Бидний тухай
Багш ажилтан
Цахилгаан цэнэг, цахилгаан дохио, цахилгаан хэлхээ, Омын хууль ба Кирхгофын хууль. Шугаман RC хэлхээ болон шүүлтүүр. Үйлдлийн өсгөгч ба түүн дээр хийсэн зарим схемүүд. p ба n-төрлийн хагас дамжуулагчид. Диод түүнийг хэрэглэх, төрөл. Биполяр транзистор, түүний хэрэглээ. Оронгийн транзистор ба хэрэглээ. Дохионы генератор. Тоон техникийн үндэс: Булийн алгебрын товч, логик функц ба түүнийг илэрхийлэх болон хэрэгжүүлэх аргууд. Үндсэн логик элементүүд. Комбинацын логик схемүүд: нэмэгч, дешифратор ба шифратор, мультиплексор ба демультиплексор. Дэс дарааллын логик схемүүд: триггер, тоолуур, регистр
Электроникийг гүнзгийрүүлэн судлахад шаардлагатай аналог болон тоон электрон хэлхээний онолын үндсийг ойлгож мэднэ. Үндсэн хялбар электрон хэлхээг лабораторид туршлагаар болон компьютер ашиглан угсарч шинж чанар үзүүлэлтүүдийг нь бие даан тодорхойлох арга барилд суралцана.
Чадлын хагас дамжуулагч түлхүүрүүд. Түлхүүрийн горимд ажиллах чадлын хувиргуур. Тогтмол гүйдлийн хүчдэл бууруулах, өсгөх болох өсгөх-бууруулах конвертерын төрөл, ажиллах зарчим. нэг болон гурван фазын инвертерийн хэлхээ, ажиллах зарчим. Чадлын электроникийн хэлхээний загварчлал болон удирдах арга. Импульсын өргөнөөр модуляцлах арга. Гүйдлийн тасалдалтгүй болон тасалдах үеийн ажиллагааны горим.
Түлхүүрийн горимд ажиллах хүчдэл хувиргуурууд, тэдгээрийн ажиллах зарчим, төрөл, хэрэглээ, онцлог шинж чанарыг танин мэдэж, хэлхээ тус бүр дэх бүрдэл хэсгийн ажиллагаа, сонголт, загварчлалын талаар мэдлэг олгоно. Чадлын электроникийн мэргэжлийн программ хангамж ашиглан хэлхээний ажиллагаанд дүн шинжилгээ хийх арга барил эзэмшинэ. PSIM программ ашиглан схемийн ажиллагааг симуляци хийж гүйцэтгэх, хэлхээний бүрдэл хэсэг нэг бүрийн ажлын горимыг тодорхойлох чадвар эзэмшинэ. Чадлын электроникийн практик хэрэглээний талаар ойлголт авна.
Инженерчлэлийн мэргэжил, сайн инженерийн шийдлүүд, инженерчлэлийн салбарууд, зохион бүтээх үйл ажиллагаа, инженерийн шийдэл, асуудал шийдвэрлэх аргууд
Энэ хичээлийн зорилго нь суралцагсдад инженерийн суурь мэдлэг, чадвар, хандлагыг төлөвшүүлнэ. Аливаа асуудалд инженерийн шийдэл дэвшүүлж, зохион бүтээх, хэрэгжүүлэх чадвар эзэмшүүлж, цаашид инженерийн мэргэжлээр суралцах эрмэлзлийг төрүүлж, чиглүүлнэ.
