Бидний тухай
Багш ажилтан
Урдаа тавьсан төслийн зорилгодоо зөв, үр дүнтэйгээр хүрэх нь төслийн менежментийн гол үүрэг болно. Иймээс энэ хичээл дээр доорх зүйлүүдийг судална. • Төслийн менежментийн түүхэн хандлага • Төслийн менежментийн орчин үеийн хандлага • Төслийг эхлүүлэх, төлөвлөх, зохион байгуулах, хийж гүйцэтгэх, хяналт, мониторинг хийх, төслийн хаалт гээд төслийн менежерийн хийх үйл ажиллагаанууд • Төслийн менежер, төслийн гол гурвалжин, төслийн менежментийн ерөнхий бүтэц, ажлын задаргааны хэлбэр, портфолиогийн удирдлага зэрэг сэдвүүдийг судлах болно.
Төслийн менежментийн мөн чанар, төслийн иж бүрэн төлөвлөгөө боловсруулах, төслийг удирдан зохион байгуулах, байгууллагад төслийг хэрхэн оновчтой зөв удирдах талаар олон улсын болон өөрийн орны жишээ, кэйс, дасгал дээр тулгуурлан орчин үеийн онол, арга зүй, практикийн мэдлэг, ур чадвар олгоно.
Байгууллагын тухай ойлголт, байгууллагын амьдралын мөчлөгийн үе шатууд, байгууллагын хөгжил, өөрчлөлт, өөрчлөлтийн удирдлагын мөн чанар, онцлог, өөрчлөлтийн удирдлагын зарчмууд, хамрах хүрээ, гадаад орчны шинжилгээ, өөрчлөлт хийх арга замууд, хэрэгжүүлэх үе шатууд, түүнд нөлөөлөх хүчин зүйлс байгууллагын өөрчлөлтийн үеийн шийдвэр гаргалт ба стратеги, стратегийн хэрэгжилтийг зохион байгуулах, өөрчлөлтийн эсэргүүцэл, эсэргүүцлийг даван туулах арга зам, өөрчлөлтийн удирдлагын зохион байгуулалтын бүтэц зэрэг ойлголтууд багтана.
Байгууллагын өөрчлөлтийн удирдлагын онолын суурь мэдлэгийг олгон, байгууллага өөрчлөлтөнд нөлөөлөх хүчин зүйлсийг судлах, шинжилгээ хийх, дүгнэх, өөрчлөлтийг үр дүнтэй хэрэгжүүлэх, зохион байгуулах, удирдахад шаардлагатай мэдлэгийг эзэмшүүлэхэд оршино.
Инновацийн мөн чанар, тогтолцоо, дэд бүтэц, төсөл хөрөнгө оруулалт, үйл ажиллагааны үндсэн чиглэл ба хөтөлбөрүүд стратеги, гадаад улс орнуудын инновацын үйл ажиллагаа, Монгол дахь инновацын хөгжлийн төлөв хандлага зэрэг агуулгууд багтана
Инновацийн менежментийн онолын суурь мэдлэгийг олгох, инновацийн менежментийн мөн чанар, агуулга, макро микро түвшний ойлголтыг бий болгон аж ахуйн нэгж байгууллагад шинэ зүйлсийг нэвтрүүлэх эцсийн үр дүнд хүрэх үйл ажиллагааг удирдах талаар ойлголт мэдлэг эзэмшүүлнэ.
Бизнес-нийгмийн систем, түүний оролцогч талууд, тэдний сонирхол, нөлөөлөл, бизнес ба засгийн газар, олон нийт, гэр бүл, бизнесийн ёс зүй, нийгмийн хариуцлага, хүрээлэн байгаа орчин, нийгмийн үнэт зүйлсийн харилцан хамаарлыг тодорхойлох аргыг эзэмшиж ёс зүй, нийгмийн хариуцлагатай менежмент, тогтвортой хөгжилийн мөн чанар, ач холбогдлыг ойлгоно.
Бизнесийн үндсэн ойлголт, түүнийг практик амьдралд хэрэгжүүлэх арга зүйн асуудлыг судлахын хамт бизнес болон нийгмийн харилцан хамаарал, бизнесийн нийгэм дахь оролцоо, ёс зүй, бизнесийн хариуцлагын талаарх асуудлыг гүнзгий ойлгуулж, нэгдсэн суурь мэдлэг олгоно. Бизнес үйл ажиллагааг зах зээлийн өөрчлөлт, шинжлэх ухаан техникийн ололт амжилт, хүний оролцоо, байгаль орчинг анхааран үзэж, ажиллагсад, хэрэглэгч, бэлтгэн нийлүүлэгч, хөрөнгө оруулагчдын эрх ашигт нийцсэн шийдвэр гаргах аргад суралцуулж, гадаад, дотоод хүчин зүйлсийн нөлөөллийг тооцон дүгнэх арга барил, чадварыг хөгжүүлэхэд чиглэнэ.
