Бидний тухай
Багш ажилтан
Си хэлний тухай удиртгал, Өгөгдлийн төрөл, хувьсагч, илэрхийлэл; Удирдлагын командууд, давталт; Массив; Тэмдэгт мөр; Хэрэглэгчийн функц; Хувьсагчийн хамрах хүрээ; Нийлмэл өгөгдлийн төрөл, бүтэц; Санах ойн хаяг ба заагч; Битийн үйлдлүүд; Стандарт сангууд; Файлтай ажиллах; Програмыг зүгшрүүлэх
Програмчлалын Си хэл нь “дээд түвшний хэл” боловч харьцангуй доод түвшинд компьютертэй ажиллах боломжийг олгодог. Си хэлийг йлдлийн систем бичих зорилгоор бүтээсэн хэдий ч, түүний энгийн, уян хатан байдал өөр олон төрлийн програмчлалын хэл бүтээхэд ашиглагдаж эхэлсэн. Тухайлбал, сүүлийн үеийн шинэ хэлнүүд Жава, С++ нь Си хэл дээр суурилсан. Энэ хичээлээр бид програмчлалын хэлний гол төлөөлөл болсон Си хэлний талаарх үндсэн ойлголтуудтай танилцаж, тэдгээрийг програм хөгжүүлэхэд хэрхэн хэрэглэхэд суралцана. Ингэснээр програмчлалын хэлний үндсэн зарчмуудыг эзэмшиж, цаашид бусад хэлийг бие даан сурах арга барилыг эзэмшинэ
Объект хандлагат програмчлал хичээлийг объект хандлагат програмчлал тухай, С ба С++ хэлний ялгаа, дотоод функц, класс ба объект, байгуулагч ба устгагч функц, функц дахин тодорхойлох, удамшлын тухай, түүний төрлүүд, статик өгөгдөл, статик функц, найз функц ба ангилал, операторыг дахин тодорхойлох, объект ба санах ой, загвар функцийн ангилал, стандарт ангиллын сан, оролт гаралт функц, UML(unified modeling language)-ийн талаарх ерөнхий ойлголт, гажилт, түүнийг барьж авах технологи сэдвийн хүрээнд онолыг мэдлэг олгож сэдвийн хүрээнд програмчлах дадлага олгоно.
Програмчлалд гарсан технологийн хувьсгал гэж нэрлэдэг OOP (Object-Oriented-Programming) буюу объект хандлагат програмчлалын онолын мэдлэг эзэмшүүлж олгож, янз бүрийн түвшний бодлогыг С++ хэлээр програмчлах дадлага олгоно
Энэ хичээлээр виртуалчлал хэрэгжүүлэлт, хэрэглэгчийн платформын виртуалчлал, сервер вируталчлал, сүлжээний виртуалчлал, кластер зохиомж ба удирдлага, програм хангамжийн кластер аппликейшн, хадгалуур зэрэг сэдвийг үзнэ.
Томоохон байгууллагын үйлчилгээ эсвэл компьютерийн системийн хүчин чадал хэрэглэгчид дамжуулах өгөгдөл, тооцоолох ажил, хэрэглэгчийн тоо, хандалтын давтамж зэргээс шалтгаалж тогтмол нэмэгдэж нарийн түвэгтэй бүтэцтэй болж байна. Үүнийг үүлэн технологи, програм болон техникийн үр ашигтай зохион байгуулж системийг вируалчлах, түүнтэй холбоотой нээлттэй эхийн компонентуудаар кластер шийдэл боловсруулах, виртуал суурь бүтцэд шаардлагатай сүлжээ-хадгалуур зохион байгуулах зэргээр шийдвэрлэж байна. Эдгээр технологийг ашиглан шийдэл боловсруулах чадвартай мэргэжилтэн бэлдэх зорилготой.
Алгоритм, түүний үндсэн ойлголтууд: алгоритмын тодорхойлолт, алгоритмын чанарууд, алгоритмын үндсэн алхмууд, алгоритмыг дүрслэх хэлбэрүүд Алгоритмын төрлүүд: Шугаман, салаалсан, давталттай алгоритмууд, давталтын хэлбэрүүд Алгоритмчлах үе шатууд: Алгоритмын ерөнхий зохиомж, тоон арга сонгох, алгоритмыг шалгах, алгоритмыг шинжлэх Алгоритмын хэмжигдэхүүний төрлүүд: Хүснэгт, түүнийг боловсруулах алгоритмууд. Мөр төрөл, мөр боловсруулах алгоритмууд. Алгоритмчлалын аргууд: Комбинаторикийн алгоритмууд, дэд алгоритм, рекурсив алгоритм
Компьютерийн алгоритмын тухай үндсэн ойлголтуудтай танилцан алгоритм дүрслэх, алгоритм зохиох, алгоритмыг шалгах, алгоритмыг шинжлэх суурь мэдлэг чадварыг эзэмшинэ.
