Бидний тухай
Багш ажилтан
Туршилтын сэтгэл судлалын үүсэл, хөгжил, туршилтын хувьсагчууд, туршилтыг хэрхэн төлөвлөх талаар мэдлэгтэй болохын зэрэгцээгээр сэтгэц-физикийн аргын туршилт, хариу үйлдлийн хугацааны туршилт, сэрэл, хүртэхүй, ой тогтоолт, сэтгэлийн хөдөлгөөнийн туршилтуудыг хэрхэн төлөвлөх, хэрхэн хийх талаар судална.
Туршилтын сэтгэл судлал хичээлийг үзэж судалсанаар ерөнхий сэтгэл судлалын хичээл дээр үзсэн сэтгэцийн процессуудыг туршилтын аргаар хэрхэн тодорхойлж болох, туршилтыг хэрхэн төлөвлөх талаар мэдлэг чадвартай болгоход оршино.
Сэтгэл судлалын түүхийн тойм, эртний сэтгэл судлалын үзэл санаа, эртний грекийн сэтгэл судлал, дундад зууны үеийн сэтгэл судлалын үзэл санааны эх сурвалж, өрнөдийн сэтгэл судлалын үзэл санаа, соён гэгээрүүлэх үеийн сэтгэл судлалын үзэл санаа, одоо үеийн өөрчлөлт шинэчлэлтийн сэтгэл судлалын үзэл санаа, германд бий болсон туршилтын сэтгэл судлал, эртний америкад сэтгэл судлал үүсч хөгжсөн нь, эртний францад сэтгэл судлал үүсч хөгжсөн нь, эртний британид сэтгэл судлал үүсч хөгжсөн нь, 2 дахь германд сэтгэл судлал үүссэн нь Wurzburg-ийн сургуулийхан, гештальт сэтгэл судлал, америкад бихевиоризм бий болсон нь, 2 дахь францад сэтгэл судлал үүссэн нь, женевийн сургууль, 1920-1930 аад онд үүссэн /социалист орнууд/ сэтгэл судлал,
Уг хичээлийг судалснаар оюутан сэтгэл судлалын шинжлэх ухааны тухай үзэл баримтлал, онолын урсгал чиглэл, сургуулиуд хэрхэн үүсэж хөгжсөн түүхэн тоймтой танилцана. Мөн сэтгэл судлалын шинжлэх ухааны хөгжилд үнэтэй хувь нэмэр оруулсан эрдэмтдийн намтар уран бүтээлтэй танилцаж бусад салбар шинжлэх ухааны үзэл ойлголтыг харьцуулан судлах мэдлэг чадвар эзэмшинэ. Үүнд: Сэтгэл судлалын шинжлэх ухаан нь хэрхэн үүсч хөгжсөн талаарх ойлголтыг дараах түүхийн үе шатуудад тоймлон авч үзэж харьцуулан танин мэдэж онолын мэдлэг эзэмшинэ. Сэтгэл судлалын шинжлэх ухаанд үнэтэй хувь нэмэр оруулсан эрдэмтдийн үзэл баримтлалтай танилцаж онолын мэдлэгээ гүнзгийрүүлнэ. Эртний Дорнын болон Өрнийн сэтгэл судлалын үзэл санааны гол мөн чанарыг танин мэдэж харьцуулан сэтгэл судлалын шинжлэх шинжлэх ухааны мөн чанарыг танин мэднэ. Орчин үеийн сэтгэл судлалын хөгжлийн түүхтэй танилцаж онол болон практикын мэдлэгээ дээшлүүлнэ.
(“Монголын угсаатны зүй” хичээлээр угсаатан үндэстэн бүрэлдэх үйл явцын талаарх онолын ойлголтод тулгуурлан Монголчуудын угсаатан болж төлөвшсөн онцлог, орчин үеийн үндэстэн хэмээх ойлголт, угсаатны үүсэл бүрэлдэлд угсаатны хэл, ахуй, соёл, улс төр, засаг захиргаа, хоол унд, шашин шүтлэг, билэг зүй, … зэрэг хүчин зүйлс ямар үүрэгтэй оролцдог ба угсаатны гадаад ба дотоод харилцааны мөн чанар, угсаатны сэтгэлгээ ухамсар, угсаатны зөрчлийн талаар авч үзнэ. Мөн Монгол улсын төрөөс явуулж байгаа угсаатан үндэстний бодлого, социализмын үед хийгдэж байсан угсаатны зүйн судалгаа, монголчуудын гарал үүслийн зэрэг маргаантай байгаа зарим асуудлыг шүүмжлэлт аргаар авч үзэх юм.
“Монголын угсаатны зүй” хичээл нь суралцагчдад угсаатны ижилсэл бүрэлдэх үйл явц, угсаатны ижилсэлд нөлөөлөх хүчин зүйлс, соёл, угсаатны орчин үеийн хөгжил хувьслын асуудал, угсаатны зөрчил, түүний шалтгаан зэргийг Монгол угсаатны бүрэлдлийн түүх, соёлын жишээгээр танилцуулж угсаатны тухай онолын болон практик мэдлэг эзэмшүүлж монголын соёл угсаатны зүйн судалгаа хийх чадамжтай мэргэжилтэн болгох ба суралцагчийг эх оронч сэтгэлгээтэй иргэн төлөвшүүлэх зорилготой.
Тус хичээлээр мэдээлэл боловсруулах үйл явц дахь тархины үйл ажиллагааг судлах судалгааны аргуудын талаар болон хүртэхүй, анхаарал, ой тогтоолтын ажиллах зарчим, асуудал шийдвэрлэх, мэргэжлийн ур чадварт суралцах зэргийг танин мэдэх онолоор тайлбарлана.
Энэхүү хичээлээр хүний юмс үзэгдлийг танин мэдэх, мэдээлэл боловсруулах үйл явцад сэтгэцийн процесс болох хүртэхүй, анхаарал, ой тогтоолтын ажиллах зарчим, түүнчлэн хэл яриа, сэтгэхүй, асуудал шийдвэрлэх чадвар зэргийг танин мэдэх онолын үүднээс тайлбарлах мэдлэг чадвартай болгоход хичээлийн зорилго, ач холбогдол оршино.
Боловсролын хөгжлийн зүй тогтол, чиг хандлага, мэдлэгийн нийгэмд боловсролын гүйцэтгэх үүргийн талаарх суурь ойлголт, суралцахуйн онол, арга зүйн үндэс, тэнхимийн болон цахим орчинд сургалтыг зохион байгуулах хэв загвар, хөтөлбөрийн агуулга, сургалтын үр дүнг үнэлэх арга зүйн талаарх суурь мэдлэг, тэдгээрийг хэрэглэх арга зүй.
Боловсролын суурь ойлголт, суралцахуйн онол, арга зүйн үндсэн мэдлэг, түүнийг сургалтын үйл ажиллагаанд хэрэглэх чадварыг эзэмшүүлэх.
Боловсролыг нийгмийн үзэгдэл болохын хувьд судлан, түүний үүсэл, хөгжлийн түүх, хөгжлийн хандлагын талаар мэдлэг эзэмшин боловсролын тогтолцоо, түүний шинэчлэл, боловсролын бодлого, үйл ажиллагааны чанарын талаар дүн шинжилгээ хийж сурахад чиглэнэ.
Боловсрол судлалын үүсэл, хөгжил, хандлага. Боловсрол судлалын судлах зүйл. Зорилт, үндсэн категори. Боловсрол судлал. Шинжлэх ухааны салбарууд. Боловсрол түүний мөн чанар. Зорилго, агуулга. Боловсролын тогтолцоо. Түүний уламжлал, шинэчлэл. Боловсролын хүртээмж чанар.
Байгууллагын сэтгэл судлалын судлагдахуун, судалгааны аргууд, байгууллага дахь эрх мэдэл, манлайллын сэтгэл зүй, байгууллага, түүний доторх сургалт, сэдэлжүүлэлт, бүлгийн сэтгэл зүй, байгууллага дахь харилцаа, сонгон шалгаруулалт, байгууллага дахь стресс, байгууллага дахь зөрчлийн сэтгэл зүй, байгууллага дахь бие хүний хандлага, бүтээмж ба шийдвэр гаргалт
Нийгмийн сэтгэл судлал хичээлийг үзсэнээр байгууллагын зан үйлийн судалгаа, шинжилгээ, оношилгоо хийхэд шаардлагатай мэдлэг, мэдээлэл өгөх, ажилтны зан үйл, карьер хөгжил, байгууллагын иргэний зан үйлийн хөгжлийн ач холбогдлыг тайлбарлах, таамаглал дэвшүүлэн бие даасан судалгаа шинжилгээ хийх, байгууллагын удирдлагуудад, ажилтнуудад ажлын байрны сэтгэл зүйн асуудлаар зөвлөгөө өгөх чадвар эзэмшүүлэх, байгууллагын эрх мэдэл, удирдлага, сонгон шалгаруулалтын үйл ажиллагаанд сэтгэл судлалын үүднээс хандах чадвартай болж, эрдэм шинжилгээ судалгааны ажилд байгууллагын сэтгэл судлалын асуудлыг хөндөн судлах.
