олон улсын банк болон санхүүгийн хууль эрх зүйн зохицуулалт, түүний онцлог, төрлүүд, зарчмууд, олон улсын банкны стандарт, хяналт зохицуулалт, түүнд тавигдах шаардлага, олон улсад банкуудын ажиллах орчин , олон улсын зах зээл дээрх зээл, түүний онцлог шаардлага, олон улсын зах зээлээс хөрөнгө татан төвлөрүүлэх болон бусад ажилбарууд, олон улсын санхүүгийн байгууллагууд тэдгээрийн үйл ажиллагаа Энэхүү хичээлээр хөрөнгө оруулалтын банк (ХОБ) -ны бүтэц, удирдлага болон бизесийн үйл ажиллагааг судлах болно. Үүнд нэгдэлт ба нийлэлт, санхүүжилт босгох, хөрөнгө оруулах, санхүүгийн зөвлөх үйлчилгээг хамрах бөгөөд хаалттай хөрөнгө оруулалт (private equity), хедж сан, арилжааны үйл ажиллагааны талаар дэлгэрэнгүй авч үзнэ.
Олон улсын санхүүгийн систем, олон улсын банкны үйл ажиллагаа, түүний хөгжил, бүтэц зохион байгуулалт, олон улсын банкны онцлог, хөгжлийн чиг хандлага, төрлүүд, дэлхийн системд нөлөө бүхий банкууд, олон улсад банкны салбар нээх, олон улсын банкууд дотоодын зах зээлд ажиллах, тэдгээрийн хяналт зохицуулалт, санхүүгийн тайлангуудын онцлог, олон улсын төлбөр тооцооны систем, олон улсын болон засгийн газар хоорондын зээл, олон улсын зах зээл дээрээс хөрөнгө татах, онцлог, шаардлагуудтай танилцах. Цаашлаад хичээлээр хөрөнгө оруулалтын банк (ХОБ) -ны үйл ажиллагаа, удирдлага, зохицуулалттай танилцаж, ХОБ -ны бизнес хэрхэн явагддаг тухай үзнэ. Уг хичээлийг судалснаар ХОБ -ны голлох үйл ажиллагаанууд болох андерайтинг, нэгдэлт ба нийлэлт, хөрөнгийн удирдлага, арилжааны талаар мэдлэг эзэмшиж, ХОБ -ны аливаа үйл ажиллагааг эрхлэх ур чадвар, дадлыг олж авах болно.
Банкны удирдлага, зохин байгуулалтын үндэс, банкны өөрийн хөрөнгийн бүрэлдэхүүн, өөрийн хөрөнгийг хэмжих, хүрэлцээг тооцох аргачлал. Банкны хөрвөх чадвар, түүний үнэлгээний үзүүлэлтүүд. Банкны зээл, зээлийн төрөл, ангилал, банкны төрөл, ангилал, бүтээгдэхүүн үйлчилгээ, банкны активууд, түүний бүтэц, актив байршуулахад баримтлах бодлого, аргууд, активын диверсификаци, активын чанарын ойлголт, чанарын ангилал, үнэлгээ. Банкны төлбөр тооцооны систем, банкны хөрөнгийн эх үүсвэрүүд, татан төвлөрүүлсэн хөрөнгө, түүний бүрэлдэхүүн. Хадгаламж, харилцах, зээлээр татах хөрөнгө, түүнд баримтлах бодлого, эх үүсвэрийн үнэ бодлого, зээлжүүлэх аргууд, зээлийн хүү, банкны активт үнэт цаас байршуулах шаардлага, үнэт цаасны төрөл, ангилал, үнэт цаасны хямдруулалт тооцох аргачлал, Бэлэн бус төлбөр тооцооны систем. Валютын спот, форвард, своп, опшин арилжаанууд, тэдгээрийн үнэ ханшийг тооцох арга зүй. Корреспондент банкны харилцаа. Банкны үйлчилгээ, түүний нэр төрөл, уламжлалт бус шинэлэг үйлчилгээнүүд. Банкны зуучлал, үйлчилгээний (факторинг, форфейтинг, лизинг, траст болон үл хөдлөх хөрөнгийн талаарх үйлчилгээ, үнэт металлын үйл ажиллагаа, карт, телефон банк, электрон банк, интернэт банк, АТМ-н үйлчилгээ, эскроу данс гэх мэт) нэр төрлүүд тэдгээрийн мөн чанарын талаар судална.
“Банкны менежмент” хичээлийн зорилго нь арилжааны банкны зохион байгуулалтын үндэс, банкны бүтээгдэхүүн үйчилгээний төрөл, хэлбэр,банкны хөрөнгf оруулалтын ажиллагаа, санхүүгийн хэрэгслүүдээр эрсдэлээс хамгаалах аргууд, зээлдэгчийн зээлжих чадварыг үнэлэх, банкны тогтвортой найдвартай байдлыг хангах аргууд, банкны хөрөнгө түүний эх үүсвэрийг удирдахад шаардлагатай онол арга зүйн мэдлэг оюутанд эзэмшүүлэхэд оршино. Уг хичээлээр оюутны олж авсан мэдлэг, эзэмшсэн чадвар нь санхүүгийн оновчтой шийдвэр гаргаж сурах.
