Бидний тухай
Багш ажилтан
Талстын бүтэц, үндсэн сингони, хатуу фазад явагдах урвалын үндсэн зүй тогтол, хатуу фазад үүсэх нэгдлийн үндсэн төрөл (ионы талст, ковалентын холбоот талст, металл талст, молекулан талст), органик биш хатуу биетийн үндсэн шинж чанар (соронзон, цахилгааны шинж чанар), оптик ба физик шинж чанар, квант механик ба статистик механикийн үндсэн ойлголт, тэдгээрийг хатуу биеийн химид хэрэглэх, металлын чөлөөт электроны онол (free electron theory)-ын талаар товч авч үзэх болно.
Хатуу биеийн физик хими хичээлээр талстын үндсэн бүтэц, тэдгээрийн төрөл (ионы талст, молекулын талст), тэдгээрийн үүсэх механизмыг тайлбарлах, талстын механизм, оптик, цахилгааны болон соронзон шинж чанарыг судлах, хатуу фазад талст үүсэх процессыг квант механик болон статистик термодинамикийн үүднээс тайлбарлах чадвар эзэмшүүлэх зорилготой.
Энэхүү хичээл нь тус бүр 1 кредитээр докторын суралцах хугацааны 3 жил тасралтгүй орно. Үүнд эхний жилд докторын оюутанд өөрийн судалгааны ажлын чиглэлээ сонгох үүднээс эрдэм шинжилгээний өгүүлэл унших, судалгааны чиглэл, сэдвээ сонгох, өөрийн чиглэлийн хүрээнд судалгааны ажлыг анхдагч болон хоёрдогч хэл дээр унших, бусдад тайлагнах, илтгэх, судалгааны ажлаа төлөвлөх ур чадварт суралцана. Хоёр дахь жилд докторын оюутан нь судалгааны ажлаа гүйцэтгэх, гарсан үр дүнг боловсруулах, учир шалтгааныг буулган тайлбарлаж, тохирох аргаар бусдад тайлагнах, илтгэх, бусад судлаачдын үр дүнтэй харьцуулан дүгнэх зэрэг судалгааны чадварыг эзэмших болно. Сүүлийн 3 дахь жилд докторын оюутан нь судалгааны үр дүнгээ хэвлэн нийтлүүлэх, эрдэм шинжилгээний өгүүлэл бичих чадвартай болно.
Суралцагчид физик химийн судалгааны чиглэлүүдийг танилцуулах, өөрийн судалгааны ажлын чиглэлээ сонгох, судалгааны ажлын суурь мэдээллүүдийг цуглуулах, судалгааны ажлын арга аргачлалыг сонгох, ажлын төлөвлөгөө гаргах, гүйцэтгэх, үр дүнг боловсруулаж тайлагнах, илтгэх зэрэг бичгийн болон аман хэлбэрээр мэдээлэх арга техник эзэмшүүлэх зорилготой.
Квант онолын түүхэн хөгжил, жижиг хэсгийн потенциал, кинетик болон нийт энерги, жижиг хэсгийн хоорондох хүч, нэг ба олон электронт атомын квант онолын зарчим, түүнийг химийн холбоо, молекул хоорондын харилцан үйлчлэлийг тайлбарлахад хэрэглэх талаар үзэх болно. Үүнд жижиг хэсэг ба долгионы шинж чанар, долгионы механик, түүнийг нүхэн дэх жижиг хэсэг, гармоник осциллятор, хатуу холбоост эргэлдэгч биет, устөрөгчийн атом зэрэг хялбар системд хэрэглэж, улмаар атомын бүтэц, үелэх хүснэгтийн мөн чанарыг квант механикийн үндэстэй тайлбарлана. Төгсгөлд нь валент холбоо, молекул орбиталын онол, молекулын бүтэц, спектроскопийг химийн холбооны төрх байдлыг тайлбарлахад хэрхэн хэрэглэдэг талаар маш товч дурдах болно.
Энэ хичээлээр химийн агуулгатай математик хичээлд тулгуурлан атом, молекулыг квант механикийн үүднээс судалж, түүнийг энгийн систем (нэг болон 2 хэмжээст нүх, гармоник осциллятор, хатуу холбоост эргэлдэгч биет болон устөрөгчийн атом)-д хэрэглэх зэрэг квант механикийн үндсэн ойлголтуудыг эзэмшүүлэх, улмаар эзэмшсэн мэдлэгээ ашиглан атомын бүтэц, үелэх хуулийг тайлбарлах чадвар эзэмшүүлэх зорилготой.
Молекулын механик, хүчний орон, молекулын симуляц, Монте Карлогийн арга, Олон электронт системийг ойролцоогоор шийдэх, Хартри-Фокын онол болон нягтын функцын онолын үндсэн суурь, химийн системийн спектроскоп, харилцан үйлчлэх чадвар, химийн процессын термодинамик, кинетик зэрэг шинж чанарыг тооцоолох алгоритмыг авч үзэх болно.
Шинжлэх ухаан, инженерийн асуудлыг шийдэх янз бүрийн аргууд, квант механик, молекулын механик тооцооллыг гүйцэтгэх, тэдгээрийн агуулга, боломж, хязгаарлалтыг судлах, орчин цагийн химийн шинжлэх ухааны онолуудаар бодисын харилцан үйлчлэлийн загварыг илэрхийлэх, улмаар бодит харилцан үйлчлэлийн хэмжигдэхүүнийг тодорхойлох ойролцооллын аргуудыг судлах, орчин үеийн судалгааны чиглэл, боломжийг судлах зорилгтой
Молекулын механик, хүчний орон, молекулын симуляц, Монте Карлогийн арга, Олон электронт системийг ойролцоогоор шийдэх, Хартри-Фокын онол болон нягтын функцын онолын үндсэн суурь, химийн системийн спектроскоп, харилцан үйлчлэх чадвар, химийн процессын термодинамик, кинетик зэрэг шинж чанарыг тооцоолох алгоритмыг авч үзэх болно.
Шинжлэх ухаан, инженерийн асуудлыг шийдэх янз бүрийн аргууд, квант механик, молекулын механик тооцооллыг гүйцэтгэх, тэдгээрийн агуулга, боломж, хязгаарлалтыг судлах, орчин цагийн химийн шинжлэх ухааны онолуудаар бодисын харилцан үйлчлэлийн загварыг илэрхийлэх, улмаар бодит харилцан үйлчлэлийн хэмжигдэхүүнийг тодорхойлох ойролцооллын аргуудыг судлах, орчин үеийн судалгааны чиглэл, боломжийг судлах зорилгтой
Энэхүү хичээлээр химийн бодисын шинж чанарыг танин мэдэхэд зайлшгүй шаардлагатай химийн үндсэн ойлголт, ухагдахуун, атомын бүтэц, химийн холбоо, химийн хувирал (урвал) өөрчлөлт, тэнцвэрийн мөн чанарыг тайлбарладаг хууль, онолуудтай танилцана. Химийн үндсэн хууль, онолоо хэрэглэх шалгах зорилго бүхий сорил туршилтын ажлууд, дасгал ажил болон тооцоот бодлогуудыг бодож, тодорхой асуудлыг шийдвэрлэх даалгаврыг гүйцэтгэнэ. Семинар, дадлагын ажлын явцад химийн онол хуулийг хэрэглэх, шил сав, багаж, тоног төхөөрөмж, туслах хэрэгслүүдтэй аюулгүй ажиллах арга барилд дадлагажина.
Химийн хэл, химийн үндсэн хууль, онолуудыг ашиглан химийн бодис, урвалыг судлах, сорил туршилтыг гүйцэтгэх, ажиглалт хийх, таамаглал дэвшүүлэх, харьцуулан дүгнэх, сорилын үр дүнг тооцоолох, нэгтгэн дүгнэх арга барил чадварт суралцах.
Дисперс систем, түүний ангилал, дисперс системийг гарган авах, дисперс системийн молекулын кинетик (Броуны хөдөлгөөн, диффузи седиментаци), оптик, цахилгаан химийн шинж чанар (цэнэгийн цахилгаан давхар үе үүсэх, цахилгаан кинетикийн үзэгдэл), Дисперс системийн тогтворжилт, Гадаргуугийн үзэгдэл, адгези когезийн ажил, капилляр даралт, норголтын үзэгдэл, адсорбцын процесс, Гиббс, Лангмюр, Фрейндлих, БЭТ-ийн онол, Траубегийн дүрэм, микрогетероген систем, Дисперс системийн реологийн шинж чанар зэргийг судална.
Гадаргуугийн үзэгдэл ба коллоид химийн хичээлээр дисперс систем, түүний шинж чанарыг судлах, гаргах авах аргатай танилцах, дисперс системийн зарим төрөл болох эмульс, хөөс, суспенз, дисперс системийн реологийн шинж чанар, гадаргуугийн үзэгдлүүд болох капилляр даралт, норголтын процесс, цахилгаан кинетикийн үзэгдэл, гадаргууд цэнэгийн цахилгаан давхар үе үүсэх, хатуу шингэн, хатуу хий, шингэн хийн систем дэх адсорбцын процессыг явуулах, тайлбарлах, тооцоолох чадвар эзэмшүүлэх зорилготой.
Ахисан түвшний физик хими нь хими, физик, математик, физик хими, коллоид хими хичээлүүдээр бакалаврын түвшинд олж авсан мэдлэг дээр тулгуурлан хий шингэн дэх молекулын хөдөлгөөн, молекулын спектроскоп, макромолекулын физик хими, шингэний гадаргуу дахь физик үзэгдэлтэй танилцах зорилгоор батлагдсан сургалтын төлөвлөгөө, программ календарчилсан төлөвлөгөөний дагуу магистрын 1-р семистерт үзэх мэргэжлийн суурь хичээл болно. Ахисан түвшний физик хими хичээл нь хий шингэн дэх молекулын хөдөлгөөн, молекулын спектроскоп, шингэний гадаргуу дахь физик үзэгдэл, макромолекул ба агрегат төлөв гэсэн үндсэн бүлгүүдээс тогтоно. Лекцийн хичээлээр олж авсан мэдлэгийг бататгахын тулд семинарын хичээлийг багшийн ерөнхий хяналтын дор бие даан гүйцэтгэж, багшаар дүгнүүлнэ. Семинарын хичээлээр онолын сэдвээр маргаан явуулж, бодлого бодуулж шалгана. Суралцагчийн мэдлэгийг лекц семинарын бие даалтын ажил, семинарын хичээлийн гүйцэтгэлээр аттестатчилна. Улирлын төгсгөлд нэгдсэн шалгалт авч, суралцагчийн мэдлэгийг дүгнэнэ.
Ахисан түвшний физик хими хичээл нь хий шингэн дэх молекулын хөдөлгөөн, молекулын спектроскоп, макромолекулын физик хими, шингэний гадаргуу дахь физик үзэгдэлтэй танилцаж, физик химийн процессын зүй тогтолыг тайлбарлах онолын үндсийг суралцагчдад олгоно.
