Бидний тухай
Багш ажилтан
Япончуудын соёл урлагийн түүхийг баримт,сурвалж бичиг, дурсгалд тулгуурлан судлана. Үе үеийн ахуйн соёл ба оюуны соёлын ялгаа, уламжлал, өөрчлөлтийг мэдэж, түүнээс салаалан гарсан урлагийн уг гарвалын мөн чанартай танилцана. Тэрчлэн шинэ үеийн соёл, урлаг болон Японы соёлын экспортын тухай ойлголттой болно.
Япон арал дээр хүн очиж суурьшсанаас хойш өнөөг хүртэлх түүхэн цаг хугацаанд бий болгож хөгжүүлж ирсэн биет болоод биет бус соёл хийгээд урлагийн талаар ерөнхий мэдлэг олгоно. Энэ хичээлийг үзсэнээр цаашид япон судлалаар мэргэшихэд дөхөмтэй болно.
Японы нийгмийг гадаадын судлаачид “өвөрмөц” гэдэг. Түүний шалтгааныг тодруулах, татэ буюу босоо харилцаагаар илэрхийлэгдсэн нийгэм дэх хүмүүсийн харилцаа, тухайн хүний нийгэмд эзлэж буй байр суурь, түүнтэй уялдсан хэл ярианы соёл, тэр нь нийгэмд хэрхэн нөлөөлдөг тухай авч үзнэ Мөн япончуудын хувь хүний болон гэрийн бүл, компанийн соёл, хариуцлага хийгээд нийгмийн тулгамдаж буй олон асуудлуудтай танилцана.
Ижил төрлийн хичээлээр олж авсан мэдлэгээ өргөжүүлэх, Японы нийгэм, соёлын эрт эдүгээ, өнөөгийн японы нийгэм, онцлог, тулгарч буй асуудлын талаар мэдлэгтэй болно. Тэрчлэн холбогдох сэдвээр судалгаа хийх сэдлийг бий болгоно.
Хэл-соёл судлал, нийгэм, танихуйн хэл шинжлэл зэрэг орчин цагийн хэлшинжлэлийн үүднээс хэл соёлын шүтэлцээний ойлголтыг дараах агуулгаар авч үзэн, тодорхой жишээгээр тайлбарлана. Үүнд: Хэл соёл судлалын тухай ойлголт, тухайн ард түмний амьдрал ахуйн онцлог зүйл, эдгээрийг нэрлэсэн үгийн сангийн нэгжүүд, тогтвортой хэллэг.
Япон үндэстний хэлийг, аж төрөх ёс, соёлтой нь холбон үзэх үүднээс багш, оюутан хамтран тухайн хэлний үгийн сангийн тодорхой нэгж болсон үндэсний онцлог бүхий үг хэллэгийг ойлгох, өөрийн хэлтэй харьцуулан нийтлэг хийгээд өвөрмөц ялгаатай тал, сэтгэлгээний онцлогийг нь танин мэдэх. Японы уран зохиол, өвөрмөц хэллэг, оньсого таавар зэрэг эхүүдийг ашиглан, тухайн үндэстний соёл хэлэндээ хэрхэн тусгалаа олдгийг танин мэдэх
“JF Япон хэлний боловсролын стандарт 2010” хөтөлбөрийн үндсэн чиг баримтлалд тулгуурлан, Өдөр тутам энгийн харилцаанд хэрэглэдэг 1000 орчим үгийн сангийн мэдлэгтэй болох бөгөөд 166 ханз үсгийг хэрэглэж сурна. Ингэхдээ тэдгээртэй холбоо бүхий ярих сонсох, унших бичих дадлагатай болж тодорхой хэмжээнд өөрийн санаа бодлоо илэрхийлэх чадвар эзэмшинэ.
Япон хэлний боловсролын олон улсын JF стандартад тулгуурлан, өдөр тутмын үйл, гэр бүл, амьдрах орчин, амралт чөлөөт цаг, цаг хугацаа, орон зай, хичээл сургууль, зам тээвэр, идээ ундаа, худалдаа үйлчилгээ, эрүүл мэнд, баяр цэнгээн, аялал жуулчлал гэх мэт сэдвээр унших, сонсох, ярих, бичих, өөрийн хэрэгцээгээ энгийн үг хэллэг ашиглан илэрхийлэхэд шаардагдах А2 шатны суурь мэдлэг, чадвар олгоно.
“JF Япон хэлний боловсролын стандарт 2010”-ын үндсэн чиг баримтлалд тулгуурлан, япон хэлний хирагана, катакана цагаан толгойн 96 үсгийн дуудлага, бичлэг, нийлэмж, тэмдэглэгээ, 150 орчим дүрс үсгийн унших, бичих, хэрэглэх арга, япон хэлний хэл зүйн айн үндсэн ойлголтууд, япон хэлний тэмдэг нэр, үйл үгийн хувилах хэлбэрийн дүрмүүд, өгүүлбэрийн бүтэц, найруулга зэргийг судална. Хүний өдөр тутмын үйл, гэр бүл, амьдрах орчин, амралт чөлөөт цаг, цаг хугацаа, орон зай, хичээл сургууль, зам тээвэр, идээ ундаа, худалдаа үйлчилгээ, эрүүл мэнд, баяр цэнгээн, аялал жуулчлал зэрэг сэдвийн хүрээнд Can-Do statements-Би чадна илэрхийллийн дагуу монгол хүнд зориулсан сургалтын хэрэглэгдэхүүн ашиглан сонсож, уншиж, бичиж, харилцан ярьж сурна.
“JF Япон хэлний боловсролын стандарт 2010”-ын үзэл баримтлалд тулгуурлан, хүний өдөр тутмын үйл, гэр бүл, амьдрах орчин, амралт чөлөөт цаг, цаг хугацаа, орон зай, хичээл сургууль, зам тээвэр, идээ ундаа, худалдаа үйлчилгээ, эрүүл мэнд, баяр цэнгээн, аялал жуулчлал гэх мэт сэдвийн хүрээнд унших, сонсох, ярих, бичих, өөрийн хэрэгцээгээ энгийн үг хэллэг ашиглан илэрхийлэхэд шаардагдах А1 шатны суурь мэдлэг, чадвар олгох зорилготой. Can-Do statements-Би чадна илэрхийллээр томьёолсон хичээлийн зорилтын дагуу монгол хүнд зориулсан сургалтын хэрэглэгдэхүүн ашиглан сонсож, уншиж, бичиж, харилцан ярьж сурахад хичээлийн ач холбогдол оршино.
Тус хичээл дээр хүнтэй уулзах цаг товлох, хүнээс юм гуйх хүсэх, асууж лавлах, өөрийн байр байдлаа бусдад учирлаж зөвлөгөө авах, өөрийн сайн ба муу талаа хэлэх, сонины нийтлэлийн агуулгыг бусдад дамжуулах, улс төрийн байдал, урьдчилсан төлөв байдал, сайжруулах арга замыг хэлэх, түүхэнд болсон үйл явдлыг бусдад ярих чадваруудыг эзэмших зорилгоор тодорхой нөхцөл байдалтай урьдчилан танилцаад улмаар харилцан ярих, нэгтгэн дүгнэх байдлаар зохион байгуулна.
Тодорхой сэдвээр ярилцагчтайгаа санаа бодлоо чөлөөтэй солилцох чадвар эзэмшүүлэх. Хүндэтгэлийн үг зөв хэрэглэж сурах, хар ярианы буюу залуучуудын үг хэллэгийг сонсоод ойлгож сурах, уншсан зүйлийнхээ утга санааг бусдад дамжуулж сурах болно.
Анх олсон суурь мэдлэгээ улам бататгаж, Япон хэлний боловсролын “JF Standard”-ийн B1-B2 түвшинд шинжлэх ухаан, түүх, анагаах ухаан зэрэг сэдвээр 1000-1500 үгтэй бичвэр, дунд хэмжээний үлгэр домог, өгүүллэг тууж зэргийг уншиж ойлгодог болно. Мөн тухайн сэдэвтэй холбоотой дасгал ажиллах, бичвэрийн гол агуулгыг товчлон бичих замаар үг хэллэгийг өөрийн болгон эзэмших, улмаар эзэмшсэн үг хэллэг, хэлзүйн дүрмийг ашиглан сэдэвтэй холбоотой мэдээлэл цуглуулах, цуглуулсан мэдээллээ бусдад ярих, бусдын бичсэн, ярьсан зүйлийг унших, сонсох, өөрийн саналыг хэлэх зэргээр эзэмшсэн мэдлэгээ бүтээлчээр ашиглах хичээл болно.
Япон хэлний боловсролын “JF Standard”-ийн B1-B2 түвшний бичих, уншиж ойлгох чадвар эзэмшүүлэх зорилготой. Бичиг баримт боловсруулах үндсэн аргуудыг эзэмшүүлсэнээр ангийн ажил, реферат, диплом бичих бэлтгэл болно.
Зүүн Азийн улс орнуудын эрт эдүгээгийн харилцааны түүх, соёлыг үечлэн заана. Чингэхдээ, түүхэн үеүдийн хоорондын хэлхээ холбоо, онцлох үйл явдал түүний шалтгаан, үр дагавар, хөгжил дэвшил, уламжлал шинэчлэл зэрэг талаас нь авч үзнэ. Түүний зэрэгцээ Хятад, Солонгос, Япон улсууд хоорондоо хэрхэн харилцаж ирсэн, тэрхүү харилцааны онцлог, мөн тэдгээр улс орны соёлын өвөрмөц онцлог, ялгаатай, төсөөтэй тал зэрэгтэй танилцаж, тодорхой ойлголттой болно. Түүний зэрэгцээ Монгол улс дахь Зүүн Ази судлалын өнөөгийн байдал цаашдын хандлагатай танилцана.
Хятад, Солонгос, Японы харилцааны түүх соёлыг бүс нутгийн хүрээнд цогц байдлаар авч үзэн, мэдлэг олгоно. Монгол дахь бүс нутаг судлал болон Зүүн Азийн улс орнуудын түүхийн хэлхээ холбоо, соёлын харилцан нөлөөлөл гэх мэт судлагдахууны талаар ерөнхий ойлголт өгч, Ази судлалаар мэргэших үндсийг тавина.
