Бидний тухай
Багш ажилтан
Үйлдлийн системийн зохион бүтэц зохион байгуулалт, прогцесс менежемент, процесуудын зэрэгцээ ажиллагаа болон процесс хоорондын харилцаа, үндсэн болон хиймэл санах ой, тэдгээрийн менежемент, тасалдалт түүнийг боловсруулах, процессорын ажиллагааны хувиарлалт, тѳхѳѳрѳмж менежемент, оролт/гаралт, файл систем, үйлдлийн системийн найдвартай ажиллагаа болон хамгаалалт хэрхэн хийгддэг талаар ойлголтыг авна
Үйлдлийн системийн дизайн болон үйлдлийн системийг хѳгжүүлэхэд шаардлагатай үндсэн ойлголт болон тулгардаг асуудал, алгоритмуудын талаар гүн мэдлэг олгоход энэхүү хичээлийн зорилго оршино.
Сүлжээний технологиудын суурь болон ISO –ийн OSI загварын бүх түвшин дэх протоклууд тэдгээрийн ажиллагааг судлах бөгөөд компьютерийн сүлжээний онолын мэдлэгүүдийг олж авахаас гадна практик даалгавруудыг Cisco Packet tracert програм ашиглан хийж гүйцэтгэнэ. Компьютерийн сүлжээ гэдэг нь компьютер хооронд өгөгдөл солилцох боломжийг олгодог харилцаа холбооны сүлжээ юм. Компьютерийн сүлжээнд сүлжээний төхөөрөмжүүд өгөгдөл холболтын дагуу хоорондоо өгөгдлийг дамжуулдаг. Өгөгдлийг пакет хэлбэрээр дамжуулдаг. Зангилаануудын(сүлжээний холболт) хоорондох холболтыг кабель болон утасгүй холболтыг ашиглан үүсгэдэг. Интернет бол хамгийн алдартай компьютерийн сүлжээ юм. Өгөгдлийг үүсгэх, чиглүүлэх, устгах компьютерийн сүлжээний төхөөрмжүүдийг сүлжээний зангилаа гэж нэрлэдэг. Зангилаанууд нь компьютер, утас, сервер болон сүлжээний тоног төхөөрөмж зэрэг хостыг агуулж болно. Хоёр төхөөрөмж хоорондоо шууд холбогдсон эсэхээс үл хамааран нэг төхөөрөмж нь бусад төхөөрөмжтэй мэдээлэл солилцох боломжтой үед эдгээр хоёр төхөөрөмжийг сүлжээнд холбогдсон гэж үзнэ. Компьютерийн сүлжээнүүд нь дохиог дамжуулахад ашигладаг физик орчин, сүлжээний урсгалыг зохион байгуулах сүлжээний протоколууд, сүлжээний хэмжээ, тополог болон зохион байгуулалтын чиг хандлагаараа хоорондоо ялгаатай. Ихэнх тохиолдолд физик төхөөрөмж болон кабельтай шууд холбоотой физик түвшнөөс бусад сүлжээний протокол нь илүү тодорхой эсвэл ерөнхий протоколууд дээр үечилсэн хэлбэртэй байрладаг. Мөн Packet tracer симуляцийн хэрэгсэл болон бодит төхөөрөмжүүдийг хэрхэн ашиглах талаар сурна
Компьютерийн сүлжээний суурь ухагдахуунтай танилцах, холболтын технологийн талаар мэдлэг олж авах, сүлжээний протоколуудтай танилцан, төхөөрөмжүүд дээр тохиргоо хийх дадлыг олж авах.
Компьютерт мэдээллийг дүрслэх хэлбэр, тооллын системийн тухай тэдгээр хооронд хувиргалт хийх аргууд, тооллын систем дээр хийгдэх үйлдлүүд, хоёртын кодын тухай. Микропроцессорт суурилсан компьютерийн бүтэц зохион байгуулалт, тэдгээрийн дотоод үйл ажиллагаа хэрхэн явагдаг талаар судална. Компьютерийн дотоод бүтэц, эх хавтангийн бүрэлдэхүүн хэсэг, микропроцессорын бүтэц зохион байгуулалт, үндсэн болон туслах ойн зохион байгуулалт, архитектур, үйлдлийн системийн хадгалуур дээр мэдээллийг хэрхэн логикоор зохион байгуулах тухай тус тус үзнэ. Компьютерийн системийн гол шинж хэрхэн хурдтай өөрчлөгдөж байгаа болон компьютерийн хурдад технологиос гадна компьютерийн зохион байгуулалт, архитектур хэрхэн нөлөөлж байгаа талаарх мэдлэгийг олж авна. Системийн тохируулгын технологи, системийн гүйцэтгэл ба найдвартай байдлыг тооцоолж сурна.
Компьютерт хэрэглэдэг логикийн үндсэн ойлголтыг үзсэнээр компьютерийн далд ажиллагаа, түүнд ашиглах техникийн талаарх мэдлэгийг оюутанд эзэмшүүлнэ. Компьютерийн бүтцийг судалж, ажиллах зарчим болон компьютерийн систем, архитектур гэж юу болох тэдгээрт ашигладаг функцүүд, системийн найдвартай ажиллагааг хэрхэн хангахыг нь авч үзнэ.
Бизнесийн үйл ажиллагаа (процесс) -ны илрүүлэлт, Процессыг илрүүлэлтийн аргууд, Бизнесийн үйл ажиллагааны шинжилгээ, түүний үндсэн ойлголт, Бизнесийн үйл ажиллагааг шинжлэх аргачлал, Бизнесийн шинжээчийн мэдлэг чадвар, гүйцэтгэх үүрэг, Бизнесийн үйл ажиллагаанд оролцогч талуудыг тодорхойлох, шинжлэх, Бизнесийн үйл ажиллагааг шинжлэх ажлын төлөвлөлт, удирдан зохион байгуулах, Шаардлага тодорхойлох, Шаардлага тодорхойлох аргачлал, Шаардлагын удирдлага, Байгууллагын шинжилгээ, Шаардлагын шинжилгээ, Шийдлийг үнэлэх, баталгаажуулах, Бизнесийн үйл ажиллагааны процессын диаграм
Мэдээллийн системийн инженер нь хэрэглэгчийн шаардлага, сонирхолд нийцсэн, өндөр чанартай, бүтээгдэхүүнийг Компьютерын шинжлэх ухаан, инженерийн тохирсон арга техник, технологи, аргачлал, процессыг ашиглан бүтээдэг байх шаардлагатай. Бизнесийн үйл ажиллагааны шинжилгээ нь хэрэглэгчийн шаардлагад нийцсэн системийг бүтээхэд чухал шаардлагатай үйл ажиллагаа юм. Учир нь тухайн бизнесийн үйл ажиллагаа, түүнд оролцогч талууд, тэдгээрийн хоорондох мэдээллийн урсгал, харилцаа, оролцогч талуудын үүрэг зэргийг тодорхойлолгүйгээр хэрэгцээтэй, хэрэглээтэй систем бүтээх боломжгүй юм. Бизнесийн үйл ажиллагааны шинжилгээ нь тухайн байгууллагын үйл ажиллагаанд тохирсон систем, програм хангамжийг тодорхойлохтой холбогдуулан процессыг илрүүрэх, процессуудын шинжилгээнд анхаардаг. Энэ хичээлээр мэдээллийн системийн инженер зайлшгүй мэдвэл зохих байгууллагын үйл ажиллагааны шинжилгээний суурь ойлголтыг олгох, түүнийг гүйцэтгэх аргачлал ба дүрслэлийг сурч, мэдээллийн технологийн төслийн үед хэрхэн хэрэглэх талаар авч үзнэ.
