Бидний тухай
Багш ажилтан
Ойн аж ахуйн техник технологийн онолын үндэслэл, арга зүй, орчин үеийн дэвшилтэт техник, технологийн шинжлэх ухааны үндэс, объектын хэрэглээ, ойн аж ахуйн олон төрөлт технологи ажилгааг гүйцэтгэх эрчим хүчний ба технологийн хэрэгсэлийн бүтэц ажиллагаа, ойн нөхөн сэргээх ажлын техник технологи, тоног төхөөрөмжийг нарийвчлан судална.
Ойн аж ахуйн технологийн машинуудын талаархи онол, хэрэглээний мэдлэг чадвар эзэмшүүлэх зорилготой. Ингэснээр шинэ дэвшилтэт технологи, машин төхөөрөмжийг үйлдвэрлэлд ашиглах, нэвтрүүлэх боломж бүрдэнэ.
Энэхүү хичээлээр Монгол болон Дэлхийн ойн экологи, менежментийн үндэс, туршлагыг судална. Ойн моддын үүсэл, өсөлт, нөхөн төлжих үйл явцын биологийн үндэс, бүс нутгийн ойн аж ахуй болон ойн экосистемд нөлөөлөх хүний нөлөөллийн талаар үзнэ. Түүнчлэн модлог ургамлыг таних, ойн судалгааны дээж авах, өгөгдлийг боловсруулах арга зүйг судлаж эзэмшинэ. Мөн ойн экологийн зарчим, ойн таксаци, модны анатоми, физиологи, ойн хортон шавж болон ойн түймрийн экологи, ой ашиглалтын талаар судална. Мод болон модон бүтээгдэхүүн нь Монгол орны экологи, эдийн засагт чухал үүрэг гүйцэтгэдэг тул бүс нутгийн ялгаварт тулгуурласан ойн болон ойн менежментийн цогц бодлогыг авч үзэхийн зэрэгцээ ойн тухай хууль, тогтоомжийг судална.
Ойн экологи, ойн менежмент, ойн аж ахуй, ойн дагалт баялаг, ой ба уур амьсгалын өөрчлөлт, ойн хөрс, ой ба нүүрстөрөгчийн үндэс
Ой ашиглалтын онол арга зүй, орчин үеийн дэвшилтэт техник, технологийн шинжлэх ухааны үндэс, объектын хэрэглээ, ойн дээд ба доод агуулахын ажлууд, ой ашиглалтын төрөл, модлогийг оновчтой ашиглах шилдэг арга, технологийг нарийвчлан судална.
Ойн нөөц баялагийн оновчтой ашиглалт болон ойн техник технологийн талаарх онол, хэрэглээний мэдлэг чадвар эзэмшүүлэх зорилготой. Ингэснээр ойн тогтвортой ашиглалт, шинэ дэвшилтэт технологи, машин төхөөрөмжийг үйлдвэрлэлд ашиглах, нэвтрүүлэх боломж бүрдэнэ.
Уг хичээлээр тогтвортой хөгжлийн зорилтот хүрэхэд инженерчлэлийн практикт шаардагдаж буй гол ойлголтууд, тэдгээрт үндэслэн шинэ бүтээгдэхүүн, төсөл, байгууламжид тусгаж, хэрэгжүүлэх болон системийг үнэлэх аргуудыг судална. Тогтвортой хөгжийн зорилгод чиглэсэн системийн аргуудаас амьдралын мөчлөгийн үнэлгээ (LCA) болон эрчим хүч, хүрээлэн буй орчны дизайн (LEED) зэрэг аргачлалуудыг дэлгэрэнгүй авч үзэхээс гадна ус, бохир усны менежмент, газар ашиглалт, эрчим хүчний хэрэглээ, уур амьсгалын өөрчлөлтийн эсрэг технологиуд, материалын сонголт, барилга байгууламжийн ТХ-ийн зорилтот нийцсэн инженерийн асуудлууд, түүнд тулгуурласан дадлага, сайн туршлага судална.
Дэлхий нийтийн хөгжлийн чиг хандлага тогтвортой хөгжлийн төлөө өнөө үед инженерчлэлийн салбарт тодорхой үзэл санаануудыг суулгаж, шинэ аргачлалуудыг хөгжүүлж байна. Уг хичээлээр оюутнуудад тогтвортой хөгжлийн зорилгод хүрэхэд инженерчлэлийн практикт шаардагдаж буй ойлголтуудад үндэслэн шинэ бүтээгдэхүүн, үйлдвэрлэл, байгууламжид тусгаж, хэрэгжүүлэх, үнэлэх орчин үеийн аргуудыг танилцуулж, дадлага ажил гүйцэтгэснээр тогтвортой хөгжлийн төлөөх инженерчлэлийн мэдлэг, хандлагыг төлөвшүүлэх зорилготой.
Зургийн ортогональ проекцлолын онолд тулгуурлан байдал, зүсэлт, огтлолын аргыг оновчтой хэрэглэх, техникийн проекц дүрслэлийг унших, зурагт хэмжээ тавих дүрэм, аксонометр проекц байгуулах, салдаг ба салдаггүй холбоосны томьёолсон дүрслэл, тэмдэглэгээ, деталийн эскиз, ажлын зураг зурах, түүнийг унших болон угсрааны /ерөнхий байдлын зураг/ зургийн зориулалт агуулга, угсрааны зургийг унших, бүдүүвч зургийн ерөнхий ойлголт /кинематик ба цахилгааны бздүүвч/ тэдгээрийн дүрслэл, тэмдэглэгээ болон техникийн зураг-төсөл боловсруулахад холбогдох MNS-ISO стандартуудын хэрэглээг сурч эзэмших
Инженерийн төсөл тооцоонд өргөн хэрэглэгддэг зураг-төслийн үндсэн баримт бичгүүдийг MNS-ISO стандартын шаардлагыг баримтлан үйлдэх, уншиж ойлгох, практик үйл ажиллагаанд ашиглах мэдлэг, чадвар олгох
