Бидний тухай
Багш ажилтан
Хичээлийн хүрээнд оюутан хотын тухай ойлголт, хотын дотоод бүтэц, хотын аялал жуулчлалын дэд бүтэц, санхүүжилт, хотын аялал жуулчлалын үйлчилгээ үзүүлэх байгууллага, аялал жуулчлалаас үүдсэн эерэг сөрөг талуудыг удирдах, хотын аялал жуулчлалыг төлөвлөж зохион байгуулах, төр, хувийн хэвшил, олон нийтийн оролцоо, хотын аялал жуулчлалын хэтийн төлөвийг судална.
Хот болон хот орчимд аялал жуулчлалыг хөгжүүлэх бодлого төлөвлөлтийн онолын мэдлэгийг эзэмшсэнээр хотын хөгжлийн гол бүрдэл болох хотын аялал жуулчлалын хөгжлийн талаар цогц мэдлэгтэй болоход оршино. Улмаар хотыг аялал жуулчлалын зорих газар болгон хөгжүүлэх нөөц бололцоог илрүүлэх, төр, хувийн хэвшил, олон нийтийн оролцоог хангах, хотыг аялал жуулчлалын зорих газар болгоход шаардлагатай санхүүжилт, бодлогын асуудлуудыг шийдвэрлэх.
Зан төлвийн газарзүйн хүрээнд хүний үйлдэл, харилцааг орон зай, байршил, хүрээлэн буй орчны харилцан уялдааг хамааруулан хувь хүний түвшинд судлална. Хүний зан төлөвт дүн шинжилгээ хийн тэдгээрийн зүй тогтол ялгаатай байдлыг илрүүлэн тогтоодог. Газарзүйн тоон загварууд нь хүний зан төлвийг судлагдахуундаа орхигдуулснаас бодит байдлаас ташаа үр дүн гардаг байдлыг залруулахад оршино. Хувь хүний ялгаатай үнэт зүйлс, итгэл үнэмшил, үнэлэмж, оюун дүгнэлт нь газарзүйн орон зайд шийдвэр гаргахад хэрхэн өөр өөр хандлага гаргаж байгаа учир шалтгааныг тодруулахад энэхүү хичээлийн зорилго оршино.
Ялгаатай үндэстнүүдийн сэтгэхүйн болоод зан төлвийн онцлог, шийдвэр гаргалт, байгаль, нийгэмд хандах хандлагууд орон зайн цаг хугацааны орчилд хэрхэн хувьсан өөрчлөгддөг болох газарзүйн суурь онолын мэдлэгийг олж авахад оршино. Улс үндэстний газарзүйн ялгаатай байдалд улбаалан бий болсон сэтгэхүйн болоод зан төлвийн зүй тогтлыг нийгэм эдийн засгийн хөгжлийн хандлагыг тодорхойлоход хэрхэн харгалзах арга зүйг эзэмшинэ. Бүс нутгийн харилцаанд улс үндэстнүүд зан төлвийн газарзүйн онолын суурь ойлголт түүнд нийцсэн арга зүйг өөрийн онцлогт нийцүүлэн үр ашигтайгаар ашиглах, хөгжлийн зөв гарцыг олж нэвтрүүлэхэд оршино.
Геоморфологийни шинжлэх ухааны судлах зүйл, судалгааны аргууд, рельефийн тухай ерөнхий ойлголт, рельефийн ангилал, геологийн бүтэц ба рельеф, рельеф бүрдүүлэгч эндоген үйл явцууд: магматизм ба рельеф, галт уулшил, метаморфизм ба рельеф, рельефийн тектоникийн хэлбэрүүд, экзоген үйл явцууд ба рельеф: өгөршил ба рельеф бүрдэл, хажуугийн үйл явцууд, хажуугийн рельеф, флювиаль үйл явцууд ба рельеф, карст, карстын рельефийн хэлбэрүүд, гляциаль үйл явц ба рельеф, рельеф бүрэлдэн тогтоход нөлөөлөх антропоген үйл явцууд, хүний аж ахуйн үйл ажиллагаа рельефт нөлөөлөх нь, рельеф нь ландшафтын хэв шинж бүрэлдэх, газарзүйн /байгалийн/ хил заагийг тогтоох үндсэн нөхцөл болох нь
Геоморфологи хичээлээр газрын гадаргын /рельефийн/янз бүрийн хэлбэрүүд тэдгээрийн үүсэл хөгжил, динамик, бүрэлдэн тогтоход нөлөөлөх хүчин зүйлс, тэдгээртэй холбоотой явагдах үйл явцууд, байгалийн болоод аж ахуйн нөлөө, үр дагавар, геоморфологийн шинжлэх ухааны аргуудтай танилцаж, ашиглалтын онцлог, ач холбогдлын тухай судална.
Хурал зөвлөгөөн, бизнесийн уулзалт, үзэсгэлэн яармаг, урамшууллын аяллын тухай үндсэн ойлголт, түүний төрөл хэлбэрүүд, орон нутгийн ба олон улсын чанартай хурал зөвлөгөөний орчин үеийн чиг хандлага, хурал зөвлөгөөн, бизнес уулзалтын байгууламжийн төлөвлөлт, байршлын менежмент, олон улсын хурал зөвлөгөөн зохион байгуулах дүрэм журам, протокол, ёс зүй, маркетинг, борлуулалт, урамшууллын тухай судлаж зохион байгуулахад шаардлагатай санхүүгийн эх үүсвэрийг бий болгох, идэвхжүүлэх үйл явдлыг эрсдэл багатайгаар зохион байгуулах, үйл ажиллагааг үнэлэх тайлагнах арга зүйд суралцна
Өнөөдөр дэлхийн гол зорих газруудын үндсэн бүтээгдэхүүн болсон олон сая долларын бизнес болох хурал зөвлөгөөн бизнесийн уулзалт, үзэсгэлэн яармаг, урамшууллын аяллын тухай үндсэн ойлголттой болж аялал жуулчлалын зорих газрын брэндинг, дүр төрх бий болгох, аялал жуулчлалаас орон нутгийн нийгэм, соёл, эдийн засаг, улс төрийн орчинд оруулах хувь нэмрийг нэмэгдүүлэх, үндэстэн хоорондын соёлын солилцоог бэхжүүлэн сурталчлах, олон улсын болон бүс нутгийн чанартай хурал зөвлөгөөн, уулзалтыг зохион байгуудах арга зүйд суралцна.
