Бидний тухай
Багш ажилтан
Хэрэглэгчийн онолоор үнэ/цалин/зээлийн хүүгийн өөрчлөлтийн худалдан авалт, сайн сайхан байдалд үзүүлэх нөлөө, зах зээлийн сул талууд болох тодорхой бус байдал, тэгш бус мэдээлэл, дам нөлөө болон нийгмийн барааг судалж, тэдгээрийг шийдвэрлэх арга замыг тайлбарлана. Мөн нэг зах зээл дээрх өөрчлөлт нь нийт зах зээлийн системд хэрхэн нөлөөлөхийг ерөнхий тэнцвэрийн онолоор судална. Тэнцвэрийн үед эдийн засгийн үр ашиг хэрхэн хангагдаж байгааг баялгийн онолоор гүнзгийрүүлэн судална.
Хэрэглэгчийн онолыг гүнзгийрүүлэн судалж,зах зээлийн сул талууд болох тэгш бус мэдээлэл, дам нөлөөний талаар мэдлэгтэй болж, ерөнхий тэнцвэрийг судалж хувь хүн болон аж ахуй нэгжийн үйл хөдлөлийг тухайн зах зээл болон ерөнхий тэнцвэрийн хүрээнд энгийн тайлбар өгөх чадвартай болоход оршино.
Хэрэглэгчийн онолоор үнэ/цалин/зээлийн хүүгийн өөрчлөлтийн худалдан авалт, сайн сайхан байдалд үзүүлэх нөлөө, зах зээлийн сул талууд болох тодорхой бус байдал, тэгш бус мэдээлэл, дам нөлөө болон нийгмийн барааг судалж, тэдгээрийг шийдвэрлэх арга замыг тайлбарлана. Мөн нэг зах зээл дээрх өөрчлөлт нь нийт зах зээлийн системд хэрхэн нөлөөлөхийг ерөнхий тэнцвэрийн онолоор судална. Тэнцвэрийн үед эдийн засгийн үр ашиг хэрхэн хангагдаж байгааг баялгийн онолоор гүнзгийрүүлэн судална.
Хэрэглэгчийн онолыг гүнзгийрүүлэн судалж, зах зээлийн сул талууд болон ерөнхий тэнцвэрийг судалж хувь хүн болон аж ахуй нэгжийн үйл хөдлөлийг тухайн зах зээл болон ерөнхий тэнцвэрийн хүрээнд энгийн тайлбар өгөх чадвартай болоход оршино.
Уг хичээлээр оюутнууд микроэкономикс, макроэкономиксийн онолын сууринаа өрх гэрүүд, пүүсүүд, тухайлбал хэрэглэгчийн сонголтын онол, эрэгтэй эмэгтэй хүмүүсийн сонголтын ялгаа, энэ ялгааны улмаас үүсэж буй технологийн сонголт, хөдөлмөрийн зах зээлийн оролцоо, цалингийн зөрүү, түүний шалтгаан, орлогын ялгаа, ядуурал, эдийн засгийн өсөлтөд үзүүлэх нөлөө, олон улсын худалдаа, гадаадын шууд хөрөнгө оруулалт, санхүү, төсвийн бодлогын үр нөлөө, эдийн засгийн өсөлт ба жендерийн асуудал, эдийн засгийн хямралын нөлөө зэрэг сэдвүүд, бодлогын зохицуулалтыг ахисан түвшинд онолын, загварууд талаас нь зааж, энэ чиглэлийн судалгааны аргачлал, загваруудыг таниулах, тайлбарлах, дадлагажуулах хичээл юм.
“Жендерийн эдийн засаг” хичээл нь шинэ сонгодог, mainstream онолын чиглэлүүдэд, загваруудад бодит амьдрал дээр тод байгаа жендерийн асуудлыг оруулж ирж танилцуулах, оюутнуудад жендерийн микро болон макро эдийн засгийн шинжилгээний гол гол концепц, онолын чиглэлүүд, загварууд, тэдгээрийн хэмжилтийн аргууд эзэмшихэд, цаашид энэ чиглэлээр судалгаа хийхэд туслах зорилготой хичээл юм.
\Оюутнууд боловсролын зах зээл гэж юуг хэлж байгаа, боловсролын эрэлтийг хэрхэн хэн хийдэг, боловсролын нийлүүлэлт хэрхэн явагдаж байдаг талаар судалсны дараа боловсролын үйлдвэрийн функцийн хэмжилт, үйлдвэрлэлийн гарцыг нэмэгдүүлэхэд нөлөөлөх хүчин зүйлс тухайлбал, нэг багшид ноогдож байгаа сурагчийн тоо, багшийн тоо хэмжээ, чанар, сургуулийн дэд бүтэц, эцэг эхийн боловсрол, орлого зэргийг судална. Боловсролын үйлдвэрийн функцийг үзсэний дараа сургуулийн санхүүжилт, санхүүжилтийн томьёо, сургалтын төлбөр, сургалтын төлбөрийн мэдрэмжийг хэрхэн хэмжих, боловсролын санхүүжилтийн зардал-үр ашгийн, зардал-үр дүнгийн, зардал-ханамжийн түвшинг хэрхэн тооцох, хэмжих талаар судлан. Хичээлийн хоёрдугаар хагаст хүмүүн капитал, сигналын онол, боловсрол, цалингийн хамаарал нь ажлын туршлага, салбар, хүйс, нас, байршил, гэр бүлийн байдлын хувьд ямар ялгаатай байдаг талаар судална. Сүүлийн сэдэв бол боловсролын салбарт төрийн оролцоо ямар байх ёстой, боловсролын чанарын асуудал, стандарт, боловсролын байгууллагуудын магадлан итгэмжлэх, хувьчлал, сонголтыг хэрхэн хангах асуудлуудыг хамарна.
“Оюутнууд боловсролын эдийн засаг гэж юуг хэлдэг, боловсролын эдийн засагт үүсэж байгаа асуудлууд, түүнийг хэрхэн эдийн засгийн талаас нь хэмжиж, шийдэх талаар үндсэн ойлголттой болно. Үүнд боловсролын эрэлт, нийлүүлэлт, зах зээл, боловсролын үйлдвэрийн функц, боловсролын санхүү, боловсролд оруулж буй хөрөнгө оруулалтын эдийн засгийн үр ашгийг боловсролын байгууллага, боловсрол олж авч байгаа хувь хүн, нийгмийн түвшинд авч үзэх бөгөөд багшийн хөдөлмөрийн зах зээл, боловсролын салбарт төрийн оролцоо ямар байх талаар судална.
Магистр, докторантууд боловсролын эдийн засгийн гол 6 асуудлууд онолын болон хэрэглээний эконометриксийн аргуудыг хэрэглэн боловсролын үйлдвэрийн функц нь сургуулийн өмнөх насны боловсрол, бага, дунд болон дээд боловсролын хувьд ямар байх талаар эдгээрийн хэмжилт, эдийн засгийн өсөлт ба боловсролын хамаарал, сургуулийн санхүүжилт, санхүүжилтийн томъёо, хүмүүн капиталд оруулсан хөрөнгө оруулалтын үр өгөөж₮ийг Mincer тэгшитгэлээр хэрхэн тооцох, боловсролын санхүүжилтийн зардал-үр ашгийн, зардал-үр дүнгийн, зардал-ханамжийн түвшинг хэрхэн тооцох, хэмжих, төрөөс боловсролын салбарт явуулах бодлогын талаар судлана.
Уг хичээл нь боловсролын эдийн засгийн үндсэн зургаан гол сэдвүүдийг онолын болон эконометрик судалгааны талаас нь сүүлийн үеийн судалгааны тайлан, өгүүлэл дээр тулгуурлан заана.
