Бидний тухай
Багш ажилтан
Матриц, түүн дээр хийх үйлдлүүд, матрицын тодорхойлогч, тодорхойлогчийг бодох аргууд, шугаман тэгшитгэлийн систем, түүнийг бодох аргууд, матрицын хувийн утга, хувийн вектор, тэдгээрийн хэрэглээ, хавтгайн аналитик геометрын үндсэн элементүүд, хоёрдугаар эрэмбийн мурийнууд, тэдгээрийн хэрэглээ, огторгуйн координатын систем, вектор, түүн дээр хийх үйлдлүүд, олонлог, түүн дээр хийх үйлдлүүд, функц, тоон дараалал ба дарааллын хязгаар, функцийн хязгаар ба тасралтгүй чанар, функцийн уламжлал ба дифференциал,тэдгээрийн хэрэглээ, дифференциал тооллын үндсэн чанарууд, функцийн экстремум,функцийг шинжилж графикийг байгуулах, эх функц, тодорхой биш интеграл ба түүний чанарууд, тодорхой биш интегралыг бодох аргууд, тодорхой интегралын тодорхойлолт, тодорхой интегралыг бодох Ньютон-Лейбницийн томъёо, тодорхой интегралын хэрэглээ, математикийн хэрэглээ
Энэхүү хичээл нь Нийгэм, хүмүүнлэг, хууль, эрх зүйн шинжлэх ухааны салбарт суралцаж амжилт гаргахад дэмжлэг болох математикийн суурь мэдлэгийн үндсийг өгөх, математик сэтгэлгээг хөгжүүлэх, математикийн гоо сайхан болон хэрэглээг таниулах зорилготой. Энэ хичээлээр ерөнхий боловсролын сургуульд үздэг нэг хувьсагчийн функцийн дифференциал болон интеграл тоолол, аналитик геометрын ойлголтуудыг дэлгэрүүлж, хоорондын уялдаа холбоог илүү тодруулж, практик хэрэглээний олон жишээний хамтаар үзнэ.
Эллиптик муруй, түүний крифтограф дахь хэрэглээ, Эллиптик муруйн онолын асуудлууд
Уг хичээлийн зорилго нь суралцагчдад орчин математикийн суурь онлуудын нэг болох эллиптик муруй онол, түүний хэрэглээг эзэмшүүлэхэд оршино.
Энэ хичээлээр талбар, түүний өргөтгөл, олон гишүүнт, алгебрын элементүүд, хуваагдлын талбар, олон гишүүнтийг үл задрах үржвэрүүдэд нэг утгатай задлах, бүлгийн характеристик, нормал өргөтгөл, төгсгөлөг талбар, нэгжийн язгуур, Нётерын өргөтгөл, Куммерын талбар, хялбар өргөтгөл, нормал суурь оршин байх тухай, натурал иррационалийн теорем, шийдэгдэх бүлэг, сэлгэмэлийн бүлэг, тэгшитгэлийг язгуур ашиглан бодох, ерөнхий тэгшитгэл бодох, анхны тоон зэрэгтэй бодогдох тэгшитгэлүүд зэрэг сэдвүүдийг судална.
Шугаман алгебр болон алгебрын үндсэн ойлголтууд дээрээ суурьлан талбарын өргөтгөлийн онолыг судалж түүн дээрээ тулгуурлан шийдэгдэх бүлэг, тэгшитгэлийг язгуур ашиглан бодох, горьтиг шугамаар байгуулж болох дүрсийг ялгах чадвартай болгоно.
Энэ хичээлээр вектор огторгуй ба түүн дээрх шугаман оператор гэсэн ойлголтуудын хоорондох шүтэлцээг тайлбарлана. Нормчлогдсон вектор огторгуй, тодорхой төрлийн шугаман хувиргалт, шугаман хувиргалтын мөр, характеристик олон гишүүнт, дотоод шулуун үржвэр зэрэг ойлголтуудыг тодорхойлж хувийн утга, хувийн веторуудийг олох, вектор огторгуйн суурийг ортогоналчлах, шугаман хувиргалтыг диагоналчлах, Жорданы нормал хэлбэрийг олох зэрэг аргуудтай танилцана. Мөн хэмжээсийн теорем, Гамилтон Келийн теорем, спектрал теорем зэрэг үр дүнгүүдийг батална.
Шугаман алгебрын хичээл нь математикийн үндсэн курсийн нэг бөгөөд математик, байгалийн ухаан, инженерчлэл, эдийн засаг, нийгмийн ухаан зэрэг олон салбарт өргөн хэрэглэгддэг ойлголтуудыг агуулдаг. Өргөн хэрэглэгддэг шугаман алгебрийн үндсэн ойлголтуудыг оюутнуудад танилцуулах нь энэ хичээлийн гол зорилго юм. Энэ хичээлийг сонгосноор оюутнууд өөрсдийн сэтгэлгээгээ хөгжүүлэх, цаашид мэргэжлийн хичээл судлахад шаардлагатай алгебрийн анхан шатны цэгцтэй мэдлэгтэй болох ач холбогдолтой.
