Бидний тухай
Багш ажилтан
Энэхүү хичээлээр оюутнууд түймрийн төлөв байдал, түймрийн экологийн талаарх үндсэн ойлголтууд, ургамал, амьтны амьдрах орчин, хөрс, ус, агаарт түймрийн үзүүлэх нөлөө зэргийг суралцана. Түймэр нь экологийн үйл явцын салшгүй хэсэг болохынх нь хувьд онцолж, экосистемд түймрийн үзүүлэх нөлөөллүүдийг орон зай, цаг хугацааны хувьд хэрхэн урьдчилан тогтоож тэдгээр нөлөөллүүдийг нөхөн сэргээлт болон түймрийн менежментийн үйл ажиллагаанд хэрхэн тусгах талаар суралцана. Түүнчлэн түймрийн менежментийн хөтөлбөрүүд, түймрийг унтраах стратеги, зориудын түймэр, дэлхийн түймрийн менежментийн талаар үзэж судална.
Энэ хичээлийн зорилго нь оюутнуудад байгалийн түймрийн физик химийн шинж чанар, түймрийн хэв шинж, цаг агаар, орчны нөхцөл ба түймрийн хоорондын уялдаа холбоо, янз бүрийн экосистем дэх түймрийн экологи, түүнчлэн байгалийн түймрийн менежмент, түүнийг хэрэгжүүлэх арга замын талаарх ойлголт, мэдлэгийг олгоход оршино.
Энэ хичээлээр ойн аж ахуйн систем, мод огтолсон талбайн хэв шинж, ойн бүтээмжийг дээшлүүлэх, ой модыг огтлох тухай сургаал зэргийн онолын чухал ойлголтыг оюутан нарт өгнө. Ойн үндсэн ашиглалтын огтлолтын ангилал. Хавтгайруулсан огтлолт. Аажим огтлолт. Түүвэрлэх огтлолт. Мод бэлтгэсэн талбайг цэвэрлэх. Арчилгааны огтлолтын хэлбэр, арга. Арчилгааны огтлолт явуулах шаардлагатай ой мод. Арчилгааны огтлолтын давтагдах хугацаа, огтлолт хийх арга. Огтлох модыг сонгох, огтлолтын эрчим. Төрөл бүрийн ойд арчилгааны огтлолт хийх. Цэвэрлэгээний огтлолт. Ойг арчлах бусад хэлбэрүүд. Ойн модон бус бүтээгдэхүүнийг ашиглах. Ойн бүтээгдэхүүнт чанарыг дээшлүүлэх. Ойн түймэр судлал, түүний зорилт. Ойн түймэр гарах шалтгаан, нөхцөл. Ойн түймрийн ангилал. Ойн шатах материал. Түймэр гарах газар зүйн онцлог. Түймэр гарах улирал. Ойн шатамхай чанар. Ойн түймрийн үр дагавар. Ойн түймрээс урьдчилан сэргийлэх арга хэмжээ. Ойн түймрийг илрүүлэх. Ойн түймэртэй тэмцэх. Ойн түймрийн хохирлыг тодорхойлох. Хяналттай гал тавьж түймрийн аюулыг багасгах. Ой модыг ашиглах ба ойг ургуулах техник, технологи ба экологийн асуудлыг органик холбоотойгоор авч үзнэ. Тэрчлэн ой ашиглалтын нийгэм, эдийн засгийн төлөв байдал ба Монголын ойн менежментийн одоо ба ирээдүй, түүний онцлог, гадаад орнуудын туршлагатай харьцуулан судлах болно.
Ойн аж ахуй хичээл нь ойд үндсэн ашиглалт ба арчилгаа, цэвэрлэгээний огтлолт хийх, ойг нөхөн сэргээх, өсгөн бойжуулах, ойн бүтээгдэхүүнт чанарыг нэмэдүүлэх, ойн модон бус бүтээгдэхүүнийг ашиглах, ойн түймэр, түүнээс урьдчилан сэргийлэх, түймэртэй тэмцэх онол, практикийн мэдлэг, чадварыг оюутнуудад олгож, тэдгээрийг пракикт хэрэглэх чадвар, дадал эзэмшүүлнэ. Ой ашиглалтын эдийн засаг, нийгмийн төлөв байдал, ойн аж ахуйн менежментийн одоо ба ирээдүйн хөгжлийг шийдвэрлэх асуудлыг оюутнуудад танилцуулна.
