Бидний тухай
Багш ажилтан
“JF Япон хэлний боловсролын стандарт 2010” хөтөлбөрийн үндсэн чиг баримтлалд тулгуурлан, Өдөр тутам энгийн харилцаанд хэрэглэдэг 1000 орчим үгийн сангийн мэдлэгтэй болох бөгөөд 166 ханз үсгийг хэрэглэж сурна. Ингэхдээ тэдгээртэй холбоо бүхий ярих сонсох, унших бичих дадлагатай болж тодорхой хэмжээнд өөрийн санаа бодлоо илэрхийлэх чадвар эзэмшинэ.
Япон хэлний боловсролын олон улсын JF стандартад тулгуурлан, өдөр тутмын үйл, гэр бүл, амьдрах орчин, амралт чөлөөт цаг, цаг хугацаа, орон зай, хичээл сургууль, зам тээвэр, идээ ундаа, худалдаа үйлчилгээ, эрүүл мэнд, баяр цэнгээн, аялал жуулчлал гэх мэт сэдвээр унших, сонсох, ярих, бичих, өөрийн хэрэгцээгээ энгийн үг хэллэг ашиглан илэрхийлэхэд шаардагдах А2 шатны суурь мэдлэг, чадвар олгоно.
“JF Япон хэлний боловсролын стандарт 2010”-ын үндсэн чиг баримтлалд тулгуурлан, япон хэлний хирагана, катакана цагаан толгойн 96 үсгийн дуудлага, бичлэг, нийлэмж, тэмдэглэгээ, 150 орчим дүрс үсгийн унших, бичих, хэрэглэх арга, япон хэлний хэл зүйн айн үндсэн ойлголтууд, япон хэлний тэмдэг нэр, үйл үгийн хувилах хэлбэрийн дүрмүүд, өгүүлбэрийн бүтэц, найруулга зэргийг судална. Хүний өдөр тутмын үйл, гэр бүл, амьдрах орчин, амралт чөлөөт цаг, цаг хугацаа, орон зай, хичээл сургууль, зам тээвэр, идээ ундаа, худалдаа үйлчилгээ, эрүүл мэнд, баяр цэнгээн, аялал жуулчлал зэрэг сэдвийн хүрээнд Can-Do statements-Би чадна илэрхийллийн дагуу монгол хүнд зориулсан сургалтын хэрэглэгдэхүүн ашиглан сонсож, уншиж, бичиж, харилцан ярьж сурна.
“JF Япон хэлний боловсролын стандарт 2010”-ын үзэл баримтлалд тулгуурлан, хүний өдөр тутмын үйл, гэр бүл, амьдрах орчин, амралт чөлөөт цаг, цаг хугацаа, орон зай, хичээл сургууль, зам тээвэр, идээ ундаа, худалдаа үйлчилгээ, эрүүл мэнд, баяр цэнгээн, аялал жуулчлал гэх мэт сэдвийн хүрээнд унших, сонсох, ярих, бичих, өөрийн хэрэгцээгээ энгийн үг хэллэг ашиглан илэрхийлэхэд шаардагдах А1 шатны суурь мэдлэг, чадвар олгох зорилготой. Can-Do statements-Би чадна илэрхийллээр томьёолсон хичээлийн зорилтын дагуу монгол хүнд зориулсан сургалтын хэрэглэгдэхүүн ашиглан сонсож, уншиж, бичиж, харилцан ярьж сурахад хичээлийн ач холбогдол оршино.
Тухайн эхэд гарч буй салбарын үг хэллэг, өгүүлбэр хоорондын, эх хоорондын уялдаа холбоо, сэдвийн өрнөл зэргийг сайтар ойлгон, тухайн зохиогчийн илэрхийлж буй гол агуулга, мэдээлэл, үзэл бодол зэргийг уншиж ойлгох, гол санааг товчлох, тухайн сэдэвтэй холбоотой өөрийн үзэл бодлоо илэрхийлэх, бусдын үзэл бодлыг сонсох, мэтгэх зэрэг аргаар уншиж ойлгох, уншсан сэдвийн талаар өөрийн үзэл бодлыг илэрхийлж сурна.
Төрөл бүрийн сэдвээр бичсэн эх уншин, хэлзүйн нарийн утга, хэрэглээ бүхий үг хэллэгийн дасгал, ойлгож боловсруулах дасгал хийх замаар “Япон хэлний боловсролын стандарт”-ын B2 түвшний уншиж ойлгох чадвар эзэмшүүлэх зорилготой.
Япон хэлний олон улсын боловсролын JF стандартын ангиллын үзэл баримтлалд тулгуурлан А1, А2 шатны хэлзүйн мэдлэг, чадвар, дадал олгоно. Япон хэлний хэлзүйн айн үндсэн ойлголтууд, япон хэлний тэмдэг үг, үйл үгийн хувилах хэлбэрийн дүрмүүд, өгүүлбэрийн бүтэц, найруулга зэргийг судална.
Хүний өдөр тутмын үйл, гэр бүл, ажил мэргэжил, хичээл сургууль, боловсрол, амьдрах орчин, улирал цаг агаар, идээ ундаа, эрүүл мэнд, цаг хугацаа, орон зай, зүг чиг, амралт чөлөөт цаг, баяр цэнгээн, худалдаа үйлчилгээ, аялал жуулчлал гэх мэт сэдвээр унших, сонсох, ярианд оролцох, учир холбогдолтой ярих, бичих, өөрийн хүрээлэн буй орчин, ойр зуурын хэрэгцээгээ энгийн үг хэллэг ашиглан илэрхийлэхэд шаардагдах суурь мэдлэг болох япон хэлний хэлзүйн А1, А2 шатны мэдлэг олгох зорилготой.
