Бидний тухай
Багш ажилтан
Компанийн эрх зүй хичээлээр компанийн ойлголт, төрөл хэлбэр, хувьцаа эзэмшигчдийн хурал, төлөөлөн удирдах зөвлөл, компанийн гүйцэтгэх удирдлага тэдгээрийн бүрэн эрх, хувьцаа болон компанийн бусад үнэт цаасны эрх зүйн зохицуулалтыг судална.
Компанийн эрх зүйн хүрээн дэх хувьцаа шилжүүлэх, худалдан авах ажиллагаа болон хувьцаа эзэмшигчийн хурлыг хуралдуулах зэрэг компанийн эрх зүйн хүрээний асуудлыг шийдвэрлэх болон компаний эрх зүйн хэм хэмжээг хэрэглэх, компанийн эрх зүйн талаархи олон талт ойлголт, үзэл онол хандлагыг харьцуулан судалж зөв хандлага төлөвшүүлэхэд оршино. .
Гэрээний төсөл боловсруулах, хэлэлцээр хийх аргачлал хичээлийн хүрээнд гэрээний төсөл боловсруулах үе шатуудын талаар магистрын сургалтын оюутнуудад мэдлэг олгоно. Гэрээний талуудын хооронд ирээдүйд үүсэх үүргийн эрх зүйн харилцааг хуулийн хүрээнд зохицуулахын тулд гэрээний төсөл боловсруулах үе шатуудаас гадна холбогдох хуулийн зохицуулалтыг хэрэглэх аргачлал эзэмшсэн байх шаардлагатай байдаг. Энэ хичээлийн агуулга нь хууль тогтоомжийн хэрэглээг бататгах, гүнзгийрүүлэх, практик жишээн дээр хэрэглэх аргачлалыг сайтар эзэмшүүлэхэд чиглэгдэнэ. Гэрээний төсөл боловсруулахаас гадна гэрээг байгуулахын тулд хэлэлцээр хийх арга тактик чухал ач холбогдолтой байдаг учир суралцагсдад хэлэлцээр хийх аргачлалыг эзэмшүүлэх нь хичээлийн агуулгын томоохон хэсгийг бүрдүүлнэ.
Энэ хичээлээр хувийн эрх зүйн харилцаанд оролцох гэж буй этгээдүүдийн хооронд ирээдүйд үүсэх үүргийн эрх зүйн харилцааг зохицуулахад чиглэгдсэн гэрээний агуулгыг талуудын ашиг сонирхлыг тусган, холбогдох хууль тогтоомж дахь хэм хэмжээг хэрэглэсний үндсэн дээр боловсруулах, гэрээ байгуулахад хэрэглэгдэх хэлэлцээр хийх аргачлалыг эзэмшүүлнэ.
The course covers the basic concepts of business law, the role of business law in the legal system, the subjects of business legal relations, forms of doing business, the differences between them, advantages and disadvantages, business transactions, representation, and investment, securities, legal regulation, competition regulation, and bankruptcy regulation.
Энэ хичээлээр бизнесийн харилцааны оролцогч болох иргэн, хуулийн этгээдээс аж ахуй эрхлэх явцад үүссэн ашгийн төлөө харилцаа, түүнтэй нягт холбоотой ашгийн бус харилцаа, олон нийтийн ашиг сонирхлыг хангах зорилгоор төрөөс эдийн засагт нөлөөлөх явцад үүссэн харилцаа, түүний мөн чанар эрх зүйн зохицуулалтын талаар шинжлэх ухааны онолын мэдлэг олгох замаар бизнесийн эрх зүйн зохицуулалтыг танин мэдэж, учир холбогдлыг нь ойлгож , энгийн төвшинд амьдрал , практикт хэрэглэх чадвар эзэмшихэд тусална . Хичээлийн товч агуулга: (монголоор) Уг хичээлээр бизнесийн эрх зүйн үндсэн ойлголт, эрх зүйн тогтолцоонд бизнесийн эрх зүйн гүйцэтгэх үүрэг, бизнесийн эрх зүйн харилцааны субъектүүд, бизнесийн үйл ажиллагаа эрхлэх хэлбэрүүд, тэдгээрийн хоорондын ялгаа, давуу болон сул тал, бизнесийн хэлцэл , төлөөлөл, гэрээ болон хөрөнгө оруулалт, үнэт цаасны эрх зүйн зохицуулалт, өрсөлдөөний эрх зүйн зохицуулалт, дампуурлын эрх зүйн зохицуулалт зэрэг асуудлыг судална.
