Бидний тухай
Багш ажилтан
Шашны сэтгэл зүйн судлах зүйл, нийгэм ба соёлын хүрээн дэх түүхийн асуудлууд, шашны сэтгэл зүйн онол хандлага, шашны сэтгэл зүйн судалгаа, бие хүн ба шашны хоорондох холбоо хамаарал, шашны итгэл үнэмшлийн төрлүүд, Фрейд, Юнгийн үзэл санаан дах шашны итгэл үнэмшил, мөргөл, залбирлын сэтгэл зүйн ач холбогдол, зан заншил ба сэтгэл зүйн үйл ажиллагаа, шашны үнэ цэнэ ба сэтгэл зүйн ач холбогдол, бие сэтгэцийн эрүүл мэнд ба шашны нөлөөлөл, шашин ба ёс суртахуун, зан үйл ба шашны нөлөөлөл, позитив психологи, шашны сэтгэл зүйн үзэл санаа: атейзм, хүйс ба жендер.
Шашны сэтгэл судлал хичээлийг судалснаар оюутан шашин шүтлэгийн олон янзын төлөв байдал шашны сэтгэл судлаачдын онол, үзэл баримтлал, арга зүйг судалж мэднэ. Мөн шашинд итгэгч хүмүүсийн сэтгэл зүйн онцлог, тэдний дотоод ертөнц, шашны төсөөлөл, мэдрэмж ба сэтгэлийн хөдөлгөөнийг судлах ба судалгааны зарим нэг аргуудтай танилцана.
Эртний Дорно дахин, эртний Грек, Ром, дундал зуун, сэргэн мандалт, шинэ үеийн өрнийн философичид, сэтгэл судлаачид, орчин үеийн Өрнө, Дорнын сэтгэл судлаачид, философичид шашин шүтэх, эс шүтэхийн сэтгэлзүйн үндэс, үүрэг нөлөөг хэрхэн тайлбарласан түүхэн тоймыг авч үзнэ. Мөн шашныг дарангуйлал ба фанатизм, психоанализ, зөн совин ба зөн билиг, эмэгтэйчүүд, бясалгал, хүлцэнгүй ба хичээнгүй, амар амгалан, аз жаргал гэх мэт сэтгэлзүйн ойлголтуудтай холбон тайлбарлаж, шашны талаархи сэтгэл судлаачдын үзэл санааг тоймлон авч үзнэ.
Шашин шүтэх, эс шүтэх хүмүүсийн сэтгэлзүйн онцлог, нийгэм, хувь хүмүүсийн амьдралд нөлөөлөх үүрэг, сүсэг бишрэлийн сэтгэлзүйн нийгэм-соёл, байгаль газарзүй, танин мэдэхүйн үндсийг эрт үеэс өнөө үеийг хүртлэх өрнө, дорнын эрдэмтэн мэргэд хэрхэн тайлбарласныг тоймлон судалж мэднэ.
Энэ хичээлийг үзсэнээр дэлхийн улс түмний шашин шүтлэгийн талаар мэдлэг олж авахаас гадна монголын шашин шүтлэгийг бусад үндэстний шашны суурь дэвсгэр дээр харьцуулан судлах арга зүйн чиг баримжаатай болно.
