Бидний тухай
Багш ажилтан
Матриц, түүн дээр хийх үйлдлүүд, матрицын тодорхойлогч, тодорхойлогчийг бодох аргууд, шугаман тэгшитгэлийн систем, түүнийг бодох аргууд, матрицын хувийн утга, хувийн вектор, тэдгээрийн хэрэглээ, хавтгайн аналитик геометрын үндсэн элементүүд, хоёрдугаар эрэмбийн мурийнууд, тэдгээрийн хэрэглээ, огторгуйн координатын систем, вектор, түүн дээр хийх үйлдлүүд, олонлог, түүн дээр хийх үйлдлүүд, функц, тоон дараалал ба дарааллын хязгаар, функцийн хязгаар ба тасралтгүй чанар, функцийн уламжлал ба дифференциал,тэдгээрийн хэрэглээ, дифференциал тооллын үндсэн чанарууд, функцийн экстремум,функцийг шинжилж графикийг байгуулах, эх функц, тодорхой биш интеграл ба түүний чанарууд, тодорхой биш интегралыг бодох аргууд, тодорхой интегралын тодорхойлолт, тодорхой интегралыг бодох Ньютон-Лейбницийн томъёо, тодорхой интегралын хэрэглээ, математикийн хэрэглээ
Энэхүү хичээл нь Нийгэм, хүмүүнлэг, хууль, эрх зүйн шинжлэх ухааны салбарт суралцаж амжилт гаргахад дэмжлэг болох математикийн суурь мэдлэгийн үндсийг өгөх, математик сэтгэлгээг хөгжүүлэх, математикийн гоо сайхан болон хэрэглээг таниулах зорилготой. Энэ хичээлээр ерөнхий боловсролын сургуульд үздэг нэг хувьсагчийн функцийн дифференциал болон интеграл тоолол, аналитик геометрын ойлголтуудыг дэлгэрүүлж, хоорондын уялдаа холбоог илүү тодруулж, практик хэрэглээний олон жишээний хамтаар үзнэ.
Энэ хичээлээр тооцон бодох математикийн гол аргуудын үндсэн санааг ойлгуулахын тулд тэдгээрийн математик онол ба тоон шинжилгээтэй илүү түлхүү танилцах болно. Үүнд: (1) шугаман ба шугаман бус тэгшитгэлүүд, тэгшитгэлүүдийн системийн шийдийг ойролцоогоор олох аргууд; (2) Тоон дифференциал ба интеграл; (3) Дөхөлтийн онол; (4) Фурьегийн ба Вайвлет анализ; (4) Захын нөхцөлтэй бодлогыг ойролцоогоор бодох хамгийн өргөн хэрэглэддэг ялгаварт схемийн ба Галеркиний төгсгөлөг элементийн арга зэрэг агуулгыг судлах болно.
Энэ хичээлийн зорилго нь шинжлэх ухаан, инженерийн хөтөлбөрөөр суралцаж буй оюутнуудад тэдний мэргэжлийн хүрээний судалгаа болон бодит амьдралаас гарч ирдэг тооцооллын бодлогыг хэрхэн шийдэж болох талаар танилцуулах, тоон аргын онолын үндэс, ойролцооллын аргын алдаа болон нарийвчлалын талаарх ойлголтыг өгч алдааг урьдчилан тооцоолох, үнэлэх, хянах чадварыг дээшлүүлэхэд чиглэгдсэн мэдлэгийг олгоход оршино. Энэ хичээл нь онолын, арга алгоритмын хүрээг хамарна. Энэ утгаараа цаашид математик түүнчлэн шинжлэх ухааны бусад салбарт тэр дундаа компьютерийн ухаан болон инжинерчлэл салбарт ажиллах, судалгаа хийх, сонирхон суралцах оюутнуудад программчлалын мэдлэг, чадварыг дээшлүүлэхэд чухал ач холбогдолтой.
Энэ хичээлээр тооцон бодох математикийн гол аргуудын үндсэн санааг танилцах онолын анализыг хийх, түүнийг бодлогуудад хэрхэн хэрэгжүүлэх бодит туршилтыг MATLAB болон бусад программчлалын хэл (С, С++) дээр програм бичиж гүйцэтгэх болно. Үүнд: (1) шугаман ба шугаман бус тэгшитгэлүүд, тэгшитгэлүүдийн системийн шийдийг ойролцоогоор олох аргууд; (2) Интерполяци ба хамгийн бага квадратын арга; (3) Тоон дифференциал ба интеграл; (4) Захын нөхцөлтэй бодлогыг ойролцоогоор бодох зэрэг агуулгыг судлах болно. Түүнчлэн дээрх аргуудын алдааг үнэлэн, батлан харуулах зэрэг онол ба практикийн бүх хүрээг хамрах болно.
Энэ хичээлийн зорилго нь шинжлэх ухаан, инженерийн хөтөлбөрөөр суралцаж буй оюутнуудад тэдний мэргэжлийн хүрээний судалгаа болон бодит амьдралаас гарч ирдэг тооцооллын бодлогыг хэрхэн шийдэж болох талаар танилцуулах, програмчлалын ба бодлого бодох чадварыг эзэмшүүлэх, тоон аргын алдаа болон нарийвчлалын талаарх ойлголтыг өгч алдааг урьдчилан тооцоолох, үнэлэх, хянах чадварыг дээшлүүлэхэд оршино. Энэ хичээл нь онолын, арга алгоритмын, программ хангамжийн гэсэн хүрээг хамарна. Энэ утгаараа цаашид математик түүнчлэн шинжлэх ухааны бусад салбарт тэр дундаа компьютерийн ухаан болон инжинерчлэл салбарт ажиллах, судалгаа хийх, сонирхон суралцах оюутнуудад программчлалын мэдлэг, чадварыг дээшлүүлэхэд чухал ач холбогдолтой.
