Бидний тухай
Багш ажилтан
Харилцаа, хэл, сэтгэхүй, соёл, хэл ярианы соёл, хэлний боловсрол, бичгийн зохиолын хэл, хэлний хэм хэмжээ, харилцааны орчин, зорилго гэсэн үндсэн ойлголт ухагдахууны нэртомьёог таниулах, монголчуудын уламжлалт мэндлэх, хүндлэх, талархах, зэмлэх, цээрлэх ёс заншлын тухай мэдлэг олгож, хэрэглэж хэвшүүлэх, утсаар зөв соёлтой харилцаж сургах, илтгэх урлаг, илтгэж сурахын ач холбогдол, илтгэгч, илтгэлийн хэл яриа, илтгэх аргын талаар мэдлэг олгож, илтгэх чадварыг хөгжүүлэн МУ–ын албан бичиг боловсруулах, хөтлөхөд тавих шаардлага, баталсан стандарттай танилцуулж тэдгээрийн дагуу ажиллаж албан бичиг боловсруулж сургах, шинжлэх ухааны зохиолын найруулгын үүрэг, онцлог, төрөл зүйл, тавигдах шаардлага болон эрдэм шинжилгээний илтгэл, эрдэм шинжилгээний өгүүлэл, дипломын ажил, ангийн ажил, дадлагын тайлан, бие даалт бичих арга зүйтэй танилцуулж, бичиж сургана.
Хэл, ярианы соёлын хичээлийн зорилго нь оюутныг эх хэлээрээ зөв ярьж, бичиж сургахад оршино. Энэ хичээлээр оюутан энгийн харилцааны соёлоос эхлээд албан бичиг боловсруулах, эрдэм шинжилгээний зохиол, бүтээл бичих, илтгэх чадвартай болох бөгөөд оюуны өмчийн асуудалд зөв зохистой хандлагыг хэвшүүлнэ.
Агуулга: Испани орны физик газарзүй, уур амьсгал,хүн ам, нийгэм, эдийн засгийн хөгжлийн үечлэл, өнөөгийнбайдал Аж үйлдвэр, дэд бүтэц, ХАА, газар тариалангийн бүс нутгууд, ашигт малтмалын орд газрууд болон үйлдвэрлэл, үйлчилгээний салбарууд, аж үйлдвэрийн төвүүд Автономит муж улсуудын эдийн засгийн гол салбарууд гэсэн бүлэг сэдэв үзэж, реферат бичнэ6 Эзэмших мэдлэг, чадвар, дадал: - Испанийн эдийн засгийн талаар мэдлэг эзэмших
- Испанийн муж улсуудын эдийн засгийн гол үйл ажиллагааны талаар мэдлэг эзэмших
Испани хэлний төв аялгууны авиа дуудлага хэвшүүлэх, дуудахад хэцүү авиалбар, залган дуудах болон эгшиглэн холбохуй, хэмнэлийн бүлэг заах. Үгийн сангийн тухайд А1 түвшний идэвхитэй хэрэглээ бүхий 400 орчим үг хэллэг эзэмшүүлэх. Хэлзүйн хувьд өгүүлбэрийн ерөнхий бүтэц, нэр үгийн хүйс тоо, үйл үгийн өнгөрсөн, одоо, ирээдүй цагийн хувирал, биеийн төлөөний үг, заах болон хамаатуулах тэмдэг нэр үзэх. Ярих сонсох чадварын тухайд, өөрийгөө танилцуулах, санаа бодлоо энгийнээр илэрхийлж сурах.
Испани хэлээр сонсох, ярих, унших, бичих анхан шатны буюу Европын олон хэлний суурь хөтөлбөрийн ангиллаар А1 түвшний чадвар, дадлыг эзэмшүүлэх. Испаниийн их дээд сургуулийн элсэлтийн DELЕ шалгалтанд бэлдэх хэлний суурь мэдлэгийг олгоно.
Зүүн Азийн улс орнуудын эрт эдүгээгийн түүх, соёлыг үечлэн заана. Чингэхдээ, түүхэн үеүдийн хоорондын хэлхээ холбоо, онцлох үйл явдал түүний шалтгаан, үр дагавар, хөгжил дэвшил, уламжлал шинэчлэл зэрэг талаас нь авч үзнэ. Түүний зэрэгцээ Хятад, Солонгос, Япон улсууд хоорондоо хэрхэн харилцаж ирсэн, тэрхүү харилцааны онцлог, мөн тэдгээр улс орны соёлын өвөрмөц онцлог, ялгаатай, төсөөтэй тал зэрэгтэй танилцаж, тодорхой ойлголттой болно.
Хятад, Солонгос, Японы түүх соёлыг бүс нутгийн хүрээнд цогц байдлаар авч үзэн, мэдлэг олгоно. Зүүн Азийн улс орнуудын түүхийн хэлхээ холбоо, соёлын харилцан нөлөөлөл гэх мэт судлагдахууны талаар ерөнхий ойлголт өгч, Ази судлаар мэргэших үндсийг тавина.
