Бидний тухай
Багш ажилтан
Химийн технологийн үндсэн ойлголтууд, хүдрээс металл боловсруулах технологийн процессууд (гидрометаллурги, пирометаллурги)-ын ерөнхий ойлголт, аж үйлдвэрүүдийн ангилал, хүнс, нэхмэл ноос, мод, арьс шир, металл ба металл бус эрдэс түүхий эд боловсруулах үйлдвэрүүд, химийн үйлдвэрүүд, химийн үйлдвэрийн ангилал, химийн үндсэн үйлдвэрүүд, резин ба мяндасны үйлдвэр, электрохими, гальваникийн процесс, тэсрэх бодис үйлдвэрлэх технологи, металлын зэврэлтийн процесс, хөдөө аж ахуйд хэрэглэгдэх химийн бодисын үйлдвэрлэл, эмийн үйлдвэрлэл, цавуу болон бүрхэх материалын үйлдвэрлэл, саван болон цэвэрлэгээний бодисын үйлдвэрлэл, бусад химийн бодисын үйлдвэрлэл, химийн үйлдвэрийн хөгжлийн чиг хандлага
Химийн үйлдвэрүүд, тэдгээрийн ангилал, химийн процесс бүхий уул уурхайн болон боловсруулах аж үйлдвэрүүдийн түүхий эд, түүхий эдийг бэлтгэх, боловсруулалтын технологийн арга аргачлал, эх орны зарим үйлдвэрүүдийн болон эх орондоо байгуулах боломжтой зарим үйлдвэрүүдийн технологийн үндсэн ойлголтуудтай танилцах.
Инженерийн төслийн эрсдэл, төслийн тооцоолол хийхэд шаардлагатай эдийн засгийн үндэслэл, тооцоолол, үйлдвэрлэлийн зардлууд, түүний ангилал, бүтээгдэхүүний өөрийн өртөг, үйлдвэрлэлийн процессын сонголт, байршлын сонголт, хүчин чадлын сонголт зэрэг үйлдвэрлэлийн менежментийн асуудлууд, үйлдвэрлэлийн төсөлд оруулах хөрөнгө оруулалт, хөрөнгө оруулалтаа өртгөөр нөхөн төлөх хугацаа тооцоолох аргууд
Инженерчлэлийн үйл ажиллагаа болон тооцооллын явцад гарч болох эрсдэлүүд болон түүнээс хэрхэн сэргийлэх, үйлдвэрлэлийн зардлуудыг хэрхэн тооцох, бүтээгдэхүүн болон инженерчлэлийн үйл ажиллагааны өртөг, үйлдвэрлэлийн үйл ажиллагааны ашиг, ашигт ажиллагааны түвшин зэргийг хэрхэн тооцох зэрэг үйлдвэрлэлтэй холбоотой техник эдийн засгийн тооцоо хийх дадлагыг оюутнуудад эзэмшүүлэх, үйлдвэрлэлийн эдийн засгийн талаар мэдлэгийг олгох, менежментийн тухай ерөнхий ойлголт өгч, үйлдвэрлэлийн хүчин чадал, байршлыг хэрхэн оновчтой сонгох, материалын болон хүний нөөцийг хэрхэн зохион байгуулах, төлөвлөх талаар мэдлэгийг эзэмшүүлэх зорилго агуулна.
Хөдөлмөрийн нөхцөл ба үйлдвэрлэлийн аюултай, хортой хүчин зүйлс, тэдгээртэй холбоотой хууль эрх зүйн зохицуулалт, үйлдвэр, аж ахуйн газрын аюулгүй ажиллагааны болон эрүүл ахуйн үндсэн шаардлагууд, химийн бодисын хоруу чанар, ангилал, бүтэц, физик шинж чанараас хамаарах зүй тогтол, дэлхий нийтээр химийн бодисын ашиглалт, тээвэрлэлт, хадгалалтын үеийн аюулгүй ажиллагааг хангахад мөрдөгдөж буй нэгдсэн нэг системийн тухай үндсэн ойлголтууд, химийн лабораторитой холбоотой зайлшгүй мэдэх шаардлагатай аюулгүй ажиллагааны дүрэм, ажлын байрны эрсдлийг тодорхойлох, үйлдвэрлэлийн үйл ажиллагаанаас үүдэлтэйгээр хүрээлэн буй орчинд үзүүлж болох сөрөг үр дагавар тэдгээрээс хэрхэн хамгаалах талаар судлах болно.
Суралцагчдад үйлдвэрлэлийн орчин болон тэдгээрийг бүрдүүлэгч хүчин зүйлсийн тухай ерөнхий мэдлэг олгох, үйлдвэрлэлээс хүрээлэн буй орчин ба тухайн үйлдвэрлэлийн ажилчдад үзүүлэх сөрөг үр дагавар, гарч болох эрсдлийг үнэлэх болон урьдчилан сэргийлэх, хамгаалах арга хэмжээг хэрхэн боловсруулах талаарх мэдлэгийг олж авах, үйлдвэрлэлийн нөхцөлд аюулгүй байдлыг хангах чадварыг эзэмшүүлэх зорилготой.
Химийн технологийн үндсэн ойлголтууд, химийн технологид физик-химийн гол хууль, зүй тогтлыг хэрэглэх, Химийн үйлдвэрт хэрэглэгдэх түүхий эд, ус түүнийг боловсруулах, бэлтгэх аргууд, үйлдвэрт хэрэглэгдэх процессууд түүний ангилал, хэрэглэгдэх багаж, тоног төхөөрөмж, тэдгээрийн бүтэц, ажиллах зарчим зэргийг судална.
Технологийн схемийг унших, технологийн процессуудыг таниж, ангилж ялгах, технологийн бүдүүвч схемийг боловсруулах, технологийн шат дамжлагуудыг хянах, бүтээгдэхүүний гарцыг сайжруулах арга замыг сонгох, технологийн зохистой горимыг тогтоох, технологийн балансыг тооцоолох, туршилт судалгааны үр дүнд дүгнэлт хийх чадварыг эзэмшүүлэх.
Органик биш хүчлүүдийн үйлдвэрлэлийн технологи, давс, эрдэс түүхий эд боловсруулахад хэрэглэх үндсэн процессуудын физик химийн үндэс, фазын дүрэм, хоёр болон гурван компонент системийн политермийн диаграмыг систем дэх үндсэн компонентүүдийн хайлах, буцлах, талсжих температуруудын тусламжтайгаар байгуулан тэдгээрийг ялгах, салгах технологи, цахилгаан химийн аргаар идэмхий натрий үйлдвэрлэх, соодын үйлдвэр, металлурги болон силикатын технологи зэрэг багтана.
Энэхүү хичээлийг судалж буй оюутнуудыг органик бус химийн үйлдвэрийн түүхий эд материалтай танилцах, түүнийг боловсруулах, технологийн процессын үндсэн шат дамжлагууд болон тэдгээр процессын физик химийн үндэстэй танилцаж онолын мэдлэгтэй болох, технологийн процессыг явуулах нөхцөлийг тодорхойлон тухайн үйлдвэрийн технологийн бүдүүвч боловсруулж техник эдийн засгийн үндэслэлийг боловсруулах чадвартай болгох
Гравитацын баяжуулалтын аргууд, соронзон болон цахилгаан баяжуулалтын аргууд, флотацын баяжуулалтын аргуудын онолын болон баяжуулатын арга технологи, Гадаргын шинж, чанар, гидрофобжилт, хоёр болон гурван фазын хязгаар, тэнцвэр, хэрэглэгдэх урвалжууд, ангилал эрдэстэй харилцан үйлчлэл, хүдрийн бүтцийн онцлог, генетикийн нөлөлөл, баяжуулалтын аргын схемийг боловсруулах аргачилал, хүдрийг баяжуулах практикийн тойм зэрэг багтана.
Энэхүү хичээлийг судалж буй оюутнууд хүдрийн баяжуулалтын бүх аргуудтай нарийвчлан танилцах бөгөөд дэлхийд нөөцөөрөө томд тооцогдох манай орны зэс молибдений хүдрийн баяжмал үйлдвэрлэж буй Эрдэнэт үйлдвэрт хэрэглэж буй флотацын баяжуулалтын онолын болон технологийн нарийн мэдлэг эзэмших, баяжуулалтын чиглэлээр мэргэших
