Бидний тухай
Багш ажилтан
Агуулгын хувьд гэвэл, шашны социологийн судлах зүйл, судлах аргууд, шашин судлал зэрэг бусад шинжлэх ухаанаас ялгагдах гол ялгаа, шашны социологийн хөгжил, шашны байгууллагуудын социологийн анализ, нийгмийн бусад институцуудтэй болоод нийгэмтэй бүхэлдээ шашны холбогдох байдал, орчин үеийн нийгэм дэх шашны нөхцөл байдал, түүнчлэн Монголын нийгэм дэх шашны байдлыг тус тус шашны социологи гэсэн салбар социологийн үзэл баримтлал хандлагын үүднээс шинжлэн судална.
Уг хичээлийн зорилго нь оюутанд шашин хэмээх нийгмийн үзэгдлийг социологийн шинжлэх ухааны онол, хандлагын үүднээс хэрхэн авч үзэж, судалбал зохих талаар мэдлэг олгох явдал юм. Мөн дотор нь амьдарч буй нийгмийнхээ шашин, сүсэг бишрэлийн нөхцөл байдлыг зөв ойлгох ач холбогдолтой
Агуулгын хувьд гэвэл мэдлэгийн социологийн судлах зүйл, судлах аргууд К.Марксаас М.Шелер К.Мангхайм, түүнээс Бергэр, Фуко хүртэлх мэдлэгийн социологийн түүхэн хөгжил болон Т.Кунн зэрэг ШУ-ы түүхчдийн үзэл санаатай танилцана. Түүнчлэн ердийн ба шинжлэх ухааны мэдлэг, итгэл үнэмшил, үзэл суртал, тэдгээрийн ялгаа ба холбоо, хүний мэдлэг сэтгэлгээ ба түүний үүсэн гарсан социал орчин хүрээ /контекст/ хоёрын хоорондын харилцан хамаарал, нийгмийн шинжлэх ухаан, тэр дундаа социологийн шу-ы мэдлэгийн системд мэдлэгийн социологийн эзлэх байр суурь зэргийг мэдлэгийн социологи гэсэн салбар социологийн үзэл баримтлал, хандлагын үүднээс шинжлэн судална
Уг хичээлийн зорилго нь оюутанд мэдлэг хэмээх нийгмийн үзэгдэл болон мэдлэг бүрэлдэх үйл явц, түүнчлэн мэдлэг ба түүний нийгмийн эх үндэс хоорондын хамаарлыг социологийн шинжлэх ухааны онол, хандлагын үүднээс хэрхэн авч үзэж, судалбал зохих талаар мэдлэг олгох явдал юм
Энэхүү хичээлийн агуулга дараах 3 бүлэгт хуваан судлах болно. Бичих үйл явцын талаарх ерөнхий ойлголтууд: Оюуны өмчийн хулгай, ном зүйг хийх олон төрлүүд Бичихийн тулд унших нь: Мэдээллийн эх сурвалжуудтай танилцуулах нь : Ном сурах бичиг, нэгэн сэдэвт бүтээл, ЭШ-ний хурлын материал, судалгааны материал, онлайн эх сурвалж, өдөр тутмын мэдээллийн хэрэгслүүд, тэдгээрийг үнэлэх, сонгох ур чадвар Эрдэм Шинжилгээний Бичлэгийн олон төрөл байдал: товч агуулга, хариу өгсөн бичлэг, тойм, тэтгэлэг хүсэх санал /эссэ хэлбэртэйгээр/ , Баримт бичиг судлалын арга, Мэдээллийн эх сурвалжаас санаа олж авах техникүүд БИЧИХ ҮЙЛ ЯВЦ:Эрдэм Шинжилгээний Бичлэгийн олон төрөл байдал: товч агуулга, хариу өгсөн бичлэг, тойм, тэтгэлэг хүсэх санал /эссэ хэлбэртэйгээр,Санаа төрөх үйл явц, сэдвээ сонгох: Амжилттай бичихийн үндэс сэдэв сонголтоос санаагаа зөв олохоос эхэлдэг тухай, Эссе түүнд тавигдах шаардлагууд. Хянах, Редакторлах- Хүн бүр уншигч, бичигч өөрийн сонгосон сэдэв болон бусад үе шатуудыг ойлгомжтой эсэхийг дахин харах үе шат.
• Дараах зорилгуудыг агуулж байна. Оюутнуудад ТА Ч БАС БИЧИГЧ гэдгийг ойлгуулах, өөрт нь итгэл үнэмшил төрүүлэхийн тулд судалгаа хэрхэн хийх, санааг олж авах, олж авсан санаагаа хэрхэн хэлбэржүүлэн бичихэд Бакалаврын түвшинд суралцаж байхдаа оюутнууд бүтээлч, задлан шинжилгээ хийх чадварт суралцуулах, түүнийг нь хэрхэн хөгжүүлэх вэ гэдэгт чиглэгдэнэ. Оюутнуудад олон улсын түвшинд эрдэм шинжилгээний бичигт тавигддаг шаардлага стандартуудтай танилцуулна. Мөн Бичих-Унших үйл явц салшгүй холбоотойг ойлгон бүтээлчээр ажиллахад суралцана. Бичихийн тулд ашиглаж болох олон техникүүдтэй танилцан, идэвхтэйгээр ашиглаж болох арга барилд суралцуулна. Ач холбогдол МУИС-ийн бакалаврын хөтөлбөрөөр суралцаж байгаа оюутан шинжлэх ухаан, танин мэдэхүй, нийгмийн нийтлэг сэдвээр мөн судлахаар зэхэж байгаа мэргэжлийн чиглэл\хөтөлбөрийн хүрээнд оюутны бичил эрдэм шинжилгээний ажил бичих бичлэгийн ур чадварт суралцана,Үүнд: Цаашлаад өөрийгөө илэрхийлэх, бүлгээр ажиллах, хамтран ажиллах харилцааны чадавхи сууна. Эдгээр мэдлэг ур чадварыг эзэмшсэнээр оюутан бүтээлч сэтгэлгээнд суралцаж, бичиг харилцааны суурь соёл, ур чадвартай болох ач холбогдолтой.
