Бидний тухай
Багш ажилтан
Сурган-сэтгэл судлалын болон хөгжлийн ерөнхий түвшинг тогтоох тестүүдийг зөв хэрэглэж, зөв оношилж, үр дүнг зөв тайлбарлах, яагаад сурган-сэтгэл зүйн оношилгоо чухал, тухайн хүүхдэд сургалтын ямар орчин бүрдүүлэх талаар тайлбар, зөвлөгөө өгөх, хөтөлбөрийн удирдамж боловсруулах чадвар олгоход шаардлагатай мэдээлэл, мэдлэгийг олгоно. Иймд, хөтөлбөрийн агуулгад Сурах үйлийн сэтгэл зүй, Хэвийн ба хэвийн бус хөгжил, Оюун ухааны болоод зан байдлын эмгэг зүй, Завсрын байдлууд, Эмнэл зүйн хувьд төсөөтэй өөр өөр эмгэг, хөгжлийн өөр өөр хоцрогдлын ялгавартай Сэтгэл зүйн тестүүд, Сэтгэцийн оношилгооны тестүүд, Сургалтын хөтөлбөрийн удирдамж боловсруулах, сургалтын орчны үнэлгээгэх гэх мэт агуулгыг хамрана.
Сургалт хүмүүжил, төлөвшлийн ахиц өөрчлөлтийг хангахад суралцагчийн танин мэдэхүйн болоод бие хүний онцлог шинж, нийгмийн болоод сургалтын орчоос хамаардаг тул сурган-сэтгэл зүйн оношилгооны ур чадвар онцгой ач холбогдолтой юм. Энэхүү хичээлийн зорилго нь оюун ухааны, амжилтын, хэл ярианы, зан байдлын, бие хүний онцлогийн оношлох, мэргэжлийн болон карьер хөгжлийн сэтгэл зүй, өмнөх туршлага, түвшин тогтоох судалгаа, оношилгооны аргазүйг эзэмшүүлэхэд оршино. Оюутнууд сурган-сэтгэл зүйн оношилгооны чиглэлээр мэргэшиж, сурлагаар хоцрох, зан байдлын аливаа өөрчлөлт, сэтгэцийн ижил төрлийн илрэл бүхий эмгэгийг ялган оношилж сургалтын явцад засан сайжруулах, нөхөн сэргээх ажлыг гэр бүлтэй хамтран оновчтой зохион байгуулахад шаардлагатай мэдлэг, чадвартай болно. Мөн сурган –сэтгэл зүйн оношилгооны чиглэлээр мэргэшсэн боловсон хүчин бэлтгэгдэнэ.
Б.Блумын таксоном. Сургалтын үнэлгээний практик асуудлууд. Суралцахуйн үр дүн юу вэ? Сургалтын үнэлгээ хийх чадвар нь судалгааны чадвар болох нь. Хичээлийн болон хөтөлбөрийн үр дүнг эргэцүүлэх, нягтлах, тодорхой болгох. Хэмжиж болохуйц, маш тодорхой томъёолсон суралцахуйн үр дүн. Нямбай боловсруулсан үнэлгээний арга зүй, аргачлал. Үнэлгээний үр дүнг боловсруулах. Үнэлгээний тайлан ба түүний хэлэлцүүлэг. Явцын болон төгсгөлийн үнэлгээний хэлбэрүүд. . .
Сургалтын үнэлгээний онол арга зүйн онолын болон практик мэдлэг, чадвар эзэмшүүлнэ. Сургалтын үнэлгээний талаарх онолын болон практик мэдлэгтэй болох нь сургалтын чанар, үр дүнг тасралтгүй, чанартай зохион байгуулах нөхцөл, боловсон хүчин бэлтгэгдэнэ .
Сургалтын технологи нь сурган хүмүүжүүлэх үйл ажиллагааны үр дүнг хангахад чиглэсэн багш, сурагчдын оролцоог нэмэгдүүлэх онол арга зүйг судалдаг. Хичээлээр Монголын болон гадаад улсын шилдэг сургалтын технологийн талаар мэдээлэл өгч, судлуулан, сургалтын өнөөгийн үйл явцыг сайжруулах арга замыг тодорхойлох, түүнийг хангахад шаардлагатай мэдлэг, чадварыг оюутан эзэмшинэ. Сургалтын технологи, түүний хөгжил, орчин үеийн сургалтын дэвшилтэт арга хэлбэрүүд. Ээлжит болон нэгж хичээлийн хөтөлбөр боловсруулан сурагчдын авъяас чадварыг хөгжүүлэх арга зүй эзэмшинэ. Ерөнхий боловсрол эзэмших эрэлт хэрэгцээг хангах зорилгоор хичээлд бэлтгэх, зохион байгуулах, сургалтын дэвшилтэт арга техникийг хэрэглэх талаар мэдээлэл өгч, өнөөгийн ЕБС-ийн туршлагад дүн шинжилгээ хийнэ.
Сургалтын технологийг судалснаар оюутан сургалтыг ерөнхий боловсролын сургуулийн түвшинд зохион байгуулах онол, аргазүйг эзэмшинэ. Сурагчдын сурах сэдлийг төрүүлэх, идэвхжүүлэх, бүтээлч, бие даасан сэтгэхүйг хөгжүүлэх аргазүйтэй танилцуулна. Ингэснээр мэргэжлийн дидактик судлах, багшлах дадлагад гаргах боломж бүрдэнэ.
Хичээлийн гол агуулга Сурах чадварын үнэлгээ, Заах арга зүй ба сургалтын хэлбэрүүд, Сурагчдын оролцоо ба сэдэл, Нийгмийн суралцахуй, Сурагчдын зан байдал гэсэн сэдвийн хүрээнд байна. Тухайлбал, Сэдэл ба хэрэгцээ, Зан байдлын онцлог, Сургалтын идэвхтэй аргууд, Сургалтын бүтээлч, нээлттэй орчин, багшийн ёсзүйн нөлөө, Нийгмийн суралцахуйн онолууд, Сэтгэл судлаачийн ёс зүйн асуудал, Сэтгэц оношилгоо, Суралцагчдын бие хүний ялгаа, ондоошил, Оюун ухааны бэрхшээл, Танин мэдэхүйн үйлийн судалгааны аргууд, түүнийг практикт хэрэгжүүлэх чадвартай болгох бие даалт, семинар, судалгааны ажлуудыг хамарна.
Сурган хүмүүжүүлэх үйл явц, хүүхэд залуучуудын сурах, нийгэмших үйл явцыг сэтгэл зүйн үндсийг Сурах чадварын үнэлгээ, Заах арга зүй ба сургалтын хэлбэрүүд, Сурагчдын оролцоо ба сэдэл, Нийгмийн суралцахуй, Сурагчдын зан байдал гэсэн чиглэлээр тайлбарлахад шаардлагатай онол, арга зүйн мэдлэг, чадвар эзэмшүүлнэ.
Дээд боловсрол эзэмшүүлэх сургалтын технологи. Сургалтын технологийн тогтолцоо түүний хөгжлийн үе шат. Лекц, семинар зохион байгуулах арга зүй. Лабораторийн хичээлийн бэлтгэл, зохион байгуулах арга. Техник аюулгүйн дүрэмтэй танилцуулах, түүнийг хатуу мөрдүүлэх асуудал. Үйлдвэрлэлийн дадлага, түүнд тавигдах шаардлага. Оюутны бие даалтыг ажил, түүний төрөл. Тэдгээрийг зохион байгуулан, гүйцэтгүүлэх, хамгаалуулах асуудал. Сурах, сургах соёл, түүний мөн чанар. Дээд сургуулийн сургалтын технологийн тогтолцоо, түүний бүрэлдэхүүн хэсгийн талаар иж бүрэн мэдлэг олгож, сургалтын технологийн тогтолцоонд дүн шинжилгээ хийж, түүнийг удирдах арга зүйг судлахад чиглэгдэнэ. Бие хүнд чиглэсэн сургалтын технологи. Инноваци сургалт: давуу ба сул тал. Асуудал шийдвэрлэх сургалт: давуу ба сул тал. Загварчлах сургалтын технологи. Хамтран ажиллах технологи. Үйл ажиллагааны ба эрэгцүүлэх технологи. Төслийн технологи. Янз бүрийн түвшний сургалт. Суралцагчийн бүтээлийн сан. Хөгжлийн сургууль. “Ургуулах” зарчим.
Дээд боловсрол эзэмшүүлэх сургалтын технологи. Сургалтын технологийн хөгжил, түүнд нөлөөлөх хүчин зүйл. Сургалтын техологи, түүний зарвар. Лекц, семинар зохион байгуулах арга зүй. Лабораторийн хичээлийн бэлтгэл, зохион байгуулах арга. Техник аюулгүйн дүрэмтэй танилцуулах, түүнийг хатуу мөрдүүлэх асуудал. Үйлдвэрлэлийн дадлага, түүнд тавигдах шаардлага. Оюутны бие даалтыг ажил, түүний төрөл. Тэдгээрийг зохион байгуулан, гүйцэтгүүлэх, хамгаалуулах асуудал. Сурах, сургах соёл, түүний мөн чанар. Дээд сургуулийн сургалтын технологийн тогтолцоо, түүний бүрэлдэхүүн хэсгийн талаар иж бүрэн мэдлэг олгож, сургалтын технологийн тогтолцоонд дүн шинжилгээ хийж, түүнийг удирдах арга зүйг судлахад чиглэгдэнэ.
Боловсрол нийгэм-хувь хүн. Боловсролын шинэчлэл, тогтвортой хөгжлийн боловсрол. Даяарчлал ба боловсролын бодлого. Боловсрол бие хүн, соёл тэдгээрийн хамаарал. Боловсролын загвар стандарт, чанар, үнэлгээ, тогтолцоо, агуулга зэрэг асуудлын талаарх онол, үзэл баримтлал багтана.
боловсролын хөгжил, шинэчлэл ба нийгэм, биехүний хөгжлийн хамаарлыг судлан дүн шинжилгээ хийхэд суралцахад чиглэнэ. Боловсролын хөгжил, шинэчлэл ба нийгэм. Тогтвортой хөгжил ба боловсрол. Даяарчлал ба боловсрол. Тасралтгүй боловсрол. Боловсрол, бие хүн, соёл, тэдгээрийн хамаарал. Боловсролын загвар, стандарт. Боловсролын чанар ба үнэлгээ. Боловсролын уламжлалт ба орчин үеийн тогтолцоо. Боловсролын агуулга, түүний бүтэц, боловсролын агуулгыг тодорхойлох онол арга зүй зэрэг асуудлыг судлана.
Энэхүү ахисан шатны хичээл нь: (i) Унших ба Бичих чадвар (receptive skills), (ii) Сонсох ба Ярих (Productive skills) гэсэн хоёр үндсэн хэсгээс бүрдэнэ. Унших ба Бичих чадварын хичээл нь найман төрлийн салбар шинжлэх ухааны тэргүүлэх сэдвүүдийн хүрээнд оюутнуудын академик эх сурвалжуудтай (видео, текст г.м.) ажиллах, бусад эх сурвалжаас мэдээлэл цуглуулж, бүтцийн түвшинд анализ хийж унших, төрөл бүрийн бичвэрийн онцлог, ялгааг ойлгож судалгаа хийж, төлөвлөн бичих академик чадварыг хөгжүүлэхийн зэрэгцээ англи хэлний хэл зүй, үгсийн сан, өгүүлбэрийн бүтэц, утга зүйг оновчтойгоор хэрэглэж сургахад чиглэсэн цогц хичээлүүдээс бүрдэнэ. (ii) Сонсох ба Ярих (Productive skills) хичээл нь мөн адил найман салбар шинжлэх ухааныг тойрсон хамгийн сүүлийн үеийн асуудлуудын талаарх лекц, видео сонсох, анализ, дүгнэлт хийх, асуудлыг тодорхойлох, үнэлэх, шийдэл санал болгох академик чадварыг хөгжүүлэхэд чиглэх төдийгүй эдгээрт хэрэгтэй үгсийн сан, хэл зүй, өгүүлбэрийн бүтэц зэрэг хэлний чадварыг олгоход чиглэсэн агуулгатай.
Энэхүү хичээлийн ерөнхий зорилго нь англи хэлний дунд шатны мэдлэгтэй оюутнуудад их дээд сургуульд амжилттай суралцахад шаардлагатай академик англи хэлний мэдлэг, ур чадварыг эзэмшүүлэхэд оршино. Энэ хичээлийн зорилгуудыг Унших, Бичих, Ярих болон Сонсох чадвараар задалвал: • Бичих чадварын хүрээнд: Академик үгсийн санг өргөжүүлэх, өгүүлбэрт оновчтой хэрэглэх, хэл зүйн дүрмүүдийг ашиглан зөв өгүүлбэр бичих, эссэний төрөл, бүтцийг зөв төлөвлөн бичих, эх сурвалжийг зөв ишлэх, бүтээлийн хулгайгаас зайлсхийж сурах. • Унших чадварын хүрээнд: Академик текстүүдийн бүтцийг таних, анализ хийх, гол санаа болон дэмжих санааг ялган таних, зохиогчийн байр суурийг ухаж ойлгох, эх сурвалжийн найдвартай байдал, холбогдлыг нягтлах, үнэлэх, нэр томъёо, шинэ үг хэллэгийн санг өргөжүүлэх. • Ярих чадварын хүрээнд: Академик илтгэл тавих, семинар хэлэлцүүлэгт үр дүнтэй оролцож, өөрийгөө илэрхийлэх, оновчтой асуулт асуух, хариулах, баримт нотолгоогоор дэмжих, дохио үгүүдийг яриандаа зөв ашиглах, англи хэлний дуудлага, өргөлтийг зөв хэрэглэх. • Сонсох чадварын хүрээнд: лекц, семинарын үеэр тэмдэглэл хөтлөх, гол санаа, дэмжих санааг ялган ойлгох, лекцээр авсан мэдээлэлдээ анализ хийх, дүгнэлт гаргах, дохио үгүүдийг зөв ойлгох, ярианы өнгө аяс, хандлагыг таних.
