Бидний тухай
Багш ажилтан
Японы аралд хүн амьдрах болсон чулуун зэвсэг, шавар сав суулгын үеэс эхлээд өнөөг хүртэлх түүхтэй танилцана. Хичээлийг Японы түүхчдийн баримталдаг эрт үе, дундад зуун, ойрхи үе, орчин үе, шинэ үе гэх үечлэлээр хуваан авч үзэх бөгөөд Японы улс төр, эдийн засаг, гадаад харилцаа, соёл, боловсролын талаар мэдлэг олгох юм. Түүнчлэн түүхэн тодорхой үеүдэд гадаадын улс орнуудтай харилцаж ирсэн түүх болон Японы соёлд эх газрын соёлын нөлөө хэрхэн туссан талаар судална.
Японы түүхийн талаар суурь мэдлэг олгоно.
Үгийн утга бол ямар нэг үзэгдэл юмсын талаар хамгийн анхны ойлголт, төсөөллийг бий болгодог маш чухал нэгж юм. Ойлголт үүсэхгүй бол хэлний харилцаа явагдахгүй. Уг хичээлээр япон хэлний үгийн ангилал, бүтэц, үг бүтэх ёс, үгийн сангийн өөр өөр түвшингүүдийн талаар ойлголттой болно. Улмаар, байгаль, ахуй амьдрал, хүний бие, өрх гэр, нийгэмтэй холбоотой үг хэлээг, энгийн ярианы үг хэллэг, хүндэтгэлийн үг хэллэг гэх мэт харилцааны өргөн хүрээний үг хэллэгийн онцлогийн талаарх мэдлэгтэй болно.
Тус хичээлийн зорилго нь япон хэлний үгийн сангийн утгазүйн үндсэн ойлголтуудын талаар мэдлэгтэй болох, үгийн сангийн онцлогийн талаар ойлгож мэдэх, үгийн олон талт утга, түүний хэрэглээ нь япончуудын сэтгэлгээ, соёлын шууд илэрхийлэл болох тухай ойлголттой болно.
JF стандарт буюу япон хэлний олон улсын боловсролын стандартын үндсэн чиг баримтлалд тулгуурлан, япон хэлний хоёр цагаан толгойн 96 үсгийн дуудлага, бичлэг, нийлэмж, тэмдэглэгээ, богино хэмжээний бичвэрийн өргөлт, утгын өргөлт, тоо, цаг хугацаа, төлөөний нэрийг зөв дуудаж, уншиж, хэрэглэж сурахаас гадна тэдгээрийг тэмдэглэх 45 орчим дүрс үсгийн унших, бичих, хэрэглэх аргыг сурна.
Япон хэлний хоёр цагаан толгойн 96 үсгийн дуудлага, бичлэг, нийлэмж, тэмдэглэгээний онцлогийн талаарх бүрэн мэдлэг олно. Богино хэмжээний бичвэрийн өргөлт, утгын өргөлтийг зөв дуудах, тэмдэглэх, сонсож, уншиж, ойлгох чадвартай болно.
Судлахуун, ХХШ-д нийгэм, соёл болон хам бичвэр зэрэг олон хүчин зүйл хамаарах нь, Хэл ба хөрвүүлэг, Хэлийг хэрэглээний хэл шинжлэлийн үүднээс тодорхойлох нь, Түгээмэл хэлзүйн (UG) байгалийн мөн чанар, Зарчим хэмжихүүний онолын үндсэн ойлголтууд, Хэл сурахуйн ерөнхий ухагдуунууд, Хоёрдахь хэл эзэмших ба түгээмэл хэлзүй, Өгүүлбэрийн бүрэлдүүний бүтэц, Хувиргал өгүүлбэрзүй, Цахим хэл шинжлэл гэсэн ерөнхий сэдвийн хүрээнд орчин цагийн хэлний онолын нийтлэг чиг хандлагыг илэрхийлэх хэрэглээний хэл шинжлэлийн суурь ойлголтыг эзэмшинэ.
Уг хичээлийг үзсэнээр магистрант, докторантуудад хэрэглээний хэл шинжлэлийн дэлхийн чиг хандлагатай танилцах, судалгаа хийх, судалгааны материал боловсруулах онолын мэдлэгээ өргөжүүлэх боломж олгоно.
Хэлэхүйн чадваруудыг хөгжүүлэх аргазүйн түүхэн хөгжил, онолын үзэл баримтлалууд, уламжлалт арга ба шинэлэг хандлага, хэлэхүйн чадваруудыг бүрдүүлэх чадварууд, зарчмууд, сонсох, ярих, унших, бичих чадварыг хөгжүүлэх аргазүйн мэдлэг чадварыг эзэмшүүлнэ. Түүнчлэн дотоодод хийгдсэн хэлэхүйн чадваруудыг хөгжүүлэх аргазүйн судалгаатай танилцаж, олон улсын гадаад хэлний стандартад /CEFR, JF/ хэлэхүйн чадваруудыг хэрхэн авч үзэж буй талаар авч үзнэ.
Дэлхийн болон дотоодын гадаад хэлний сургалтанд хэлэхүйн үндсэн чадварууд болох сонсох, ярих, унших, бичих чадварыг хөгжүүлэх аргазүйн талаар баримталж буй гол үзэл баримтлалууд, хэрэглэгдэж буй аргуудын мэдлэг, чадвар эзэмшүүлнэ.
Харилцаа, хэл, сэтгэхүй, соёл, хэл ярианы соёл, хэлний боловсрол, бичгийн зохиолын хэл, хэлний хэм хэмжээ, харилцааны орчин, зорилго гэсэн үндсэн ойлголт ухагдахууны нэртомьёог таниулах, монголчуудын уламжлалт мэндлэх, хүндлэх, талархах, зэмлэх, цээрлэх ёс заншлын тухай мэдлэг олгож, хэрэглэж хэвшүүлэх, утсаар зөв соёлтой харилцаж сургах, илтгэх урлаг, илтгэж сурахын ач холбогдол, илтгэгч, илтгэлийн хэл яриа, илтгэх аргын талаар мэдлэг олгож, илтгэх чадварыг хөгжүүлэн МУ–ын албан бичиг боловсруулах, хөтлөхөд тавих шаардлага, баталсан стандарттай танилцуулж тэдгээрийн дагуу ажиллаж албан бичиг боловсруулж сургах, шинжлэх ухааны зохиолын найруулгын үүрэг, онцлог, төрөл зүйл, тавигдах шаардлага болон эрдэм шинжилгээний илтгэл, эрдэм шинжилгээний өгүүлэл, дипломын ажил, ангийн ажил, дадлагын тайлан, бие даалт бичих арга зүйтэй танилцуулж, бичиж сургана.
Хэл, ярианы соёлын хичээлийн зорилго нь оюутныг эх хэлээрээ зөв ярьж, бичиж сургахад оршино. Энэ хичээлээр оюутан энгийн харилцааны соёлоос эхлээд албан бичиг боловсруулах, эрдэм шинжилгээний зохиол, бүтээл бичих, илтгэх чадвартай болох бөгөөд оюуны өмчийн асуудалд зөв зохистой хандлагыг хэвшүүлнэ.
Бичгийн чадварыг хөгжүүлэхэд дараах хүрээг авч үзнэ: хүндэтгэлийн үг хэллэг, ажилд ороход өөрийгөө танилцуулах захиа, анкет, намтар, компани хоорондын албан бичиг (талархал, захиалга, тодруулга, гомдол гаргах, нэхэмжлэх, уучлалт хүсэх, мэйл г.м.), компанийн дотоод албан бичиг, хувь хүмүүсийн харилцааг дэмжих захидал, бичвэр.
Япон хэлний дээд шатны буюу Япон хэлний боловсролын стандартын ангилалаар B2, С1 түвшний бичгийн хэлийг эзэмшүүлэх хүрээнд албан ажил хэрэг явуулахад шаардлагатай бизнесийн япон хэлний бичгийн хэлний хүрээг авч үзэн судална. Албан ажлын хүрээнд шаардагдах бичгийн болон харилцааны мэдлэг чадварыг эзэмшүүлнэ.
Гадаад хэлний сургалтын үнэлгээний түүхэн хөгжил, онолын үзэл баримтлалууд, үнэлгээний төрөл, хэлбэр, зарчмуудын талаарх мэдлэгийг эзэмшин, үнэлгээг хэл сургахуйтай холбон дүн шинжилгээ хийж, сургалт судалгааны онолын үндэслэл болгон ашиглах мэдлэг чадвар эзэмшинэ. Гадаад хэлний сургалтын үнэлгээн дэх сорилгын төрлүүд, сорилгын зохимжтой хэрэглээ, даалгаврын төрлүүдийн талаар үзэж судална. Мөн хэлэхүйн дөрвөн чадвар болон хэл зүй, үгийн сангийн мэдлэгийг үнэлэх аргуудыг эзэмшинэ.
Дэлхийн болон дотоодын гадаад хэлний сургалтанд баримталж буй гол гол үнэлгээний онол, аргазүй, хэрэглэгдэж буй аргуудын талаар мэдлэг, чадвар эзэмшүүлнэ.
