Бидний тухай
Багш ажилтан
Дэлхий Судлалын Үндэс хичээлийн агуулга нь Дэлхийн үүсэл, хөгжил, хувьсал өөрчлөлт, Дэлхийн бүрэлдэхүүн хэсгүүд болон тэдгээрийн хоорондын харилцан хамаарлыг судлах Дэлхийн судлалын ухааны үндсэн ухагдахуун, ойлголтууд, судлах арга, аргачлалуудаас бүрдэнэ.
Дэлхий Судлалын Үндэс хичээлээр Дэлхийн үүсэл, хөгжил, геологийн цаг хугацаан дахь түүний түүхэн хувьсал өөрчлөлтийг орон зайн болон цаг хугацааны тулгуур онолуудаар тайлбарлах, тэдгээрийн хүчин зүйлсийг Дэлхийг бүрэлдүүлэгч Агаар мандал, Усан мандал, Хөрсөн бүрхэвч, Биомандал болон Чулуун мандал гэсэн үндсэн 5 бүрэлдэхүүнүүдийн шинж чанар болон тэдгээрт явагдсан үйл явцуудаар тайлбарлаж ойлгох, тэдгээр мандлуудын хоорондын уялдаа холбоо болон тэдгээрийн харилцан үйлчлэлээр өнөөгийн Дэлхийн хэмжээнд явагдаж буй газар хөдлөлт, галт уул дэлбэрэлт, мөстлөг, цөлжилт, үерлэлт гэх зэрэг байгаль-цаг уурын үзэгдлүүдийг тайлах мэдлэг олгох зорилготой. Дэлхий Судлалын Үндэс хичээлээр олсон мэдлэгээ Геологи, Геоморфологи, Геохими, Геофизик гэх зэрэг байгалийн ухааны бусад салбар ухаануудыг өөртөө багтаасан Геосудлал буюу “Geoscience” ухааныг бүрэн цогцоор нь судалж ойлгон, танин мэдэж, тэдгээр салбар ухаануудыг цаашид нарийвчлан судалж, гүнзгийрүүлэн суралцах чадварыг эзэмших ач холбогдолтой.
Энэхүү хичээлийг судалснаар физик газарзүйн салбаруудаас гадна биологи, геологи, геохими, палеонтлоги ба археологийн салбарт хэрэглэгддэг биогеогазарзүйн үндсэн ухагдахуунуудыг судлахаас гадна цаашид дэлхий судлалын салбаруудаар мэргэшихэд үндсэн суурь мэдлэгийг эзэмших, судалгааны зарим арга барилд суралцах шинжлэх ухааны ач холбогдолтой.
Биогазарзүйн шинжлэх ухааны суурь хэрхэн тавигдан хөгжсөн хөгжлийн түүх, үйл явц болон амьтан, ургамлын өнгөрсөн болон өнөө үеийн тархалтыг цаг хугацаа, орон зайн хувьд судлах зорилготой. Хичээлээр биогазарзүйн салбар шинжлэх ухааны үүссэн түүх, амьд биесийн хувьслын үйл явц, тектоникийн хөдөлгөөн ба эртний амьтан, ургамлын үлдвэр, амьтан, ургамлын мөхөл, өвөрмөц амьтан, ургамлын тархац зүй тогтол болоод одоогийн тархалтын зүй тогтлын талаарх ойлголт, мэдлэгийг судалгааны материал, баримтууд дээр үндэслэн судалдаг. Биогеогазарзүй нь хаана, ямар зүйл яагаад тархсан байна вэ? гэсэн асуултанд хариулахыг эрмэлздэг ба эдгээр асуудалд хариулахын тулд биологи, геологи болон физик газарзүйн салбар ухаанууд болох уур амьсгал, цаг уур, хүрээлэн буй орчин, хөрс судлал, экологи зэрэг бусад шинжлэх ухаантай нягт уялдаатай, харилцааг ойлгож тэдгээртэй уялдсан судалгааны ерөнхий ба нарийвчилсан аргуудыг сурах, эзэмших, ашиглах зорилготой.
