Бидний тухай
Багш ажилтан
Энэхүү хичээлээр оюутнууд байгаль дахь уурагт бодисын тархалт, шинж чанар, Амин хүчлүүдийн бүтэц, ангилал, шинж чанар, биологийн үүрэг, анализ,Уургийн физик химийн шинж чанар, уургийн анхдагч бүтэц,уургийн секвенсинг,пептидүүдийг тодорхойлох аргууд, цагираган дихройзм, флюресценц, уургийн бүтэц тодорхойлох арга,уургийн хоёрдогч ба гуравдагч бүтэц, α-helix, β-sheet, turns, болон бусад бүтэц, уургийн ангилал, уургийн задрал нийлэгжил, хувирал, уураг, амин хүчлүүдийг ялгах, цэвэрлэх, фракцлах аргуудтай танилцаж судлана.
Энэ хичээлээр уурагт нэгдлийн бүтэц зохион байгуулалт, физик химийн шинж чанар, тэдгээрийг судлах аргуудтай танилцана
Энэхүү хичээлийг үзсэнээр оюутнууд амьдралын молекул үндэс, ус ба нүүрс-устөрөгчид, биологийн макромолекулуудын бүтэц, үүрэг, эсийн тухай ойлголт, эукариот ба прокариот эс, тэдгээрийн бүтэц,үйл ажиллагаа, эсийн хөдөлгөөн, мембраны бүтэц, үүрэг, мембраны зөөвөрлөлт, эсийн химийн найрлага, эсэд явагдах ферментэт урвал, түүний зохицуулга, Эсийн амьсгал, эсийн дотор АТФ ба энерги үүсэх, гликолиз, ГКХ цагираг урвал, электрон зөөвөрлөх гинжин хэлхээ, фотосинтез, Эсийн харилцан үйлчлэл, эсийн мейоз, митоз хуваагдал, Менделийн генетик, Удамшлын хромосомын үндэс, удамшлын молекул үндэс, ДНХ репликаци, мутаци, уургийн нийлэгжил, генийн зохицуулга, эукариотын генетик бүтэц, эукариот ба вирус дэх генийн зохицуулга, Биологийн олон янз байдлын хувьслын түүх. Филогенез хувьсал, Бактер, Археи, эгэл биетэн, Ургамлын олон янз байдал, эволюци, ургамлын бүтэц хөгжил, гормоны зохицуулга, гравитрофизм ба фототрофизм, ургамлын эс дэх усны хэрэгцээ, тэжээлийн бодисын зөөвөрлөлт, эрдэс хооллолт, микориз, ургамлын өвчин үүсгэгчид тэсвэрлэх чадвар ургамлын олон янз байдлыг судлах болно.
Энэ хичээлийг судалснаар оюутнууд амьд материйн үндсэн шинж чанарыг молекулын түвшинд судлан ойлгож молекулын түвшнээс организмын түвшин хүртэлх биологийн шинжлэх ухааны үндсэн ойлголтуудыг эзэмшинэ. Мөн энэ хичээл нь биологийн хөтөлбөрт суралцах оюутнуудад мэргэжлийн болон мэргэшүүлэх хичээлийг үзэх үндсэн суурь болно.
Тухайн хичээлд биологийн материалын физик-химийн онцлогийг харгалзан судалгааны дээж бэлтгэх, судлах арга зүй багтсан. Үүнд биополимерийг: температур, рН, гидрофоб, гидрофиль шинж чанрааран уусгаж дээж бэлтгэх,хроматогрфийн аргаар цэвэрлэх, шинжлэх. мөн гэрэл хуглах, шингээх, ойлгох чадварыг ашиглаж судлах. Төвөөс зугтаах хүч, цэнэгийн ялгаа ашигласан багаж төхөөрөмжийн ажилах зарчим багтаасан.
Биохимийн суурь онол, биохимийн судалгааны онол-практикийн мэдлэгдээр үндэслэн мэргэжлийн тувшинд биохимийн хэлээр харилцах, энэ хичээлийн логик тал нь оюутныг судалгааны арга замыг биополимерын физик-химийн шинж чанарын ялгааг ашиглан биополимерыг хэрхэн судалах арга зүйг боловсруулах мэдлэгийг олгоход оршино.
Биореакторт явагдаж буй микроорганизм, амьтан, ургамлын эд эсийн өсгөвөрлөлтийн болон ферментэт урвалын кинетикийн тухай үндсэн ойлголтууд, биореакторын бүтэц зохион байгуулалт, биореакторын дотор бодис болон дулааны шилжилт, түүний тооцоо, бодис болон энергийн солилцооны стехиометр, эсийн өсөлтийн кинетик, түүнийг судлахад хэрэглэдэг реакторууд болон тэгшитгэл, загварууд, тэжээлийн орчин ба агаарыг ариутгах, ферментацийн бүтээгдэхүүнийг тэжээлийн орчноос ялгах, цэвэрлэх, хянах аргуудын талаар үзэж судлана.
Энэхүү хичээл нь биохимийн инжежерчлэлийн үндсэн ухагдахуунууд, үйлдвэрлэлийн болон инженерийн процессд биохими болон микробиологийг хэрхэн хэрэглэх, химийн инженерчлэлийн үндсэн ойлголтыг биологид хэрхэн хэрэглэх тухай үндсэн ойлголтуудыг оюутнуудад өгнө.
Уураг, пептид амин хүчил, нуклейн хүчлүүд, өөх тос, нүүрс ус витамин, гормон, ферментийн ангилал, физик химийн шинж чанар, организмд гүйцэтгэх, тэдгээрийн солилцооны үндсэн ойлголт болон амьд бие махбодид явагдах химийн урвалуудыг судална
Энэхүү хичээлийн зорилго нь оюутнуудад амьд организмын химийн найрлагын молекул үндэс, биомолекулуудын бүтэц байгууламж, организмд гүйцэтгэх үүрэг ач холбогдол, эс эдийн дотор явагдах бодисын солилцооны механизмын талаарх үндсэн ойлголтуудыг өгнө.
Тухайн хичээл нь эсийн биомасс, анхдагч ба хоёрдах метаболит үйлдвэрлэх технологи боловсруулахад энзимийн, микробын өсөлтийн кинетик, урвалын механизм, биополимерын бүтцийг харгалзан үзэх, тооцоолох, бүтээгдэхүүнийг цэвэрлэх арга зүйг хамарсан болно.
Биологийн технологийн онол практикийн мэдлэг олгох.
