Бидний тухай
Багш ажилтан
Гэрээний төсөл боловсруулах, хэлэлцээр хийх аргачлал хичээлийн хүрээнд гэрээний төсөл боловсруулах үе шатуудын талаар магистрын сургалтын оюутнуудад мэдлэг олгоно. Гэрээний талуудын хооронд ирээдүйд үүсэх үүргийн эрх зүйн харилцааг хуулийн хүрээнд зохицуулахын тулд гэрээний төсөл боловсруулах үе шатуудаас гадна холбогдох хуулийн зохицуулалтыг хэрэглэх аргачлал эзэмшсэн байх шаардлагатай байдаг. Энэ хичээлийн агуулга нь хууль тогтоомжийн хэрэглээг бататгах, гүнзгийрүүлэх, практик жишээн дээр хэрэглэх аргачлалыг сайтар эзэмшүүлэхэд чиглэгдэнэ. Гэрээний төсөл боловсруулахаас гадна гэрээг байгуулахын тулд хэлэлцээр хийх арга тактик чухал ач холбогдолтой байдаг учир суралцагсдад хэлэлцээр хийх аргачлалыг эзэмшүүлэх нь хичээлийн агуулгын томоохон хэсгийг бүрдүүлнэ.
Энэ хичээлээр хувийн эрх зүйн харилцаанд оролцох гэж буй этгээдүүдийн хооронд ирээдүйд үүсэх үүргийн эрх зүйн харилцааг зохицуулахад чиглэгдсэн гэрээний агуулгыг талуудын ашиг сонирхлыг тусган, холбогдох хууль тогтоомж дахь хэм хэмжээг хэрэглэсний үндсэн дээр боловсруулах, гэрээ байгуулахад хэрэглэгдэх хэлэлцээр хийх аргачлалыг эзэмшүүлнэ.
Энэхүү хичээлээр Арилжааны (Худалдаа) эрх зүйн үүсэл хөгжил, онол, арилжааны этгээд, арилжаа эрхлэгч, худалдаачин буюу аж ахуй эрхлэгч этгээд, түүний төрөл, төлөөлөл, бүртгэлийн тухай ойлголт, нягтлан бодох бүртгэл, худалдааны нэр болон тэмдэг, тайлагнал, аж ахуйн нэгжийн үндэс, хөөн хэлэлцэх хугацааны онцлог, үнэт цаас, дампуурал зохицуулалт зэргийг үзнэ.
Арилжааны (Худалдаа) эрх зүйн ойлголт, арилжааны хууль тогтоомжийн онцлогийг судалж, иргэний болон арилжааны эрх зүйн ялгаа заагийг ойлгох, арилжааны хэлцлийн онцлог, бизнес эрхлэх хэлбэр, Арилжааны (Худалдаа) эрх зүйд хамаарах салбар тусгай хуулийг судлахад оршино. Түүнчлэн худалдаа эрхлэгчид хамаарах тусгай хуулийн хэм хэмжээг судлах, хэрэглэгчийн гэрээ ба арилжааны хэлцлийн ялгаа, тэдгээрийг хэрхэн тайлбарлан хэрэглэх онол арга зүйд суралцана.
