Бидний тухай
Багш ажилтан
Төрийн хяналтын тухай ерөнхий ойлголт, төрийн хяналтын үзэл баримтлал хөгжлийн чиг хандлага, үүсэл хөгжил, хэлбэр, төрөл онцлог, агуулга, эрх зүйн орчин, гадаад дотоод орчин, хууль эрх зүйг хэрэгжүүлэхтэй холбогдсон харилцаа, хяналтын механизмын уялдаа холбоо, төрийн хяналт нь систем мөн болох нь. Хяналтын эрх зүйн орчин, стандарт, хэм хэмжээ, төрийн хяналтад оролцогч талууд, парламентын хяналт, засгийн газрын хяналт, шүүхийн хяналт, төрийн санхүүгийн хяналт, олон нийтийн хяналт, дотоод хяналт, төрийн хяналтын байгууллагууд, төрийн хяналтад иргэдийн оролцоо чухал болох нь, төр ба иргэдийн итгэл, арга хэрэгсэл, гүйцэтгэх арга аргачлал, үр дүн, үр нөлөө, дахин хяналт, хяналтын орчил эргэлт, хяналт ба хариуцлага, олон улсын туршлагаас онол, арга зүйн мэдлэгийг системтэй эзэмшүүлэхэд оршино.
Урьдчилж судалсан байх хичээлүүдийн түвшинд олж авсан мэдлэгт тулгуурлан төрийн хяналтын тухай үндсэн ойлголт, үүсэл хөгжил, хэлбэр, төрөл онцлог, агуулга, эрх зүйн орчин, хэрэгжүүлэхтэй холбогдсон харилцаа, хяналтын механизмын уялдаа холбоо, төрийн хяналт нь систем мөн, төрийн хяналтад оролцогч талууд, төрийн хяналтын байгууллагууд, төрийн хяналтад иргэдийн оролцоо чухал болох нь, гүйцэтгэх арга аргачлал, үр дүн, үр нөлөө, хяналт ба хариуцлага, олон улсын туршлагаас онол, арга зүйн мэдлэгийг системтэй эзэмшүүлэхэд оршино.
Орон нутгийн удирдлагын тухай ойлголт, орон нутгийн удирдлагын үүсэл хөгжил, түүний судлах зүйл. Орон нутгийн удирдлагын онолын ойлголт, орон нутгийн удирдлагын онолын урсгалууд; суурь үзэл баримтлалууд. Орон нутгийн удирдлагын талаарх үндсэн хууль болон бусад хууль эрх зүйн орчины тухай ерөнхий ойлголт, төрийн захиргаа ба орон нутгийн захиргааны адил болон ялгаатай талууд. Орон нутгийн засаг захиргааны бүтэц, орон нутгийн захиргаадын бие даасан байдал, орон нутгийн засаг захиргааны удирдлага, хөдөө орон нутгийн захиргаа, хотуудын удирдлага, орон нутгийн анхан шатны байгууллагууд, мега хотууд ба том хотууд, засаг захиргаа нутаг дэвсгэрийн удирдлагын тогтолцоо, аймаг, нийслэл, сум дүүргийн иргэдийн төлөөлөгчид, иргэдийн төлөөлөгчдийн хурал, орон нутгийн удирдлагын процесс улс төрийн тухай ойлголт, улс төрийн тогтолцоо, улс төрийн тогтолцооны гол элементүүд, улс төрийн тогтолцооны институтүүд; сонгууль ба орон нутгийн удирдлага: Төв засгийн газар ба орон нутгийн засаг захиргаадын хооронд төсвийн хариуцлагыг хуваарилах нь, “Төсвийн федерализм”: гол асуудлууд, төв-орон нутгийн санхүүгийн харилцааны ерөнхий зарчмууд, төсвийн төвлөрлийг сааруулах нь: давуу ба сул талууд, босоо тэнцвэргүй байдал: чиг үүрэг ба татварын хуваарилалт, хэвтээ тэнцвэргүй байдал төв-орон нутаг хоорондын төсвийн шилжүүлэг, орон нутгийн захиргааны зээллэг. Орон нутгийн удирдлага ба үйлчилгээний байгууллагуудын тухай ойлголт төвлөрлийг сааруулж төрийн үйлчилгээг хүргэх нь, нийгмийн халамжийн салбарын үйлчилгээний байгууллагууд; , нийтлэг үйлчилгээ үзүүлдэг сургууль, эмнэлэг, холбоо, харилцаа, эрчим хүч гэх мэт нийгмийн хамгаалалын салбар дахь орон нутгийн удирдлагын оролцоо. Орон нутгийн удирдлагын хяналтын төрлүүд; хяналтын үзүүлэлтүүдийн систем; Хяналт хэрэгжүүлэх байгууллагууд; хяналтын горим; хяналтын үе шат; хяналтын үр дүнд авч хэрэгжүүлэх арга хэмжээ. Орон нутгийн хөгжлийн төлөвлөлтийн тухай ойлголт, төрийн салбарын шинэчлэл ба төлөвлөлт, хөгжлийн төлөвлөлтийн үндсэн асуудлууд, орчны нөхцөл байдлын шинжилгээ, хөгжлийн зорилго стратегиа тодорхойлох, хөгжлийн төлөвлөлт ба бүсчилсэн хөгжлийн асуудал, орон нутгийн санаачлага. Орон нутгийн удирдлагын ядуурлын эсрэг бодлого, тэмцэлийн тухай ойголт, шилжилт ба ядуурал, ядуурлыг хэрхэн тодорхойлох, ядуурлыг хяналтад авах, ядуурлын эсрэг тэмцлийн стратеги-олон улсын туршлагаас, эрч хүч гарцыг орон нутгаас эрэлхийх. Орон нутаг ба хүний нөөцийн тухай ойлголт, хүний нөөцийн систем, орон нутгын төрийн захиргааны ХНМ, төрийн албан хаагчин бүтэмж, бүтээмжийг хэмжих систем. Иргэдийн эрх үүрэг, иргэд шууд болон шууд бусаар орон нутгийн удирдлагын үйл ажиллагааг хянах нь; иргэний нийгмийн байгууллагын тухай ойлголт, орон нутгийн удирдлага дахь иргэний нийгмийн байгууллагуудын оролцоо, иргэний танхимын үйл ажиллагаа. Дэлхийн байгал орчны өнөөгийн байдал, байгал орчныг хамгаалах ажилд орон нутгийн удирдлагын оролцоо, байгал орчныг хамгаалахад иргэдийн оролцоо, орон нутгийн санаачлага. Мэдээллийн ил тод байдлын судалгаанд контент-анализийг хэрэглэх; шинэ дэвшилтэд төрөл хэлбэрүүд, олон нийт, хэвлэл мэдээлэл. Нутгийн өөрөө удирдах ёсны хэрэгжилтийг хангах нь сайн засаглалын нэг чухал нөхцөл, төвлөрлийг сааруулах нь нутгийн өөрөө удирдах ёсны хөгжлийн чухал нөгцөл болох тухай. Америк, франц, Швед улсын нутгийн удирдлагын тогтолцоо.
Орон нутгийн удирдлага хичээлийн зорилго нь орон нутгийн түвшний засаглалын хүрээний буюу бодлого, үйл явцын төвлөрлийг сааруулах, иргэд ба байгууллагын гүйцэтгэх үүрэг, тэдгээрийн харилцан холбоо, орон нутгийн ардчилал болон орон нутгийн захиргааны ажлын гүйцэтгэлийн асуудлуудын онол, арга зүйн мэдлэг олгоход оршино.
Удирдлагыг баримтаар хангах нь удирдахуйн циклийн чухаг хэсэг бөгөөд энэ нь баримт бичгийг албан ёсны болгох, албан баримтыг хөтлөх, боловсруулах, хадгалах нарийн үйл ажиллагааны чиглэл юм. Албан баримтыг хэдийчинээ зөв, соёлтой, цэгцтэй боловсруулахаас удирдлагын шийдвэр гаргалт төдийчинээ цаг алдалгүй, оновчтой гарах нөхцөл хамаарч байдаг. Баримт бичгүүдэд тухайн байгууллагын үйл ажиллагаа илэрч байдаг. Аливаа улсын үйлчлэн буй хууль эрх зүйн хэм хэмжээний дагуу албан баримтыг боловсруулах, хөтлөх, хадгалах нь тухайн байгууллагын эрх ашгийг ханган хамгаалах зорилготой нийцэхээс гадна удирдлагын хөдөлмөрийн бүтээмжийг нэмэгдүүлж байдаг. Орчин цагт удирдлагыг баримтаар хангах нь зөвхөн өгөгдсөн журам стандартын дагуу баримт бичгийг боловсруулах, түүний гүйцэтгэлд нь хяналт тавихаар хязгаарлагдахгүй бөгөөд удирдлагын мэдээллийг боловсруулах үүрэг бүхий аливаа мэргэжилтний эзэмшвэл зохих арга зүй, техник, мэдлэгийн цогц мөн гэж ойлгоно. Албан баримтын хэрэглээ нь тэдгээрийг зохих зориулалт, зарчим, шаардлагын дагуу зөв боловсруулахаас эхлэнэ. Хичээлийн хүрээнд албан баримтын үндсэн төрлүүд, тавигдах шаардлагатай танилцахын зэрэгцээ семинарын хичээлээр бие даан албан баримт боловсруулах дадал чадвар эзэмшинэ. Баримтын эргэлт, баримтын урсгал, түүнийг төгөлдөржүүлэх, баримтын сангийн өгөгдөлтэй ажиллах зэрэг онолын мэдлэгийг практик дадалтай хослуулан эзэмшинэ. Баримтыг хадгалах нь мэдээллийг хадгалах, түүний найдвартай байдлыг хангах болохыг ойлгож явцын болон урт хугацааны хадгалалтын үндсэн технологийн талаар ойлголттой болно. Орчин цагийн удирдлагын үйл ажиллагааны ихээхэн чухаг хэсэг нь хэлэлцээ байдаг. Иймд хичээлийн хүрээнд хэлэлцээний талаар үндсэн суурь ойлголтыг олгоно. Үүнд, Хэлэлцээ хийх ухаан ба урлагийн хөгжил, өнөөгийн байдал. Хэлэлцээ хамтын үйл явц болохыг ойлгуулж, хэлэлцээ явуулах арга хэлбэрүүдийг заана, хэлэлцээний орчин ба талуудын зөрчлийг даван туулах арга замуудыг харьцуулна.Хэлэлцээний амжилт албаны эелдэг харьцаа, ёс зүйгээс хамаарахыг ойлгуулна.
Албан хэрэг, баримт бичиг хөтлөлтийн онолын ойлголт, мөн чанар, ач холбогдол, үндсэн үүрэг, түүхэн уламжлал, эрх зүйн орчин, нийтийн удирдлагын байгууллага дах албан хэрэг, баримт бичиг хөтлөлтийн онцлог, зориулалт, нэр төрөл, ангилал, боловсруулах үе шатууд, тэдгээрт тавигдах ерөнхий шаардлага, зарчим, найруулга, хэл зүй, стандарт бүрдлүүд, архивт баримт бичгийг шилжүүлэх, хадгалах горим, хугацаа, хамгаалах, цэгцлэх, хяналт тавих талаар онолын болон практик мэдлэг, чадвар олгоход энэхүү хичээлийн зорилго оршино.
