Бидний тухай
Багш ажилтан
Нягтлан бодох бүртгэлийн тухай ойлголт, түүхэн хөгжлийн үе шат, өнөөгийн хандлага, нягтлан бодох бүртгэлийн төрөл, тэдгээрийн судлах зүйлс, хамрах хүрээ,баримтлах үндсэн зарчмуудын талаарх ерөнхий мэдлэгийг олгоно. Мөн ажил гүйлгээний баримтжуулалт, хөрөнгийн тооллого, дансны давхар бичилт зэрэг нягтлан бодох бүртгэлийн аргыг ашиглан аж ахуйн нэгж, байгууллагын ажил гүйлгээг бүртгэлд тусгаж (баримтжуулах, ерөнхий ба туслах журнал хөтлөх, ерөнхий болон туслах дэвтэр хөтлөх, тохируулах бичилт хийх, хаалтын бичилтийн өмнөх ба дараах шалгах баланс бэлтгэх, ажлын хүснэгт бэлтгэх), санхүүгийн тайлан бэлтгэн гаргахарга зүйг судална
Энэхүү хичээл нь аж ахуйн нэгж, байгууллагын эдийн засгийн үйл явцыг илэрхийлсэн олон тооны ажил гүйлгээг үнэлэн ангилж, нэгтгэн дүгнэх, үр дүнг нь тодорхойлох, улмаар санхүүгийн тайлан бэлтгэх ерөнхий зарчим, арга зүйг оюутанд эзэмшүүлэх зорилготой. Мөн бизнесийн байгууллагын санхүүгийн тайланг унших, үнэлэлт дүгнэлт өгөх анхан шатны чадварыг эзэмшүүлэх, бусад хичээлийн онолын суурь мэдлэг олгох зорилготой.
Бүртгэлийн програм хичээл нь Санхүүгийн бүртгэл 1, Бүртгэлийн мэдээллийн систем хичээлүүдийн залгамж хичээл бөгөөд нягтлан бодох бүртгэлийн мэргэжлээр мэргэшин суралцаж байгаа оюутнуудын заавал судлах хичээл юм. Санхүүгийн бүртгэл хичээлээр тооцоолж, бүртгэлийн мэдээллийн систем хичээлээр боловсруулсан баримт мэдээнд үндэслэн компьютерээр болон нягтлан бодох бүртгэлийн програм ашиглан ажил гүйлгээг боловсруулах арга зүйг уг хичээлээр судална.
Нягтлан бодох бүртгэлийн мэргэжлээр суралцаж буй оюутанд компьютер ашиглан баримт боловсруулах, журналын бичилт хийх, санхүүгийн болон бусад тайлан гарцуудыг бэлтгэх үйл ажиллагааны талаар онолын мэдлэг олгохын зэрэгцээ бүртгэлийн програмашиглан санхүүгийн болон бусад тайлангуудыг гаргах арга зүйг эзэмшүүлэхэд энэхүү хичээлийн зорилго оршино.
Бизнесийн байгууллагын хөрөнгө, эх үүсвэрт гарсан ажил гүйлгээгцаг тухайд нь анхан шатны буюу үндсэн баримтыг бүрдүүлж, зохих дансдаар нь ангилан, журнал, ерөнхий данс хөтөлж, санхүүгийн тайланг англи хэлээр бэлтгэн гаргах арга зүйг судална. Хичээл нь Канадын Сургалтын Академийн “Basicbookkeeping Level I, Basicbookkeeping Level II” хичээлүүдээс бүрдэх ба “Basicbookkeeping Level I” хичээлээр нягтлан бодох бүртгэлийн дансны дебет, кредит талуудын утга, давхар бичилтийн систем, хувь хүний орлогын тайлан, өмчийн тайлан, худалдан авалтын, борлуулалтын, мөнгөн орлогын болон мөнгөн зарлагын журнал, цалингийн тооцоо, ерөнхий журнал, ерөнхий данс, тохируулгын бичилт хийх зэрэг асуудлуудыг, “Basicbookkeeping Level II” хичээлээр нягтлан бодох бүртгэл хөтлөлтийн горимууд, бизнесийн байгууллагын хэлбэрүүд, жижиг мөнгөн сангийн бүртгэл, банкны тохируулга хийх, үндсэн хөрөнгийн бүртгэл, элэгдэл тооцоолох аргууд, орлогын тайлан, эзэмшигчдийн өмчийн тайлан, санхүүгийн байдлын тайлан, санхүүгийн тайлан бэлтгэх асуудлуудыг авч үзнэ.
Суралцагчдын нягтлан бодох бүртгэлийн мэргэжлийн англи хэлний мэдлэгийг дээшлүүлэх, бизнесийн байгууллагын анхан шатны баримтанд үндэслэн ерөнхий ба тусгай журнал, ерөнхий ба туслах дэвтэр хөтлөх замаар англи хэл дээр иж бүрэн санхүүгийн тайлан бэлтгэх арга зүйг эзэмшүүлсэнээр оюутнуудын Нягтлан бодох бүртгэлийн үндэс, Санхүүгийн бүртгэл I хичээлээр эзэмшсэн онолын мэдлэгийг практиктай уялдуулах, үйлдвэрлэлийн дадлагыг илүү үр ашигтай хийх нөхцлийг бүрдүүлэх зорилготой. Оюутнууд энэ хичээлийг амжилттай судалсанаар нягтлан бодох бүртгэл, бизнесийн англи хэлний мэдлэгийн түвшин дээшлэх, аж ахуйн нэгжүүдийн иж бүрэн санхүүгийн тайланг анхан шатны баримтанд үндэслэн гаргах чадварыг эзэмших, гадаадын хөрөнгө оруулалттай болон хамтарсан хөрөнгө оруулалттай аж ахуйн нэгж, гадаадын төслүүд, олон улсын байгууллагад ажиллах боломж нэмэгдэх ач холбогдолтой.
