Бидний тухай
Багш ажилтан
Эдийн баялагын эрх зүйн ойлголт үндсэн асуудлууд, эзэмшил, өмчлөх эрх, хөдлөх болон үл хөдлөх эд хөрөнгө өмчлөх эрх, дундын өмчийн эрх зүйн зохицуулалт,түүний төрөл, хөршийн эрх, эдийн баялагын хязгаарлагдмал эрхүүд, барьцааны эрхийн онол практикийн асуудлыг судална.
Эдийн баялагын эрх зүйн ойлголт,зарчим, харилцаа, түүний мөн чанар,эзэмшил, эзэмших,өмчлөх эрх, хөрөнгийн хязгаарлагдмал эрхийн талаар цэгцтэй мэдлэг олгох, улмаар иргэний эрх зүйн хэм хэмжээ буюу иргэний хуулийн холбогдох зохицуулалтыг зөв ойлгож хэрэглэх ур чадвартай болох эдийн баялагын буюу эд юмсын эрх зүйн талаархи олон талт ойлголт, үзэл онол хандлагыг харьцуулан судалж зөв хандлага төлөвшүүлэхэд оршино.
Шүүхийн шийдвэр гүйцэтгэх ажиллагааны үндсэн асуудал, зарчим, шийдвэр гүйцэтгэх үндэслэл, шийдвэр гүйцэтгэх байгууллага, түүний тогтолцоо, шийдвэр гүйцэтгэх баримт бичиг, шийдвэр гүйцэтгэх ажиллагааг үүсгэх, түдгэлзүүлэх, дуусгавар болгох, шийдвэр гүйцэтгэх ажиллагааны оролцогчид тэдний эрх, үүрэг, төлбөр төлөгчийн эд хөрөнгөнөөс төлбөр гаргуулах ажиллагаа, шийдвэр гүйцэтгэх ажиллагааны зардал, шийдвэр гүйцэтгэгчийн үйл ажиллагаанд гомдол гаргах зэрэг асуудлыг судална.
Энэ хичээл нь шүүхийн шийдвэр гүйцэтгэх байгууллагын тогтолцоо, зохион байгуулалт, иргэний хэргийн шийдвэр гүйцэтгэлийн ажиллагааны эрх зүйн үндэс, журмын талаар мэдлэг олгох, шүүхээс гаргасан шийдвэрийг бодитойгоор биелүүлэх дадал чадвартай болох, шийдвэр гүйцэтгэлийн ажиллагаанд хүний эрхийг хангах үзэл санаа, хандлагатай болгон төлөвшүүлэхэд хувь нэмэр оруулна.
