Бидний тухай
Багш ажилтан
Хичээлийн хүрээнд оюутан хотын тухай ойлголт, хотын дотоод бүтэц, хотын аялал жуулчлалын дэд бүтэц, санхүүжилт, хотын аялал жуулчлалын үйлчилгээ үзүүлэх байгууллага, аялал жуулчлалаас үүдсэн эерэг сөрөг талуудыг удирдах, хотын аялал жуулчлалыг төлөвлөж зохион байгуулах, төр, хувийн хэвшил, олон нийтийн оролцоо, хотын аялал жуулчлалын хэтийн төлөвийг судална.
Хот болон хот орчимд аялал жуулчлалыг хөгжүүлэх бодлого төлөвлөлтийн онолын мэдлэгийг эзэмшсэнээр хотын хөгжлийн гол бүрдэл болох хотын аялал жуулчлалын хөгжлийн талаар цогц мэдлэгтэй болоход оршино. Улмаар хотыг аялал жуулчлалын зорих газар болгон хөгжүүлэх нөөц бололцоог илрүүлэх, төр, хувийн хэвшил, олон нийтийн оролцоог хангах, хотыг аялал жуулчлалын зорих газар болгоход шаардлагатай санхүүжилт, бодлогын асуудлуудыг шийдвэрлэх.
Үйлчилгээний салбар, ангилал, нийгэм, эдийн засгийн үүрэг,онол, философи, парадигм, хэрэгцээ, тодорхойлолт, үйлчилгээний төрөл, ангилал, хуулийн зохицуулалт, байршил, орчин, зах зээл, газарзүйн хүчин зүйлс, үйлчилгээний шинж чанар, үйл явц, технологи, зохион байгуулалт, үйлчилгээний бизнес, сэтгэл зүй, чанарын категори, аюулгүй байдал, үйлчилгээний баталгаа, сэтгэл ханамж, хүний нөөц, ур чадвар, инновац, дизайн.
Үйлчилгээний салбар, үйлчилгээний менежментийн онол, үйлчилгээний хэрэгцээ, ангилал, хуулийн зохицуулалт, үйлчилгээний шинж чанар, үйл явц, технологи, зохион байгуулалт, үйлчилгээний бизнес, сэтгэл зүй, сэтгэл ханамж, хүний нөөц, ур чадвар, инновац, дизайны чадварын талаарх ойлголт өгөхөд хичээлийн зорилго оршино.
Урдаа тавьсан төслийн зорилгодоо зөв, үр дүнтэйгээр хүрэх нь төслийн менежментийн гол үүрэг болно. Иймээс энэ хичээл дээр доорх зүйлүүдийг судална. • Төслийн менежментийн түүхэн хандлага • Төслийн менежментийн орчин үеийн хандлага • Төслийг эхлүүлэх, төлөвлөх, зохион байгуулах, хийж гүйцэтгэх, хяналт, мониторинг хийх, төслийн хаалт гээд төслийн менежерийн хийх үйл ажиллагаанууд • Төслийн менежер, төслийн гол гурвалжин, төслийн менежментийн ерөнхий бүтэц, ажлын задаргааны хэлбэр, портфолиогийн удирдлага зэрэг сэдвүүдийг судлах болно.
Төслийн менежментийн мөн чанар, төслийн иж бүрэн төлөвлөгөө боловсруулах, төслийг удирдан зохион байгуулах, байгууллагад төслийг хэрхэн оновчтой зөв удирдах талаар олон улсын болон өөрийн орны жишээ, кэйс, дасгал дээр тулгуурлан орчин үеийн онол, арга зүй, практикийн мэдлэг, ур чадвар олгоно.
Монголоор: Зочлох үйлчилгээний байгууллагын удирдлагын орчин үеийн асуудлууд болох байгууллагын менежментийн эрх зүйн орчин, зочлох үйлчилгээний байгууллагын өрсөлдөөн, бүтээгдэхүүн, үйлчилгээний удирдлага, төслийн удирдлага, зардлын удирдлага, логистик, инновацийн хөгжил, мэдлэгийн менежмент, хөдөлмөрийн бүтээмжийн удирдлага, байгууллагын имиж, авъяас, чадварын удирдлага, харилцааны удирдлага, хамт олны хөгжил ажлын үр дүнгийн үнэлгээ, топ менежментийг танин мэдэх агуулгатай юм.
Академик компетенц: Зочлох үйлчилгээний байгууллагын орчин үеийн менежментийн онол, практикийн эх сурвалжуудыг эрж хайх, уншиж судлах, дүн шинжилгээ хийх чадамж эзэмшүүлнэ. Судалгааны компетенц: Нөхцөл байдлын судалгаа, инновацийн төсөл боловсруулах, брэнд бүтээгдэхүүн, үйлчилгээ бий болгох, бүтээгдэхүүн, үйлчилгээний үйл явцын шинжилгээ хийх, хөдөлмөрийн бүтээмжийг тодорхойлох, ажлын үр дүнгийн үнэлгээ хийх зэрэг судалгаа, шинжилгээний онолын мэдлэгт тулгуурлан практикт ашиглах зэрэг судлах, бичиж боловсруулах, тооцоолох, асуудал шийдвэрлэх цогц чадамж эзэмшинэ. Ерөнхий компетенц: Оновчтой мэдээлэл цуглуулах, шаардлагатай эх сурвалжийг ашиглах, цагийн менежмент хийх, задлан шинжлэх, нэгтгэн дүгнэх, бүтээлч шүүмжлэл, таамаглал дэвшүүлэх зэрэг ерөнхий чадамж эзэмшүүлнэ.
Зочид буудлын бизнес төлөвлөлт, стратегийн менежмент, зохион байгуулалт, мотиваци, хяналт, инновацийн менежмент, санхүүгийн менежмент, эрсдлийн менежмент, харилцааны менежмент, мэдээллийн технологийн менежмент, хүний нөөцийн менежмент, удирдлагын арга барил, менежерийн үүрэг, ур чадвар, ёс зүй, соёл.
Глобал, хувирамтгай, өндөр өрсөлдөөнтэй бизнесийн орчинд зочлох үйлчилгээний бизнесийг үр ашигтай удирдах менежментийн орчин үеийн онол, арга зүй, практикийн нарийн мэдлэг, чадварыг эзэмшүүлэхэд оршино.
Бизнес-нийгмийн систем, түүний оролцогч талууд, тэдний сонирхол, нөлөөлөл, бизнес ба засгийн газар, олон нийт, гэр бүл, бизнесийн ёс зүй, нийгмийн хариуцлага, хүрээлэн байгаа орчин, нийгмийн үнэт зүйлсийн харилцан хамаарлыг тодорхойлох аргыг эзэмшиж ёс зүй, нийгмийн хариуцлагатай менежмент, тогтвортой хөгжилийн мөн чанар, ач холбогдлыг ойлгоно.
Бизнесийн үндсэн ойлголт, түүнийг практик амьдралд хэрэгжүүлэх арга зүйн асуудлыг судлахын хамт бизнес болон нийгмийн харилцан хамаарал, бизнесийн нийгэм дахь оролцоо, ёс зүй, бизнесийн хариуцлагын талаарх асуудлыг гүнзгий ойлгуулж, нэгдсэн суурь мэдлэг олгоно. Бизнес үйл ажиллагааг зах зээлийн өөрчлөлт, шинжлэх ухаан техникийн ололт амжилт, хүний оролцоо, байгаль орчинг анхааран үзэж, ажиллагсад, хэрэглэгч, бэлтгэн нийлүүлэгч, хөрөнгө оруулагчдын эрх ашигт нийцсэн шийдвэр гаргах аргад суралцуулж, гадаад, дотоод хүчин зүйлсийн нөлөөллийг тооцон дүгнэх арга барил, чадварыг хөгжүүлэхэд чиглэнэ.
Байгууллагын зан төлөв нь байгууллага дахь харилцааг хувь хүн, бүлэг, байгууллага гэсэн 3-н түвшинд ангилан авч үзнэ. Нэгдүгээр түвшин буюу хувь хүний зан төлөв гэсэн түвшинд БЗТ-ийн ерөнхий ойлголт, бие хүний зан төлөв, хүртэхүй ба бие хүний шийдвэр гаргалт, үнэт зүйл, хандлага ба ажлын ханамж, сэдэлжүүлэлт болон стрессийн удирдлагын талаар судална. Хоёрдугаар түвшин буюу Бүлгийн зантөлөв гэсэн түвшинд бүлгийн зан төлөв, манлайлал болон эрх мэдлийн талаар ярихаас гадна зөрчилдөөн удирдлагын талаар авч үзнэ. Гуравдугаар түвшин буюу Байгууллагын зан төлөв гэсэн түвшинд байгууллагын бүтэц, дизайн, байгууллагын соёл, байгууллагын өөрчлөлт, хөгжил болон хүний нөөцийн бодлого, хэрэгжүүлэлтийн талаар судлах болно.
Байгууллагын зан төлөв /БЗТ/ хичээлээр байгууллагын зан төлвийн шинжлэх ухааны талаархи үндсэн ойлголт, судлах болсон шалтгаан, ач холбогдол, энэ шинжлэх ухааны үүсэл хөгжилд хувь нэмэр болсон менежментийн сэтгэлгээнүүдийн онцлог шинжүүдийг тайлбарлахаас гадна байгууллага дахь бие хүний зан төлвийн онцлог шинжүүд, байгууллагын бүтэц, зөрчилдөөн, соёл, манлайлал зэрэг нь байгууллагын үйл ажиллагааны үр ашигт хэрхэн нөлөөлж болохыг судална.
Аялал жуулчлалын үйлдвэрлэлийн үндсэн ойлголт, түүний төрөл хэлбэрүүд хөгжиж, ирсэн түүхэн онцлог, материаллаг бус үйлдвэрлэлийн онцлог шинж, хэрэглээ, хүн- байгаль-нийгэм-соёлын хоорондын харилцан хамаарал, хувьслын явц нь хувь хүний амралт, чөлөөт цаг аялал жуулчлалын эрэлтэнд хэрхэн нөлөөлж байгаа болон нийлүүлэлтийн зарчмуудыг судална.
Аялал жуулчлалын үйлдвэрлэлийн онцлог, түүний эрэлт нийлүүлэлтийн систем, хөгжлийн чиг хандлага, орон зай, цаг хугацааны өөрчлөлтийн хүрээнд аялал жуулчлалын үйлдвэрлэлийг явуулах аргазүйг судална.
