Бидний тухай
Багш ажилтан
Өмнө үзсэн япон хэлний унших дадал, бичих дадал хичээлд суурилан, япон хэлний үгийн сан, тухайлбал, үгийн сангийн үүсвэр, бүрэлдэхүүн, утга, нэрзүй, хэлц үг, дуурайх үг, нутгийн аялгуу, тользүй зэргийг онолын үүднээс тоймлон үзнэ. Мөн япон хэлний яриа ба бичгийн хэлний ялгаа, үгийн утга, хэрэглээний ялгаа зэргийг онолын мэдлэг болон хэрэглээтэй холбон жишээгээр тайлбарлана.
Япон монгол хэлний үгийн сангийн зэрэгцүүлсэн судалгаа хийх онолын анхан шатны мэдлэгтэй болох
Нийлмэл өгүүлбэрийн эзэн бие, цагийг илэрхийлэх арга, үйл явдлын дараалал, цагийг заах, болзох, эсрэгцүүлэн холбох холбоосууд, шалтгаан заасан холбоос түүний хэрэглээ, цаг хугацаа заасан, үгүйсгэсэн, нөхцөл заасан өгүүлбэрт хэрэглэгдэх дайвар үгс, өгүүлэгчийн сэтгэлийн байдал, үнэлэмж, итгэлтэй байдал, дүгнэлт, таамаг, хүсэл зорилго, санал болгох зүйл, онцолсон санааг илэрхийлэхэд хэрэглэгдэх хэллэгүүдийн хэрэглээ, онцлог, ялгаа болон албан бичгийн найруулга, хүндэтгэлийн болон энгийн ярианы хэлбэр, эхийн үндсэн бүтэц зэрэг бичвэрийн найруулгын үндсэн ойлголтыг багтаана.
“Япон хэлний боловсролын JF Standard”-ийн B1-ийн анхан шатны хүрээнд унших, уншиж ойлгох, сонсох, сонсож ойлгох, бусадтай харилцах, түүнчлэн илтгэл тавих, найруулан бичих чадварыг эзэмшихэд шаардлагатай хэлзүйн суурь мэдлэгийг олгоно.
Урьд үзэж сурсан бичих дадал хичээлдээ суурилан, орчин цагийн япон хэлний найруулгын төрөл, найруулгын төрөл бүрд тохирох арга хэрэглүүр онцлог, найруулгын алдаанд ажиглалт хийх замаар япон хэлний найруулга зүйн төрөлд харьцуулалт хийх, тэдгээрийн хэрэглээний ялгаа, онцлогтой танилцана. Орчин цагийн япон хэлний найруулгын онолын үндсэн мэдлэгтэй болно.
Япон хэлээр зөв найруулан бичих дадал эзэмшүүлэх, тодорхой сэдвээр реферат, ангийн ажил, судалгааны төлөвлөгөө бичих үндсэн мэдлэг, чадвартай болно.
Япон хэлний гарал үүсэл, хэв шинж, японы хэлшинжлэлийн гол төлөөлөгчид, япон хэлний авиа, бичлэг, үгийн сан, хүндэтгэлийн үг, хэрэглээ, япон хэл ба соёлын тал зэрэг япон хэлшинжлэлийн гол гол ойлголтуудыг багтаана.
Япон хэл шинжлэлийн тулгуур ойлголтуудын талаар анхан шатны мэдлэг эзэмшүүлэх зорилготой.
Судлахуун, ХХШ-д нийгэм, соёл болон хам бичвэр зэрэг олон хүчин зүйл хамаарах нь, Хэл ба хөрвүүлэг, Хэлийг хэрэглээний хэл шинжлэлийн үүднээс тодорхойлох нь, Түгээмэл хэлзүйн (UG) байгалийн мөн чанар, Зарчим хэмжихүүний онолын үндсэн ойлголтууд, Хэл сурахуйн ерөнхий ухагдуунууд, Хоёрдахь хэл эзэмших ба түгээмэл хэлзүй, Өгүүлбэрийн бүрэлдүүний бүтэц, Хувиргал өгүүлбэрзүй, Цахим хэл шинжлэл гэсэн ерөнхий сэдвийн хүрээнд орчин цагийн хэлний онолын нийтлэг чиг хандлагыг илэрхийлэх хэрэглээний хэл шинжлэлийн суурь ойлголтыг эзэмшинэ.
Уг хичээлийг үзсэнээр магистрант, докторантуудад хэрэглээний хэл шинжлэлийн дэлхийн чиг хандлагатай танилцах, судалгаа хийх, судалгааны материал боловсруулах онолын мэдлэгээ өргөжүүлэх боломж олгоно.
Харилцаа, хэл, сэтгэхүй, соёл, хэл ярианы соёл, хэлний боловсрол, бичгийн зохиолын хэл, хэлний хэм хэмжээ, харилцааны орчин, зорилго гэсэн үндсэн ойлголт ухагдахууны нэртомьёог таниулах, монголчуудын уламжлалт мэндлэх, хүндлэх, талархах, зэмлэх, цээрлэх ёс заншлын тухай мэдлэг олгож, хэрэглэж хэвшүүлэх, утсаар зөв соёлтой харилцаж сургах, илтгэх урлаг, илтгэж сурахын ач холбогдол, илтгэгч, илтгэлийн хэл яриа, илтгэх аргын талаар мэдлэг олгож, илтгэх чадварыг хөгжүүлэн МУ–ын албан бичиг боловсруулах, хөтлөхөд тавих шаардлага, баталсан стандарттай танилцуулж тэдгээрийн дагуу ажиллаж албан бичиг боловсруулж сургах, шинжлэх ухааны зохиолын найруулгын үүрэг, онцлог, төрөл зүйл, тавигдах шаардлага болон эрдэм шинжилгээний илтгэл, эрдэм шинжилгээний өгүүлэл, дипломын ажил, ангийн ажил, дадлагын тайлан, бие даалт бичих арга зүйтэй танилцуулж, бичиж сургана.
Хэл, ярианы соёлын хичээлийн зорилго нь оюутныг эх хэлээрээ зөв ярьж, бичиж сургахад оршино. Энэ хичээлээр оюутан энгийн харилцааны соёлоос эхлээд албан бичиг боловсруулах, эрдэм шинжилгээний зохиол, бүтээл бичих, илтгэх чадвартай болох бөгөөд оюуны өмчийн асуудалд зөв зохистой хандлагыг хэвшүүлнэ.
Орчин үеийн философи, танин мэдэхүйн онол дахь мэдлэгийн шинжлэх ухааны болон шинжлэх ухааны биш төрлүүдийн ялгаа, онцлог, сонгодог ба сонгодог биш үеүүд дэх арга зүйн баримтлалуудын ялгаа, шинжлэх ухааны судалгааны арга зүй, судалгааны процессын үе шатууд /сэдэв, бүтээлийн тойм, судалгааны дизайн, өгөгдөл цуглуулах ба боловсруулах .../, шинжлэх ухааны судалгааны аргууд /аргын тухай, аргын ангилал ба төрлүүд, нийгэм хүмүүнлэгийн ухаан дахь аргын асуудал/ шинжлэх ухааны философийн /позитивизм/ болон нийгэм хүмүүнлэгийн ухааны философи арга зүйн баримтлалууд /экзистенциализм, психоанализ, герменевтик, феноменологи, структурализм, постструктурализм, постмодернизм, хэлний тухай философи, лингвистик философи/-ын онолын агуулгыг судална. Аливаа улс үндэстний соёлыг хэлээс ангид авч үзэх боломжгүй. Хэл бол тухайн ард түмний сэтгэлгээ, түүх, шашин соёлын илэрхийлэл болж байдаг. Монгол хэл, бичиг, түүгээр уламжилж ирсэн дурсгал бичгүүд бол монгол үндэстний хүн төрөлхтний оюуны соёлд оруулсан их хувь нэмэр юм. Монгол утга соёлын дурсгалууд манай улсаас гадна дэлхийн бусад улс орны номын санд хадгалагдаж байна. Монголын уран зохиол, түүх, гүн ухаан, шашин, урлагийн холбоотой дурсгал бичгийг судлах эх суурь нь монгол хэл, бичиг тэр дундаа эх бичиг, сурвалж бичгийн судалгаа байх бөгөөд энэ чиглэлээр гадаад дотоодын эрдэмтэн судлаачид багагүй бүтээл туурвижээ. Монгол хэл бичиг, утга соёлын гол дурсгал бичгүүдтэй танилцаж, хүмүүнлэгийн салбар ухаануудын хоорондын харилцаа холбоонд тулгуурлан хэл, соёлыг хэрхэн судлах арга зүйг авч үзнэ.
Судалгааны ажлын онцлог, бүтэц, судалгааны процессын үе шатууд, судалгааны ажлын стандарт шаардлага ба хэм хэмжээ, судалгааны арга ба арга зүйн талаар онолын мэдлэг эзэмших нь энэ хичээлийн гол зорилго бөгөөд эзэмшсэн мэдлэгээ өөрийн судалгааны ажилд арга зүй болгон хэрэглэхэд энэ хичээлийн гол ач холбогдол оршино. Мөн даяаршилын эрин үед улс үндэстэн бүр өөрийн хэл соёлоо хадгалж авч үлдэх, хойч үедээ уламжлан дамжуулахыг зорьж байна. Манай орны хувьд энэ асуудал бүр ч хурцаар тавигдаж буй өнөө үед өөрийн улс орны хэл, соёлыг судлах, судалгааны арга зүйг мэдэх нь тулгамдсан асуудал болж байна. Аливаа улс орны соёл хэлээр дамжиж илэрч байдаг. Нөгөөтэйгүүр хүмүүнлэгийн салбар ухаан болох түүх, шашин, гүн ухаан, урлаг утга зохиолын дурсгал бичгийг судлахын үндэс нь монгол хэл, бичиг билээ. Энэ чиглэлийн судалгааны үндэс болсон эх бичиг, сурвалж бичгийн судлал, хэл-соёлын дурсгалыг судлах арга зүй, судалгааны хэрэглэгдэхүүн, монголчуудын соёл, сэтгэлгээний онцлогийг бусад үндэстний хэл, соёлтой харьцуулан танилцуулахад энэ хичээлийн зорилго оршиж байна.
Цар хүрээ, хэмжээ хязгаарыг заах үг хэллэгүүд, онцлох, цохон тэмдэглэх, зэрэгт хэрэглэгдэх үг хэллэгүүд, ижил төстэй олон зүйл байгааг илэрхийлэх үг, тоо хэмжээг заах хэллэгүүд, юмыг тайлбарлах, холбоо уялдааг илэрхийлэх үг хэллэгүүд, ярианы сэдэвт магтах, муулах зэргээр хандах өнгө аясыг илэрхийлэх хэллэгүүд, байр, цаг, хамрах хүрээг илэрхийлэх үг хэллэгүүд, арга хэрэглүүр, шалтгаан заах үг хэллэгүүд, оногдохуйг заах үг хэллэгүүдийн утга, хэрэглээний онцлог, ялгаа, өнгө аяс, бичгийн болон ярианы хэлний түвшний ялгаа зэргийг багтаасан байна.
“Япон хэлний боловсролын JF Standard”-ийн B1-ийн анхан шатны хүрээнд унших, уншиж ойлгох, сонсох, сонсож ойлгох, бусадтай харилцах, түүнчлэн илтгэл тавих, найруулан бичих чадварыг эзэмшихэд шаардлагатай хэлзүйн суурь мэдлэгийг олгоно.
