Бидний тухай
Багш ажилтан
Энэ хичээлээр хөдөлгөөнт үүрэн холбооны үндсэн зарчим болон одоогийн ба төлөвлөгдөж буй үүрэн холбооны системүүдтэй танилцана. Давтамжийн дахин ашиглалт, холболтын процесс, тархалтын унтрал, олон замын тархалт, замхралыг багасгах аргууд, FDMA болон TDMA, CDMA, OFDM модуляцын арга техникүүд зэрэг сэдвийг агуулан судална.
Утасгүй холбоо. Утасгүй холбооны системүүд. Утасгүй холбооны спектр ба стандартууд. Тархалтын замын алдагдал ба сүүдэрлэлтийн загвар. Олон замын тархалттай сувгийн статистик загвар. Нарийн ба өргөн зурвасын замхралын загвар. Жигд ба давтамжаас хамааралтай замхралттай сувгийн багтаамж. Дохионы орон зайн анализ. Нэвтрүүлэх зурвасын модуляцийн зарчим. Амплитуд, фаз ба давтамжийн модуляци. Тэмдэгтийн синхрончлол ба зөөгчийн фаз сэргээлт. Утасгүй суваг дахь тоон модуляцийн үзүүлэлт. Тусгаар замхралттай замыг сонгох. Хүлээн авагч ба нэвтрүүлэгчийн зөөлт. Шугаман блок, нугалсан ба турбо кодууд. Сулралттай сувгийн кодлол ба ээлжилэлт. Зохицох аргууд. Хувьсах хурд ба чадалтай MQAM. Ерөнхий M-зэргийн модуляци. Нарийн зурвасын MIMO загвар. Орон зай цаг хугацааны модуляци ба кодлол. Тэнцүүлэлт. Олон зөөгчийн модуляци. Тархсан спектр ба CDMA
Энэ хичээлээр радио долгион тархалтын шинж төрхөд тааруулсан утасгүй холбооны онол ба хэрэглээний талаар суурь мэдлэг олгож утасгүй холбооны системүүдийн ялгаа мөн чанарыг ойлгодог болгоно. Энэ нь орчин үеийн өгөгдөл, дуу ба дүрс дамжуулах системийн үндэс суурь болж байна.
Тоон холбооны системийн бүтэц, энтропи, харилцан мэдээлэл, мэдээллийн эхийн кодлол, холбооны систем ба дохионы онол, AWGN суваг, оптимал хүлээн авагч ба түүний алдааны магадлал, сувгийн багтаамж, Шанноны шугиант сувгийн кодлолын теорем, төгсгөлөг талбар дээрх блок код, конволюцэн код, Витерби алгоритм, олон замын тархалтат суваг, эквлайзерууд (шугаман, decision-feedback), сувгийн үнэлгээ, OFDM модуляци, замхралт сувгийн загварчлал ба түүний адаптив үнэлгээ.
Энэхүү хичээлээр инженерийн математикийн (шугаман алгебр, магадлал г.м.) мэдлэгээ ашиглан тоон мэдээлэл дамжуулах онолын үндсийг судалж, орчин үеийн холбооны системийг анализ, дизайн хийх, алгоритм зохиох чадварыг оюутнуудад олгоно. Лабораторийн ажлаар өөрсдийн ойлгосон болон зохиосон алгоримтмууд, тоон холбооны системээ Матлаб орчинд анализ хийж, хардвар (FPGA, USRP) болон софтвар (C++) хэрэгжүүлэлт хийх дадлага олж авна.
Энэхүү хичээлийн суралцах сэдвүүд: тасралттай-хугацаат дохио ба систем, тасралттай-хугацаат системийн шинж чанарууд, шугаман хугацаа-инвариант систем, тасралттай конволюц, тогтмол коэффициенттэй шугаман ялгаврын тэгшитгэл, тасралттай-хугацаат Фурье хувиргалт ба түүний шинж чанарууд, z-хувиргалт ба түүний шинж чанарууд, урвуу z-хувиргалт, тасралтгүй-хугацаат дохионоос түүвэрлэх, түүвэрлэлтийн давтамжийн домэйн дахь илэрхийлэл, тасралтгүй-хугацаат дохиог сэргээн байгуулах, А/Т ба Т/А хувиргалт, шугаман хугацаа-инвариант системийн хувиргалтын анализ, тасралттай-хугацаат FIR ба IIR системийн бүтэц, FIR ба IIR шүүлтүүрийг зохиох арга техникүүд, тасралттай Фурье хувиргалт.
Энэхүү хичээлээр тасралттай-хугацаат дохио ба системийн үндэс, түүний хэрэглээ болон түүвэрлэлт, конволюц, шүүлт, тасралттай Фурье хувиргалт зэрэгт суралцах зорилготой. Энэ хичээл нь тоон дүрс болон ярианы дохио боловсруулалт, хэвээр танилт, дууны ба видео өгөгдөл боловсруулалт, тоон холбооны систем зэрэг хичээлүүдийн урьтамж буюу тэдгээрийг үзэхэд чухал ач холбогдолтой.
Цахилгаан соронзон орон дахь хадгалагдах хууль, Потенциал ба орон, Цахилгаан соронзон долгион ба түүний янз бүрийн орчин дахь тархалт, Цахилгаан соронзон долгионы цацаргалт ба антенны үндэс, Электродинамик ба харьцангуйн тусгай онол.
Энэ хичээлээр Максвеллийн тэгшитгэл бичигдсэний дараагаар түүний урьдчилан таамаглаж улмаар туршилтаар нотлогдсон цахилгаансоронзон долгионтой холбоотой сэдвүүдыг физик үндэслэлтэй, Максвеллийн дифференциал тэгшитгэлд тулгуурлан инженерийн хэрэглэгээтэй хослуулан судлана. Энэ хичээлд математикийг уламжлалт маягаар зөвхөн загварчлал, тоо бодлого, лимит дээр тулгуурласан биш, төгсгөлгүй бага тоонд тулгуурласан байгалийн хууль зүйг бичдэг цорийн ганц хэл гэдэг хандлагаар хэрэглэж цахилгаан соронзонгийн хуулиудын математик бичилт нь цээжлэх ёстой дагалдах томъёо биш харин хуулиудын цорын ганц илэрхийлэл болохыг заана. Цахилгаан соронзон оронгийн хууль зүй тогтолыг бичсэн Максвеллийн тэгшитгэл хэдийгээр 150 гаран жилийн өмнө бичигдэж шалгарсан төгс зүйл боловч түүнийг тайлбарлах ойлгох хандлага нь үргэлж өөрчлөгдөж ирсэн, амьд үйл явц болохыг харуулна.
Дохио. Дохионы ангилал. Дохионы энерги ба чадал. Үл хамаарах хувьсагчийн хувиргалт. Үндсэн дохионууд. Тасралтгүй-хугацаат ба тасралттай-хугацаат систем. Системийн үндсэн шинж чанарууд. Шугаман хугацаа-инвариант (ШХИ) систем. ШХИ Системийн импульсийн тодорхойлогч. Конволюц нийлбэр ба интеграл. ШХИ системийн шинж чанарууд. ШХИ системийн ялгаврын ба дифференциал тэгшитгэл. Тасралтгүй-хугацаат Фурье цуваа. Тасралттай-хугацаат Фурье цуваа. Тасралтгүй-хугацаат Фурье хувиргалт. Тасралтгүй-хугацаат Фурье хувиргалтын шинж чанарууд. Тасралттай-хугацаат Фурье хувиргалт. ШХИ системийн давтамжийн тодорхойлогч. Идеал ба бодит шүүлтүүр. Нэг ба хоёрдугаар эрэмбийн систем. Түүвэрлэлт. Лаплас хувиргалт. z-Хувиргалт.
Энэ хичээл нь дохио ба системийн анализын үндсийг тасралтгүй ба тасралттай-хугацаат дохиог дүрслэх (онцгой функцүүд, комплекс экпоненциаль, Фурье хувиргалт, Лаплас хувиргалт, z хувиргалтын) болон шугаман хугацаа-инвариант системийг илэрхийлэх (дифференциал ба ялгаврын тэгшитгэл, блок диаграмм, системийн функц, конволюц, импульсийн ба шилжилтийн тодорхойлолт, давтамжийн тодорхойлолтуудын) аргуудад тулгуурлан үзэж судална. Эдгээрийн хэрэглээ нь дохио боловсруулалт, автомат удирдлага, холбоо, электроник зэрэг инженерчлэлийн салбаруудад өргөн тохиолддог.
Динамик системийн загварчлал, MIMO, LTI систем, матрицын perturbation, төлвийн огторгуй, төлвийн тэгшигтгэл, дискрет хугацааны болон тасралтгүй хугацааны загварууд, Ляпунов тогворжилт, гэдрэг холбоотой систем, удирдагдах болон ажиглагдах байдал, робаст удирдлага, H2 болон H∞ удирдлага
Дулааны цахилгаан станци, роботикс, хувьцааны зах зээл зэрэг динамик шинж чанартай системийг ойлгох, тэдгэрийг удирдах нь орчин үеийн кибернетикийн салбарын том бодлого. Энэхүү хичээлээр практикт тааралдах аливаа динамик системийг математик загварчлалд оруулж, түүнийг олон талаас нь тайлбарлана. Мөн гэдрэг холбоотой систем оруулж удирдах алгоритмуудыг үзнэ.
