Бидний тухай
Багш ажилтан
Орчин үеийн нийгмийн хамгааллын институц, түүний чиг үүрэг, нийгмийн хамгааллын хэрэгцээ, шаардлага, нийгмийн хамгааллын талаарх онолын тайлбарлалууд, халамжит төр ба түүний хэв маягууд, нийгмийн хамгааллын байгууллагууд болон сүлжээ, нийгмийн эрсдэл болон эмзэг байдал, нийгмийн хамгааллын янз бүрийн хөтөлбөрүүд, тэдгээрийн зорилтот бүлгүүд, тэдгээрийг тодорхойлох аргачлал, нийгмийн халамжийн үйлчилгээний төрлүүд,
Уг хичээлийн зорилго нь оюутнуудад орчин үеийн нийгмийн хамгааллын институцийн чиг үүрэг, нийгмийн хамгааллын тогтолцоо хийгээд үндсэн арга хэмжээг танилцуулахад оршино. Хичээлийг судалснаар оюутан нийгмийн хамгааллын болон халамжийн түлхүүр ойлголтуудыг эргэцүүлэх ба цаашид нийгмийн хамгааллын болон нийгмийн халамжийн аль нэг хөтөлбөрийг гүнзгийрүүлэн судалж, мэргэшихэд шаардагдах шинжлэх ухааны суурь мэдлэгтэй болно.
Энэ хичээлийн хүрээнд нийгмийн тусламж түүхэн үзэгдэл болох тухай эргэцүүлэх ба уламжлалт буюу аж үйлдвэрээс өмнөх нийгмийн болон аж үйлдвэржсэн, орчин үеийн нийгмийн тусламжийн хэлбэрүүдийн талаар хэлэлцэх болно. Нийгмийн халамжийн болон хамгааллын үзэл санаа болон бодлогын үүсэл хөгжил, түүхэн хувьсал, өөрчлөлтүүдэд анхаарлаа хандуулах юм.
Оюутанд нийгмийн хамгааллын түүхийн талаар сиситемтэй мэдлэг олгож, нийгмийн хамгааллын түүхэн үзэл санаа хийгээд практикийн мөн чанарыг суурь ойлголтыг эзэмшүүлж, улмаар мэргэжлийн ухамсар төлөвшүүлэхэд хичээлийн зорилго оршино.
Энэхүү хичээлийн хүрээнд оролцогчид нийгмийн асуудлын тухай ойлголт, түүний үндсэн элементүүд, нийгмийн асуудлыг тайлбарлах социологийн хандлагуудыг авч үзэх болно. Түүнчлэн орчин үеийн нийгмийн асуудлын төрөл, хэлбэрүүдийг социаль бүтэц, харилцаа, институцүүдийн хүрээнд хэлэлцэх болно.
Энэ хичээлийн зорилго нь нийгмийн шинжлэх ухааны судлагдахууны салбар дундын орон зайд үлэмж чухал байр суурь эзэлж буй “социаль асуудлууд”-ын талаар суралцагчдад шинжлэх ухааны суурь мэдлэг олгох, цаашид гүнзгийрүүлэн судлах боломжийг нээж өгөх явдал юм. Түүнчлэн суралцагчид орчин үеийн нийгмийн асуудлуудын учир шалтгаан, тэдгээрийн бүрэлдэх үйл явц, төрөл, хэлбэрүүдийн талаар ойлголт эзэмших болно. Суралцагчид тус хичээлд хамрагдсанаар орчин үеийн нийгэм дэх социаль асуудлууд нь хүмүүсийн зан үйл болон институцийн хүчин зүйлсээр хэрхэн нөхцөлдөж байгаа талаар социологийн болон бусад нийгмийн шинжлэх ухааны ойлголт, үзэл баримтлалын үүднээс эргэцүүлэх, тайлбарлах боломжтой болж, цаашид нийгмийн шинжлэх ухааны аль нэг салбараар суралцахад шаардлагатай суурь мэдлэгийг бүтээх юм. Нийгмийн шинжлэх ухааны оюутнуудад нийгмийн асуудлууд төрөн гарахад хүргэж буй байгаа социаль тогтолцоо, институц, үйл явцад шүүмжлэлт байр сууринаас хандах, түүнчлэн тэдгээрийг нийгмийн хөгжил, сайн сайхан байдал, хүний эрхийн үүднээс тайлбарлах суурь мэдлэг, ойлголт олж авах нь чухал билээ.
Энэ хичээлийн хүрээнд нийгмийн халамжийн тогтолцоо, нийгмийн хамгааллын салбар дахь түүний байр суурь, нийгмийн халамжийн институцчилэл, түүний үе шатууд, нийгмийн халамжийн стратегийн хүрээг судална. Мөн нийгмийн халамжийн системийн хөгжилд улс төрийн, эдийн засгийн болон социаль-хүн ам зүйн хүчин зүйлсүүдийн үзүүлэх нөлөө, нийгмийн халамжийн систем дэх бюрократчилал, плюрализмын хөгжил, нийгмийн халамжийн зардлын өөрчлөлт, нийгмийн халамжийн зорилтот бүлгүүд, тэдгээрийн хувьсал өөрчлөлт, нийгмийн халамжийн системийн социетал системд үзүүлэх үр нөлөө зэрэг асуудлыг эргэцүүлэх болно.)
(Энэ хичээлийн зорилго нь оюутнуудад орчин үеийн Монголын нийгмийн халамжийн тогтолцооны хөгжлийн үйл явц, түүний үе шатуудын талаар мэдлэг олгож, түүний хүрээнд хийгдэж байгаа өөрчлөлт, шинэчлэлтүүдийн талаар өөрсдийн үнэлэлт дүгнэлт өгөх чадварыг эзэмшүүлэхэд чиглэж байна. Нийгмийн халамжийн бодлогын орчин, институцчилэл түүнд улс төрийн, эдийн засгийн болон социаль хүн ам зүйн хүчин зүйлсийн нөлөөлөлд эргэцүүлэл хийж, шинжлэх ухааны аргаар мэдээлэл цуглуулан дүгнэлт хийх чадвартай болно.)
