Бидний тухай
Багш ажилтан
Химийн хичээлээр дээрх асуудлыг шийдвэрлэхэд суралцагчдын идэвхтэй оролцоог хэрхэн хангах, суралцагчдыг нэгдмэл зорилготой хичээлд оролцоход багш хэрхэн сайн туслагч байх, ангид итгэл нөхөрлөлийн уур амьсгалыг хэрхэн бүрдүүлэх, бодит амьдралтай яаж холбох, суралцагчдыг шинжлэн судлах үйл ажиллагаанд хэрхэн нэгдүүлэх зэрэг үйлийг зохион байгуулах мэдлэг, ур чадвар, ёс зүй, харилцааны соёлын асуудлыг хөндөнө. Хичээлээр ялгаатай байдлыг хэрэгжүүлэх чадварт суралцана. Химийн хичээлийн хувьд учир шалтгаан, харилцан хамааарал, хүүхдийн өмнөх төсөөлөл, өмнөх мэдлэг ба мэдлэг бүтээх үйл ажиллагаа, суралцагчид хэл, соёл, үндэс угсааг үл харгалзан хамтран харилцаж химид суралцах, химийг сурахад гадаад хүчин сэдэл, хүчин зүйлсээс илүүтэй дотоод хүчин зйүл өөрийн хариуцлага чухал гэдгийг онцлон судлана. Сурагчдаар мэдлэг бүтээлгэх үйлийг удирдах, багаар ажиллуулах, хэлэлцүүлэг хийх болон хичээлийн төрөл хэлбэр бүрт тохирох хичээлийн аргыг судлана.
Химийн боловсролын шинэ стандарт, орчин үеийн химийн дидактик, сурган хүмүүжүүлэх сэтгэл судлал онол, арга зүй, концепцыг баримтлан 10-12-р ангийн химийн хичээлийн хөтөлбөрийг нариийвчлан судалж танилцана. Эдгээр анги тус бүрийн хөтөлбөрийг хэрэгжүүлэх нэгж хичээлийн төлөвлөлтийг хийж, mini багшлах дадлагыг хамтран хийнэ. Химийн хичээл ямар байвал суралцагчдын дур сонирхолыг илүү татах, улмаар тэднийг хөгжүүлэх хэрхэн арга барилд сургана. Химийн багшийн сурган хүмүүжүүлэх арга техникийг эзэмшүүлнэ. Химийн сургалтын онол, арга зүй EDUC 300 хичээлээр үзсэн дидактикийн онолын үндсийг химийн хичээлийн сонгож авсан сэдвүүд дээр буулгаж хэрэглэх чадвар эзэмшүүлэхэд оршино.
Химийн шинжлэх ухааны хөгжил 17-р зуунд эхэлж, 18-р зууны сүүлчээр хурдасч, Хими шилжилтийн үе 19-р зуунд асар их химийн дэвшмлд хүрсэн. Энэ курс нь холбогдох түүхэн дурсгалт газар, музей болон бусад цуглуулга. Мөн химийн түүхийг зааварчилгааны арга, ангийн ярилцлага, өргөн цар хүрээтэй уншлага, аялал нь хослуулан заадна. Химийн зорилго, агуулга, арга зүйг судална. Химийг багшлах арга зүйтэй холбоно. А. Шинжлэх ухааны түүхийн онол арга зүйн асуудал, химийн онол, хуулиудын нээгдсэн түүх, химийн түгээмэл элемент, тэдгээрийн нэгдлийн нээгдсэн түүх, нэрт химичдийн намтар түүх, химийн шинжлэх ухаанд оруулсан хувь нэмэр, нээлт гаргасан арга зүйг дэлхийн соёл иргэншилийн хөгжил, хүн төрөлхтний түүхийн асуудалтай холбон химийн шинжлэх ухааны түүхийн үечлэлээр нь судална.
Хичээлийн зорилго нь химийн багш, бакалавр мэргэжилтэн болох оюутнууд химийн шинжлэх ухааны алдарт нээлтийн нээгдсэн түүх, нэрт химичдын амьдрал, үйл ажиллагаа, химид оруулсан хувь нэмрийг судлах замаар багшлах ажилдаа химийн түүхийн мэдлэг, мэдээлийг хэрэглэх арга зүйд суралцахад оршино.
Химийн технологийн үндсэн ойлголтууд, хүдрээс металл боловсруулах технологийн процессууд (гидрометаллурги, пирометаллурги)-ын ерөнхий ойлголт, аж үйлдвэрүүдийн ангилал, хүнс, нэхмэл ноос, мод, арьс шир, металл ба металл бус эрдэс түүхий эд боловсруулах үйлдвэрүүд, химийн үйлдвэрүүд, химийн үйлдвэрийн ангилал, химийн үндсэн үйлдвэрүүд, резин ба мяндасны үйлдвэр, электрохими, гальваникийн процесс, тэсрэх бодис үйлдвэрлэх технологи, металлын зэврэлтийн процесс, хөдөө аж ахуйд хэрэглэгдэх химийн бодисын үйлдвэрлэл, эмийн үйлдвэрлэл, цавуу болон бүрхэх материалын үйлдвэрлэл, саван болон цэвэрлэгээний бодисын үйлдвэрлэл, бусад химийн бодисын үйлдвэрлэл, химийн үйлдвэрийн хөгжлийн чиг хандлага
Химийн үйлдвэрүүд, тэдгээрийн ангилал, химийн процесс бүхий уул уурхайн болон боловсруулах аж үйлдвэрүүдийн түүхий эд, түүхий эдийг бэлтгэх, боловсруулалтын технологийн арга аргачлал, эх орны зарим үйлдвэрүүдийн болон эх орондоо байгуулах боломжтой зарим үйлдвэрүүдийн технологийн үндсэн ойлголтуудтай танилцах.
Эрдсийн ба органик гаралтай түүхий эдийн химийн бүтэц найрлагыг тодорхойлоход ашиглагддаг чанарын болон багажит анализын аргуудтай танилцах, эрдэс түүхий эдийг баяжуулах технологийн үе шатуудад хяналт үнэлгээ хийж сурах, органик нэгдлийн бүтэц тогтоох орчин үеийн аргууд болох NMR, FT-IR, MS зэрэг аргуудын датад анализ хийж сурах.
Эрдсийн болон органик гаралтай түүхий эдээс дээж авах, дээжийг туршилт судалгаанд бэлтгэх, дээжийн физик, химийн шинж чанар ба бүтэц найрлагыг тогтоох зорилгоор үйлдвэр, лабораторид хэрэглэгддэг орчин үеийн дэвшилтэт аргуудын онолын үндэстэй танилцах, тухайн арга аргачлалыг ашиглан тодорхой нэг дээжинд анализ хийх чадварт суралцана.
Химийн дидактик тооцож үзэх шаардлагатай боловсролын, шинжлэх ухааны, бусад асуудлууд. Идэвхтэй сургалтын аргуудыг Химийг багшлахад хэрэглэх. Химийн лабораторт ажиллах арга, аюулгүй ажиллагаа. Багшийн эзэмшсэн байвал зохих шинжлэх ухаанч чадвар, хандлага. Үнэлгээний арга, хэлбэрүүд
Боловсролын хөгжлийн дэлхийн нийтийн чиг хандалга, төрөөс боловсролын талаар баримталж буй бодлого стратеги, сэтгэл судлал, сурган судлалын дэвшилтэт үзэл баримтлал сургалт шинэ технологид нийцүүлэн химийн сургалтыг зохион байгуулах арга зүйн талаарх мэдлэг, чадвар эзэмшүүлэх
Оюутан сурагчдыг химийн шинжлэх ухааны сүүлийн үеийн салбар болох полимерийг синтезлэх, хэрэглэгдэх мономерийн байгуулалт, шинж чанар, полимерийн синтезийн янз бүрийн аргууд, тэдгээрийг үйлдвэрт явуулах практик аргууд, полимерийн физик, механик, химийн шинж чанар, полимерийн молекул массыг тодорхойлох, ахуй, техникийн өргөн хэрэгцээтэй сонгодог материалуудтай танилцуулах, энэ талаар оюутанд мэдлэг, дадлага, чадварыг олгох зорилго тавина. Энэ хичээлээроюутнуудад нийлэг полимер материал (тухайлбал хуванцар, мяндас, каучук, эластомер) гаргах хими технологи, термодинамик ба кинетик нөхцөл, эслэг цардуул, уураг болон нийлэг бэлэн полимер нэгдлийг жингээ хадгалах хувирал буюу модификацид оруулах, ацетатын, нитратын, вискозын мяндас бусад нэгдэл гаргах, блок ба графит полимер гаргах, полимерийн эдэлгээний чанар түүний физик механикийн шинж чанараас хамаарах, полимерийн уусах ба уусмалын шинж чанар, уусалтын термодинамик молекул масс, конформацийг тодорхойлох хэлхээний уянлаг чанар деформац, полимерийн термомеханик шинж, релаксаци, практикийн гол чухал ач холбогдолтой нийтлэг ба тусгай хэрэглээний полимер материалууд боловсруулах технологи, тэдгээрийн ахуйн болон техникийн хэрэглээ.
Органик полимерийн химийн бүтэц, шинж чанар, гаргах талаар шинжлэх ухааны үндсэн мэдлэг олгоно.
Химийн бодис, химийн хувирал өөрчлөлтийн мөн чанарыг танин мэдэхэд зайлшгүй шаардлагатай химийн үндсэн ойлголт, ухагдахуун, химийн шинж чанарыг тайлбарлах үндсэн зарчмуудыг атомын электрон давхраат бүтэц, үелэх тогтолцоо, химийн химийн холбоо, молекул хоорондын харилцан үйлчлэлийн хүч, холимог бодисын шинж чанар, химийн урвал, химийн урвалыг судлах онол арга зүй, органик бодис, биохими, полимерийн хими, цөмийн химийг хамарсан үндсэн агуулгын хүрээнд судална. Химийн лаборатори, түүний үндсэн тоног төхөөрөмж, химийн сав суулга, багаж хэрэгслүүдтэй танилцан, химийн бодисыг хадгалах, бодистой харьцах аюулгүй ажиллагаанд суралцана. Химийн сорил гүйцэтгэх үндсэн арга барилуудыг эзэмшин Химийн бодисыг цэвэрлэх, анализ хийх лабораторийн ажлуудыг гүйцэтгэнэ.
Байгалийн шинжлэх ухаан, инженерийн салбараар суралцах оюутнууд зайлшгүй эзэмшигдсэн байх шаардлагатай химийн шинжлэх ухааны үндсэн ойлголт ухагдахуун, бодисыг танин мэдэх химийн үндсэн зарчмуудыг судлуулах замаар химийн бодис, түүний шинж чанарыг танин мэдэх онол арга зүй, сорил туршилтын үндсэн мэдлэг, чадварыг эзэмшүүлэхэд оршино. Онолын агуулгыг семинар болон лабораторийн хичээлтэй холбон, химийн шинжлэх ухааны үүднээс асуудлыг шийдвэрлэх ур чадварт суралцана.
